Romanos 1:3 - Porciones del Nuevo Testamento

³ Maʉ̃ bedꞌea biabara jara bꞌʉa zhi Warrata dazhirã Nokꞌo Jesucristota, izhira rey Davidꞌeba uruta bꞌasia dazhi kꞌãwũnerã.

Romanos 1:3 Referans Kwoze

Mateo 1:1

Jesucristo urudꞌebemata bꞌeadꞌa trʉ̃ta naʉ̃ne bꞌʉ tabꞌʉa. Jesucristora rey Davidꞌeba uruta Abrahamneba urua.

Juan 1:14

Bedꞌeara Beubari Bape dazhirãne edꞌa bꞌasia, kʉãgꞌaba bira bꞌʉba kꞌawuabiga bꞌasia Daizezedꞌebema wãrãta. Daibara ũdusidꞌa izhira zhi zromata, zhi Warra abꞌa bꞌʉta zhi zroma basia zhi Zezedꞌeba.

Juan 1:49

Mawũãĩ Natanaelbara mawũãsia: Miã Ũrãgꞌabari, bʉra Daizeze Warra, bʉra Israel duanu Rey.

Lucas 1:35

Mawũãĩ ángelbara panaʉ̃ mawũãsia: Jawurebiata bʉ ʉ̃rʉ̃ zebʉrʉba bʉra Ʉ̃trebema zareaba ãnabꞌariya, aramaʉ̃ne wũãwũã toira Daizezedꞌeba Daizeze Warra adꞌaya.

Romanos 9:5

Ãzhira Abrahamneba, Isaacdꞌeba, Jacobodꞌeba uruta bꞌea, ãzhidꞌeba naʉ̃ zharadꞌe zesia Cristora, izhira Daizezeta ne jõmaʉ̃ ʉ̃rʉ̃ bꞌʉa, mawũẽ ewari nʉmʉ jõma ibia jaradꞌaya. Amén.

Juan 20:28

Mawũãĩ Tomásbara panaʉ̃ mawũãsia: ¡Bʉra mʉ Nokꞌoa, mʉ Zhibaria!

Juan 10:30

Mʉrã mʉ Zeze ũme abꞌaʉta panʉã.

Mateo 1:16

Jacobo warra José, Joséra María kĩma basia, Jesúra Maríaba todꞌata zhãrã Ẽdrʉbia abada.

Hechos 2:30

Davira Daizezeba bedꞌeata jarabibarita bꞌadꞌaba kꞌawua bꞌasia Daizezera wãrĩnu bedꞌeadꞌata, jarasia izhidꞌeba uruta zhãrã Ẽdrʉbita piradrʉbiita, aramaʉ̃ne reyta bꞌʉita izhi kĩrãkꞌa.

Juan 20:31

Mawũãmina naʉ̃ bꞌʉsidꞌa ĩjãnamarẽã Jesúra zhãrã Ẽdrʉbita Daizeze Warrata. Maʉ̃ta ĩjãbʉdaba izhikꞌareuba erubꞌeamarẽã Daizeze ũme bꞌai jõ ẽãta.

Juan 10:36

¿Maʉ̃ne mʉrã mʉ Zezeba jʉrʉpe naʉ̃ ẽjũãẽna zokꞌadꞌata, marãbara bʉra Daizezema mitia bedꞌeabʉrʉa abʉda ẽka, bari mʉã jarabʉrʉdꞌeba mʉrã Daizeze Warrata?

Juan 5:25

Mʉã wãrĩnu marãã jaraya: Ewarita zeya, maʉ̃ ewarira ya arabasia, mawũẽ aduaita bꞌebara ũrĩnaña mʉ Daizeze Warra nemita, mʉ bedꞌeata ũrĩbʉdara Daizeze ũme bꞌai jõ ẽã bꞌeaya.

Lucas 1:69

Dazhirãĩta zhi zromata piradrʉbibʉrʉa zhãrã Ẽdrʉbita, izhi nezokꞌa rey Davidꞌeba uruta.

Mateo 27:43

Daizezeta krĩcha bꞌʉa, mawũẽ Daizezeba kʉãgꞌabʉrʉ aramaʉ̃ta kꞌarebaya. Maʉ̃ẽnabema izhara mawũãsia: Mʉrã Daizeze Warra.

Mateo 26:63

Mawũãĩ Jesús chupea kꞌobꞌasia. Mawũẽ sacerdote wagꞌaubara mawũãsia: Daizeze zokꞌai bꞌʉ daidꞌu mʉã bʉaa jaraya, daia jaradua bʉta zhãrã Ẽdrʉbita Daizeze Warrabʉrʉ.

Mateo 15:22

Maʉ̃ne wũẽrã Canaán druadꞌebemaba nemi jĩgua mawũãsia: ¡Nokꞌó, bʉra rey Davidꞌeba uruta bꞌʉba mʉta sozuburiarua! Mʉ kꞌauta kꞌãbãẽã zuburia bꞌʉa jaiba.

Mateo 12:23

Mawũẽ zhãrã jõmaʉ̃ba bia akʉdrua mawũãsidꞌa: ¿Naʉ̃ ẽka Nokꞌota rey Davidꞌeba urura?

Mateo 9:27

Mamaʉ̃ba Jesús wãbʉrʉdꞌera, ũme daʉbꞌerrea panʉta kꞌaidꞌu taidꞌaba nemi jĩgua mawũãsidꞌa: Daira sozuburiarua bʉra rey Davidꞌeba uruta bꞌʉba.

Mateo 3:17

Maʉ̃ne Daizezeta bãjãneba bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, mʉrã izhi kꞌarea sobia bꞌʉa.

Mateo 1:6

Isaí warra rey David, David warra Salomón, zhi papara Uría kĩma basia.

Romanos 1:9

Mʉãrã Daizezera soidꞌu aribꞌae bꞌʉba bedꞌea biata jara bꞌʉa zhi Warradꞌeta, izhara kꞌawua bꞌʉa mʉã marã ewariza jara tau ẽãta mʉ zhiwidꞌibʉrʉdꞌera.

Hechos 9:20

Maʉ̃nerã de zhi jʉrebada nʉmeza jarakꞌasia Jesúra zhãrã Ẽdrʉbita Daizeze Warrata.

Hechos 8:36

Odꞌe wãne jũẽsidꞌa baniãta bꞌʉ maẽ, mawũẽ nokꞌobara mawũãsia: Baniã za bꞌʉa, ¿kꞌãrẽba bꞌe ẽbaipe mʉ buru kꞌoeira?

Hechos 3:13

Daizeze Abraham Zhibariba, Isaac Zhibariba, Jacobo Zhibariba, dazhirã zhibarirã bꞌeadꞌa Zhibariba, izhi Warra Jesús zhi zromata bꞌʉsia, maʉ̃ marãbara beadꞌamarẽã chãbꞌaribʉdata Pilatoa idaribidꞌa ẽbasia izha ẽnaĩrã.

Juan 7:42

¿Maʉ̃ẽnabemata zhi bꞌʉmanerã jara bꞌʉ ẽka rey Davidꞌeba ʉ̃tʉ zeita, aramaʉ̃nerã David Belén pʉwʉrʉdꞌebemata bꞌadꞌa maẽba ʉ̃tʉ zei ẽka zhãrã Ẽdrʉbiira?

Juan 1:34

Mawũã jaradꞌata mʉãrã izhira ũdubʉrʉa, mawũẽ mʉãrã jarabʉrʉa naʉ̃ Daizeze Warrata.

Romanos 4:1

¿Kꞌãrẽta jaradꞌaipe dazhirã zeze Abrahamnebema?

Romanos 9:3

Mʉ ãĩ bꞌebʉrʉba ĩjãnaĩta bꞌasibʉrʉ mʉrã Daizezea zuburia obibʉrʉta Cristodꞌebara ãĩ bꞌekꞌausia mʉ ʉrerã zharadꞌebemata kʉãgꞌaba.