Romanos 1:14 - Porciones del Nuevo Testamento

¹⁴ Estudiadꞌata bꞌea, estudiadꞌa ẽãta bꞌea, krĩcha erubꞌea, krĩcha ne ẽã bꞌea mʉãrã jaraibara bedꞌea biara.

Romanos 1:14 Referans Kwoze

Hechos 9:15

Mawũãĩ Nokꞌobara mawũãsia: Wãrũã, maʉ̃ mʉã jʉrʉsia mʉnebemata jarakꞌa wãmarẽã judío ẽãta bꞌea, reyrãta bꞌea, Israel bꞌea.

Hechos 22:21

Mʉã mawũãĩ mawũãsia: Wãrũã, mʉã bʉra wawara zokꞌaya judíorã ẽãma.

Romanos 12:16

Mazhirãĩnu bia bꞌeaudua, zhãrã kꞌãñabara zhi zromane bꞌearãũdua, awuarabʉrʉ zuburia bꞌe bawarara abꞌarikadꞌe bꞌeaudua. Krĩcha banane bꞌearãũdua mazhi krĩchaba.

Romanos 16:19

Cristodꞌe bedꞌea biara marãbara aribꞌae bꞌeta jõmaʉ̃ba kꞌawua bꞌeba mʉrã sobia bꞌʉa marã kꞌarea. Mawũãmina mʉã krĩña bꞌʉa marã krĩcha banata bꞌeaita biata oita, bia ẽãta o ẽbaita.

Romanos 13:8

Zhãrãã deweta bꞌearãũdua miã kꞌãrẽne. Awuarabʉrʉ dewedꞌe bꞌeaudua zhiya kʉãgꞌaita. Zhãrã kʉãgꞌa bꞌʉbara aribꞌae bꞌʉa Moisé ũrãgꞌata.

Romanos 8:12

Mawũẽ mebẽrã, Jawurebiadꞌeba nʉmeãña, zharadꞌebemane nʉmeã ẽã.

Romanos 1:22

Krĩcha banane bꞌedꞌe krĩcha ne ẽã bꞌea.

Romanos 11:25

Mebẽrã, Daizezeba kꞌawuabi ẽã bꞌadꞌata mʉãrã marãba kꞌawuadꞌaita krĩña bꞌʉa, mawũãtrʉ judíorã kꞌãñabara audre biarãta krĩchadꞌa ẽã: Israel ʉ̃kʉrʉba ĩjã ẽã zarea nʉmerã, mawũã nʉmeã Cristodꞌebema ĩjãĩ bꞌeta judíorã ẽãta edꞌa zedꞌayeedꞌa.

Hechos 28:4

Zhãrã mama bꞌebara mawũã dãmata juwuadꞌe jirabꞌidꞌata ũdudꞌai mawũãsidꞌa: Naʉ̃ wãrãne miã beamiãta pusadꞌebara ẽdrʉbʉrʉa. Mawũãmina ne zhi zromane erubꞌera zhãrã kꞌawua obariba idu bꞌabi ẽã.

Hechos 28:2

Mama bꞌebara daira kꞌãbãẽã bia edabʉdata tebʉ puadꞌape daira jõma bʉredrʉbisidꞌa kue ze nʉmʉba kũrãsãba.

Lucas 10:21

Maʉ̃ ewadera Jesús Jawurebiadꞌeba sobia mawũãsia: Zeze, mʉã bʉra ibia jaraya, bʉra ʉ̃trebema Nokꞌoa, drua Nokꞌoa, bʉ mawũã Nokꞌodꞌebema bʉara kꞌawuabi ẽbasia ãzhikusa krĩcha banata bꞌeara, awuarabʉrʉ kꞌawuabisia krĩcha bana ẽãta bꞌea. Zeze, bʉma mawũã biga basia.

Mateo 11:25

Maʉ̃ ewadera Jesúsbara mawũãsia: Zeze, mʉã bʉra ibia jaraya, bʉra ʉ̃trebema Nokꞌoa, drua Nokꞌoa, bʉ mawũã Nokꞌodꞌebema bʉara kꞌawuabi ẽbasia ãzhikusa krĩcha banata bꞌeara, awuarabʉrʉ kꞌawuabisia krĩcha bana ẽãta bꞌea.