Mateo 6:30 - Porciones del Nuevo Testamento

³⁰ Chirua idꞌi meã takeradꞌata nunebai tebʉdꞌe babuebadata Daizezeba mawũã zhobi bꞌʉra, ¿marã audre zhobigai ẽka, awuarabʉrʉ soidꞌu bꞌeaita wãẽã duanu ẽka?

Mateo 6:30 Referans Kwoze

Lucas 12:28

Daizezebara chiruata mawũã zhobi bꞌʉra, idꞌi meã takeradꞌata nunebai tebʉdꞌe babuebadata mawũã obꞌʉra, ¿marã audre zhobigai ẽka, awuarabʉrʉ soidꞌu bꞌeaita wãẽã duanu ẽka?

Mateo 14:31

Aramaʉ̃ta Jesúsbara juwuadꞌe jidape mawũãsia: ¡Bʉra soidꞌu kꞌobꞌaita wãẽã bꞌʉa! ¿Kꞌãrẽã teba bꞌe ẽãta krĩchabʉrʉ?

Mateo 16:8

Jesúsbara maʉ̃ta kꞌawuape mawũãsia: ¿Kꞌãrẽã mazhirãĩnu bedꞌea kꞌobꞌe, marã soidꞌu kꞌobꞌaita wãẽã bꞌeba pan ne ẽãta jara kꞌobꞌe ẽka?

Mateo 8:26

Mawũãnaĩ izhara mawũãsia: ¿Kꞌãrẽã pera kꞌobꞌe? Marã soidꞌu kꞌobꞌaita wãẽã bꞌea. Mobe piradrʉpe kẽãsia nanguta, do bomatʉta, mawũẽ jipa taukua nʉmaẽdasia.

Juan 20:27

Mobe Tomás kꞌobꞌʉa mawũãsia: Nama pẽũdua bʉ juwua jĩwĩnita, akʉdua mʉ juwuata, bʉ juwuara pẽũdua mʉ orrodꞌe. Mobe ĩjã ẽã nʉmarãrũã, awuarabʉrʉ ĩjãrũã.

Marcos 4:40

Mobebʉrʉ ãzhaa mawũãsia: ¿Kꞌãrẽã kꞌãwũã pera kꞌobꞌe? ¿Sãwũẽ soidꞌu kꞌopanʉ ẽpe?

Lucas 9:41

Mawũãĩ Jesúsbara panaʉ̃ mawũãsia: ¡Marã soidꞌu duanu ẽãta bia ẽãta bꞌea! ¿Mʉrã sõmbeedꞌa marã bawara bꞌaipe, mʉãrã sõmbeedꞌa zrogꞌa nʉmaĩpe? Naĩnu wedua bʉzhi warra.

Marcos 9:19

Mawũãĩ Jesúsbara panaʉ̃ mawũãsia: ¡Marã soidꞌu duanu ẽã! ¿Mʉrã sõmbeedꞌa marã bawara bꞌaipe? ¿Mʉãrã sõmbeedꞌa zrogꞌa nʉmaĩpe? Kũrã yaya weudua.

Mateo 17:17

Mawũãĩ Jesúsbara panaʉ̃ mawũãsia: ¡Marã soidꞌu duanu ẽãta bia ẽãta bꞌea! ¿Mʉrã sõmbeedꞌa marã bawara bꞌaipe? ¿Mʉãrã sõmbeedꞌa zrogꞌa nʉmaĩpe? Weudua naĩnu.