Mateo 8:8 - Porciones del Nuevo Testamento

⁸ Mawũãĩ soldaorã nokꞌobara panaʉ̃ mawũãsia: Nokꞌó, mʉrã biata bꞌʉ ẽã bʉ mʉ dedꞌa deidꞌu zeira. Mawũẽ bꞌei bedꞌeata jaradua, mawũãrã mʉ nezokꞌara bꞌeya.

Mateo 8:8 Referans Kwoze

Mateo 8:3

Mawũãĩ Jesúsbara juwuaba tõbꞌari mawũãsia: Mʉãrã krĩña bꞌʉa, mawũẽ bʉra nene ẽã bꞌidꞌa! Audre ẽãne izhi aidꞌara nebasia.

Juan 1:27

Maʉ̃ mʉ tẽã urua, izhira mʉ audre zhi zroma, nezokꞌaba obari kĩrãkꞌara mʉãrã ẽnaĩne bꞌʉ ẽã izha jẽrũne jʉ̃ bꞌʉra.

Lucas 5:8

Maʉ̃ta Simón Pedroba ũdui Jesús kĩrãbita sãkꞌokꞌodꞌe kꞌobꞌepe mawũãsia: Nokꞌó, mʉ maẽbara ãĩ wãrũã, mʉrã kꞌazhirua omiãta bꞌʉa.

Mateo 3:11

Mʉãrã wãrãnebai marã baniãba buru kꞌoe bꞌʉa kꞌazhiruara ãmape Daizeze pẽwãnamarẽã. Mawũãmina iabꞌa mʉ tẽã urua, maʉ̃ba jẽrũne jʉ̃ bꞌʉra mʉãrã izhima edeidꞌe bꞌʉ ẽã, izhira audre zhi zroma mʉ kꞌãñabara. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Lucas 15:21

Maʉ̃ne warrabara mawũãsia: Zeze, mʉrã kꞌazhirua obʉrʉa Daizeze kĩrãbita, bʉ kĩrãbita. Ya mʉrã bʉ warra aidꞌe bꞌʉ ẽã.

Lucas 15:19

Ya mʉrã bʉ warra aidꞌe bꞌʉ ẽã. Mʉrã bꞌʉdua bʉre trajabadarã iabꞌaʉ kĩrãkꞌa.

Mateo 3:14

Mawũãmina Juanbara buru kꞌoe ẽbaita mawũãsia: Bʉa mʉta buru kꞌoemarẽã bꞌʉdꞌera, ¿bʉra mʉmaãbʉrʉ ibꞌarika?

Mateo 8:7

Mawũãĩ Jesúsbara mawũãsia: Mobera mʉ wãpe bꞌebiya.

Mateo 8:9

Aramaʉ̃ kĩrãkꞌa mʉãrã aribꞌae bꞌʉa nokꞌoba jarabʉrʉta. Mʉãbidꞌa soldaorãta jʉre bꞌʉa mʉã jarabʉrʉdꞌe bꞌeta. Mʉã iabꞌaʉa: Wãrũã, abʉrʉdꞌera wãbaria. Iabꞌaʉa: Zerua, abʉrʉdꞌera zebaria. Mʉ nezokꞌaa: Naʉ̃ta odua, abʉrʉdꞌera obaria.