Romanos 1:8 - Porciones del Nuevo Testamento

⁸ Mʉã naara jaraira Jesucristodꞌeba mʉãrã Daizezea zhibia ji bꞌʉa marã jõmaʉ̃bari, marãba Jesúsdꞌebema ĩjã bꞌeta trʉ̃poa nʉmʉbari ẽjũã jõmaʉ̃ne.

Romanos 1:8 Referans Kwoze

Romanos 16:19

Cristodꞌe bedꞌea biara marãbara aribꞌae bꞌeta jõmaʉ̃ba kꞌawua bꞌeba mʉrã sobia bꞌʉa marã kꞌarea. Mawũãmina mʉã krĩña bꞌʉa marã krĩcha banata bꞌeaita biata oita, bia ẽãta o ẽbaita.

Romanos 6:17

Mʉã Daizezea zhibia ji bꞌʉra kꞌazhirua nezokꞌata bꞌeasimina marãbara soidꞌu aribꞌae bꞌea Daizeze ũrãgꞌa jaradiadꞌapeadꞌata.

Mateo 24:14

Kꞌãwũã bedꞌea biata Daizezeta Nokꞌodꞌebemata jaradꞌaya ẽjũã jõmaʉ̃ maẽ, aramaʉ̃ne zhãrã jõmaʉ̃ba kꞌawuadꞌaya, mobebʉrʉ zeya ewari nʉmʉta jõĩrã.

Hechos 11:28

Mobe ãzhidꞌebema abꞌa Agabo abadata piradrʉpe Jawurebiadꞌeba jarasia jarraba zromata zeita drua jõmaʉ̃ne bꞌe maẽ. Mawũã zesia Claudio reyta bꞌadꞌa ewade.

Lucas 2:1

Jari ewadera rey Augusto Césarbara jarasia zhãrã jõma juachadꞌamarẽã.

Hechos 28:22

Mawũãmina daibara ũrĩ krĩña kꞌobꞌea bʉ sãwũã krĩcha bꞌʉta. Jesús ũrãgꞌadꞌe bꞌera daibara kꞌawua bꞌea baridu maẽ bĩ ẽã jara bꞌeta.

Romanos 10:18

Mawũãmina mʉã widꞌiya: ¿Maʉ̃ bedꞌeara judíorãbara ũrĩna ẽbasika? Wãrãnebai ũrĩsidꞌa. Maʉ̃ẽnabemata zhi bꞌʉmata mawũã bꞌʉa: Izhidꞌebemata drua jõmaʉ̃ maẽ jarasidꞌa, drua wawaraidꞌu jarasidꞌa izhi bedꞌeara. (Salmos 19:4)