Mateo 9:35 - Porciones del Nuevo Testamento

³⁵ Jesús pʉrrʉasia pʉwʉrʉ zroma jõma, pʉwʉrʉ zake jõma. Miã ũrãgꞌasia de zhi jʉrebadata nʉme maẽ, bedꞌea biata jarakꞌasia Daizezeta Nokꞌodꞌebemata, maʉ̃nerã jõma bꞌebisia ne bariduba kꞌaya bꞌeta, ne bariduba pua bꞌeta pʉwʉrʉza.

Mateo 9:35 Referans Kwoze

Hechos 10:38

Kꞌawua bꞌea sãwũã Daizezebara Jawurebiata diabʉrʉba zarea bꞌʉdꞌata Jesús Nazaredꞌebema, aramaʉ̃ne maʉ̃bara biata o nimiba ãtõmiã edre zuburia bꞌeta jõma bꞌebi bꞌasia Daizezeta bꞌʉdꞌeba izhi ũme.

Marcos 6:56

Izhi wãbʉrʉ maẽrã pʉwʉrʉ zakedꞌe o pʉwʉrʉ zromanebidꞌa, meã bꞌe maẽbidꞌa odꞌe bꞌʉkua jirpanesia kꞌaya bꞌeta, mawũẽ zuburia bedꞌeasidꞌa arigu idu tõbaribimarẽã izhi wua ita. Jõma zhi tõbꞌaribʉdara bꞌe tupudꞌeasia.

Mateo 11:5

Daʉbꞌerrea bꞌera ne ũdu tupudꞌea audua, wã bꞌe ẽã bꞌera wã tupudꞌea, aidꞌaba kꞌaya bꞌera nene ẽã tupudꞌea, ne ũrĩ ẽã bꞌera ne ũrĩ tupudꞌea, beudꞌapeadꞌara piradrʉ tupudꞌea, zuburia bꞌea jara bara bꞌʉa ẽdrʉdꞌaidꞌebemata bedꞌea biata.

Lucas 13:22

Jesús pʉwʉrʉ zromaza, pʉwʉrʉ zakeza, berabꞌari wãne miã ũrãgꞌa wãsia wãta Jerusalén pʉwʉrʉedꞌa.

Hechos 2:22

Israelitarã, bedꞌeata mʉã za jaraita ũrĩũdua: Jesús Nazaredꞌebema Daizezebara izhidꞌeba nʉmʉta kꞌawuabibʉrʉta marãne edꞌa ũdudꞌakꞌata bio osia izhidꞌeba, maʉ̃ marãbara kꞌawua bꞌea.

Marcos 6:6

Kꞌawua ẽã krĩcha bꞌesia izhidꞌebema ĩjãna ẽãba izhi ʉreta bꞌebara. Jesús pʉrrʉasia pʉwʉrʉ zake arakꞌaita tabꞌe maẽ miã ũrãgꞌa.

Mateo 11:1

Izha jʉrʉkuadꞌata doce bꞌea Jesúsbara maʉ̃ta ma jarape mamaʉ̃bara wãsia pʉwʉrʉza miã ũrãgꞌadꞌe.

Mateo 10:1

Mobebʉrʉ Jesúsbara izha jʉrʉkuadꞌa doceta trʉ̃pe zareata dedꞌekasia jaita ãĩ jʉrekuadꞌamarẽã, bꞌebidꞌamarẽã ne bariduba kꞌaya bꞌeta, ne bariduba pua bꞌeta.

Marcos 1:14

Juan cárceldꞌe bꞌʉdꞌapeadꞌa tẽãne Jesús Galilea druaedꞌa wãsia bedꞌea biata jaradꞌe Daizezeta Nokꞌodꞌebemata.