Romanos 1:5 - Porciones del Nuevo Testamento

⁵ Jesucristobara mʉrã izhi biaba jʉrʉpe zokꞌasia, aramaʉ̃ne drua jõmaʉ̃nebemaba ĩjãnamarẽã izhidꞌebemata kʉãgꞌa.

Romanos 1:5 Referans Kwoze

Hechos 9:15

Mawũãĩ Nokꞌobara mawũãsia: Wãrũã, maʉ̃ mʉã jʉrʉsia mʉnebemata jarakꞌa wãmarẽã judío ẽãta bꞌea, reyrãta bꞌea, Israel bꞌea.

Romanos 16:26

Mawũãmina idꞌibai kꞌawuabisia, aramaʉ̃ne izha bedꞌeata jarabibarirãba jaradꞌapeadꞌata zhi bꞌʉmaneba, izhi Daizeze bꞌai jõ ẽã bꞌʉ ũrãgꞌadꞌeba zhãrã jõmaʉ̃ã kꞌawuabi nʉmʉã aribꞌaedꞌamarẽã Jesucristodꞌebema ĩjãĩrã.

Hechos 6:7

Daizeze bedꞌeara wuaabʉrʉ jara wãsidꞌa, mawũẽ Jesúsdꞌebema ĩjã bꞌera kꞌãbãẽã eaba wãsia Jerusalénnerã. Sacerdoterãbidꞌa bioba ĩjã tupudꞌeasia.

Romanos 12:3

Daizezeba izhi biaba kꞌãrẽ jarabi nʉmʉba mʉã marãã jaraya, miõta izhikusa krĩchaidꞌe bꞌʉ ẽã izhira audre zhi zromata, awuarabʉrʉ izhikusara krĩchaidꞌe bꞌʉa soidꞌu kꞌobꞌʉba kꞌãrẽ oira Daizezebara diasita abꞌa abꞌaʉa.

Hechos 1:25

Mawũãrã bʉdꞌebemata jaramarẽã bʉa zokꞌadꞌata bꞌaya. Maʉ̃ta bꞌadꞌara Judara kꞌazhiruadꞌe bꞌaesia, aramaʉ̃ne tebʉedꞌa wãsia izhi bꞌaima.

Romanos 3:29

¿Daizezera bari judíorãneka? ¿Izhabꞌa Daizezera judíorã ẽãta bꞌedꞌe ẽka? Wãrãnebai izhabꞌa judíorã ẽãta bꞌedꞌea.

Juan 1:16

Izhi bꞌʉdꞌebema biaba dazhirã jõma bia erunʉmʉã, aramaʉ̃ne bia erunʉma tau ẽã.

Hechos 15:14

Simónbara jarabʉrʉa Daizezeba jẽdeubara sãwũã edabʉrʉta judíorã ẽãta bꞌera, aramaʉ̃ne ãzhira izhidꞌe babigaita.