Romanos 1:9 - Porciones del Nuevo Testamento

⁹ Mʉãrã Daizezera soidꞌu aribꞌae bꞌʉba bedꞌea biata jara bꞌʉa zhi Warradꞌeta, izhara kꞌawua bꞌʉa mʉã marã ewariza jara tau ẽãta mʉ zhiwidꞌibʉrʉdꞌera.

Romanos 1:9 Referans Kwoze

Romanos 9:1

Cristodꞌeba mʉãrã wãrãta jaraya, mʉrã sewa nebʉrʉ ẽãta kꞌawua bꞌʉa Jawurebiadꞌeba.

Hechos 27:23

Idꞌi diamase mʉ ũme bꞌasia ángel Daizezedꞌeta, mʉrã Daizezedꞌea, mʉãrã izha jara bꞌʉta aribꞌae bꞌʉa.

Hechos 19:21

Maʉ̃ tẽã Pablora krĩchasia Jerusalén pʉwʉrʉedꞌa wãĩta pʉrrʉadꞌa tẽã Macedonia druadꞌe, Acaya druadꞌe. Maʉ̃nerã mawũãsia: Mʉrã Jerusalénne bꞌape wãĩ baraya Roma pʉwʉrʉidꞌubidꞌa.

Hechos 24:14

Mawũãmina mʉã naʉ̃ta bʉaa jaraya: Mʉãrã pẽwã bꞌʉa Jesúsdꞌebema ota ãzha jãpe bꞌʉa abꞌeta, mʉãrã aramaʉ̃ne bedꞌeata aribꞌae bꞌʉa mʉ zhibarirã bꞌeadꞌa Zhibaridꞌeta. Mʉãrã jõma ĩjã bꞌʉa Moisé ũrãgꞌadꞌe bꞌʉ tabꞌeta, Daizezeba bedꞌeata jarabibarirãne bꞌʉ tabꞌeta.

Hechos 12:5

Aramaʉ̃ne Pedrora akʉ bara bꞌesia cárceldꞌe. Mawũãmina mebẽrã Daizezea zhiwidꞌi taudꞌa ẽbasia izhibari.

Hechos 3:26

Naara Daizezebara zhi Warra marãma zokꞌasia marã bia bꞌeabimarẽã, aramaʉ̃ne idu bꞌʉdꞌamarẽã bia ẽãta obꞌeta.

Lucas 18:1

Jesúsbara ne jarakꞌasia ewariza zhiwidꞌii baradꞌebemata poea ẽã.

Marcos 1:1

Jesucristodꞌebemata bedꞌea biata mʉãrã jẽdeba bꞌʉya, izhira Daizeze Warra.