Mateo 7:15 - Porciones del Nuevo Testamento

¹⁵ Kĩrãkuita bꞌeaudua sewata Daizezeba bedꞌeata jarabibaridꞌe bꞌe kꞌarea, marãma zedꞌaya oveja zhãrã zuburia odꞌakꞌa kĩrãkꞌa, mawũãmina sodꞌera usa pãne kĩrãkꞌa zhãrã warrea ẽãta bꞌea.

Mateo 7:15 Referans Kwoze

Mateo 24:11

Sewata Daizezeba bedꞌeata jarabibaridꞌe duanaĩta bio piradrʉdꞌaya, aramaʉ̃ne bio sewadꞌaya.

Lucas 6:26

¡Marã zuburiadꞌaya zhãrã jõmaʉ̃ba bia jaradꞌara marã sewa kꞌaudꞌa bꞌeta! Mawũã bꞌebara zhibarirãbidꞌa bia jara bꞌea bazhia sewata Daizezeba bedꞌeata jarabibaridꞌe bꞌeadꞌata.

Lucas 12:15

Mawũãpe mawũãsia: Kĩrãkuita bꞌeaudua, ne wuaabʉrʉ krĩña bꞌearãũdua, beubarira bꞌʉ ẽã ne bio erubꞌʉba.

Hechos 13:40

Mawũẽ kĩrãkuitaudua marã ʉ̃rʉ̃ ze ẽbamarẽã Daizezeba bedꞌeata jarabibarirãba mawũãnapeadꞌata:

Juan 10:12

Mawũãmina pagꞌa bꞌʉkꞌãrĩnata ovejarã akʉbari ẽãbara ovejarã izhidꞌe ẽbaera usa pã zebʉrʉta ũdubʉrʉdꞌera ovejarã ãmaẽkua wãẽba wãbaria, mawũẽ usa pãbara ovejarã kꞌa jãrãzoabibaria.

Mateo 16:11

¿Kꞌawuadꞌa ẽka pan kꞌarea mʉã jarabʉrʉ ẽãta kĩrãkuitadꞌamarẽã ne oregueata fariseorãne kꞌarea saduceorãne kꞌarea?

Mateo 16:6

Maʉ̃ne Jesúsbara mawũãsia: Kĩrãkuita bꞌeaudua ne oregueata fariseorãne kꞌarea saduceorãne kꞌarea.

Mateo 10:17

Aramaʉ̃ne kĩrãkuita bꞌeaudua zhãrã kꞌarea, marã chãbꞌaridꞌaya nokꞌorã wagꞌaurãã, de zhi jʉrebadata nʉme maẽ marã udꞌaya.

Hechos 13:6

Maʉ̃ dodꞌuta jõma berabꞌari Pafo pʉwʉrʉidꞌu jũẽbʉdadꞌera ũdusidꞌa jaibanata, sewata Daizezeba bedꞌeata jarabibaridꞌe bꞌʉta judíota Barjesús basia.

Mateo 7:14

Mawũãmina puerta pẽũsuadꞌe edꞌa wãĩta ota pẽũsuabara Daizeze ũme bꞌai jõ ẽãma ede bꞌʉa, maʉ̃ta bio ẽãba ũdu bꞌea.