Mateo 5:22 - Porciones del Nuevo Testamento

²² Mawũãmina mʉã marãã jaraya, iabꞌa zhi mebea ũme kĩrũbʉrʉra Daizezeba pua kꞌawua oya. Iabꞌaʉba zhi mebeata krĩcha ne ẽã bꞌaribꞌʉa abʉrʉra nokꞌorã wagꞌaurãba pua kꞌawua odꞌaya. Iabꞌaʉba zhi mebeata ikꞌazhirua jarabʉrʉra wãbidꞌaya tebʉ pureadꞌe.

Mateo 5:22 Referans Kwoze

Mateo 10:28

Wawiarãũdua kꞌakua bea bꞌeta, maʉ̃rãbara jawurera bea bꞌedꞌa ẽã. Awuarabʉrʉ Daizezeta wawiaudua, izhara jawureta kꞌakuata zuburiabi bꞌeya tebʉdꞌe.

Mateo 18:35

Mʉ Zeze ʉ̃tre bꞌʉbara marãta aramaʉ̃ kĩrãkꞌa oya, marã abꞌa abꞌaʉba soidꞌu bedꞌea ne ẽãne edadꞌa ẽbʉrʉ marã mebẽrã marã bĩ ẽã obʉdata.

Romanos 12:10

Mebẽrãne zhi kʉãgꞌa bꞌeaudua. Zhiya zhi wawiaitrʉ bꞌeaudua.

Mateo 18:21

Jesúsba mawũãĩ Pedroba orrape mawũãsia: ¿Nokꞌó, mʉãrã sõmbeidꞌu bedꞌea ne ẽãne edaipe mʉ mebeaba mʉta bĩ ẽã obʉrʉba kꞌazhiruata ora? ¿Wagꞌa sieteidꞌuka?

Hechos 17:18

Ʉ̃kʉrʉra epicúreo krĩchata pẽwã bꞌeta, estoico krĩchata pẽwã bꞌeta bedꞌeasidꞌa izhi bawara. Maʉ̃nerã ʉ̃kʉrʉbara mawũãsidꞌa: ¿Kꞌãrẽta jara krĩña bꞌʉba naʉ̃ bedꞌeamiãbara? Waya ʉ̃kʉrʉbara mawũãsidꞌa: Dazhima zhi zromarã eewabemata jarabaria. Mawũã bedꞌeasidꞌa Pabloba bedꞌea biata jarakꞌasi baera Jesús beudꞌata piradrʉdꞌata.

Marcos 14:55

Maʉ̃ne sacerdoterã nokꞌorãba, nokꞌorã wagꞌaurã jõmaʉ̃ba krĩcha jʉrʉsidꞌa Jesú ʉ̃rʉ̃ zhãrã sewa nebʉrʉbidꞌaita, aramaʉ̃ne chãbꞌaridꞌaita beadꞌamarẽã, mawũãmina mawũã obꞌedꞌa ẽbasia.

Mateo 26:59

Maʉ̃ne sacerdoterã nokꞌorãba nokꞌorã wagꞌaurãba jõmaʉ̃ba krĩcha jʉrʉsidꞌa Jesú ʉ̃rʉ̃ zhãrã sewa nebʉrʉbidꞌaita, aramaʉ̃ne chãbꞌaridꞌaita beadꞌamarẽã.

Juan 11:47

Mawũẽ sacerdoterã nokꞌorãbara, fariseorãbara, nokꞌorã wagꞌaurãta ãba jʉredꞌape mawũãsidꞌa: ¿Kꞌãrẽta odꞌaipe? Jesúsbara bio onʉmʉã ũdudꞌakꞌata.

Hechos 7:37

Maʉ̃ Moisébara Israelirãã mawũãsia: Nokꞌo marã Zhibaribara marã ʉredꞌebemata izha bedꞌeata jarabibarita piradrʉbiya mʉ kĩrãkꞌa. Maʉ̃ bedꞌeara ũrĩũdua.

Lucas 12:5

Mawũãmina kꞌaitrʉ wawiadꞌaita mʉã marãã jaraya: Daizezetrʉ wawiaudua, zhãrã beubipe jawure tebʉdꞌe bꞌaribuei zareata erubꞌʉa. Mʉã marãã jaraya, izhitrʉ wawiaudua.

Mateo 5:44

Waya mʉã marãã jaraya, kʉãgꞌaudua marã jura bꞌera, ibia jaraudua marã ikꞌazhirua jara bꞌera, bia oudua marã jura bꞌera, zhiwidꞌiudua marã zuburia obꞌebarira.

Mateo 5:34

Mawũãmina mʉã marãã jaraya: Kꞌãrẽ oita kꞌãrẽ daidꞌu wãrĩnu aribꞌaeya arãũdua. Miã ʉ̃tre daidꞌu, ʉ̃trera Daizezeta Nokꞌo bugue baera.

Mateo 3:17

Maʉ̃ne Daizezeta bãjãneba bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, mʉrã izhi kꞌarea sobia bꞌʉa.

Hechos 5:27

Wedꞌape edesidꞌa nokꞌorã wagꞌaurã kĩrãbita. Maʉ̃ne sacerdote wagꞌauba widꞌibʉrʉta,

Juan 15:25

Aramaʉ̃ne arimaẽ berabꞌari nʉmʉã bedꞌeata zhi bꞌʉmata ãzhi ũrãgꞌadꞌe mawũã bꞌʉta: Mʉrã kꞌãrẽã juradꞌai ne ẽãne juradea.

Juan 8:48

Mawũãĩ judíorãbara panaʉ̃ mawũãsidꞌa: ¿Kꞌãʉ̃neba bia daibara bʉra Samaria bidꞌata jara panʉta bʉra jaiba erunʉmʉ ẽka?

Juan 7:20

Mawũãĩ kꞌabanabara panaʉ̃ mawũãsidꞌa: Bʉra jaiba mawũã krĩchabi bꞌʉa, ¿bʉra kꞌaiba bea krĩña nʉmʉ?

Marcos 15:1

Diapedꞌa bedꞌeasidꞌa sacerdoterã nokꞌorãta, dewara nokꞌorãta, ũrãgꞌa Moisédꞌe jarabadata, jõma nokꞌorã wagꞌaurãta, mobe Jesús juwua tãjʉ̃ ededꞌape Pilatoa chãbꞌarisidꞌa Roma bidꞌata nokꞌoa.

Mateo 25:41

Mobebʉrʉ mʉãrã juwua ãkꞌaare kꞌobꞌea mawũãña: Marã ãĩ wãũdua mʉ maẽbara, marã Daizezeba bia edabʉrʉ ẽãrã wãũdua tebʉ kikꞌama, tebʉra zhi aribꞌaemata nʉmʉã ãtõmiãĩta izhi ángelerãĩta.

Mateo 23:33

¡Marã dãma bia ẽãta bꞌe kĩrãkꞌa bꞌea! ¿Sãwũã ẽdrʉdꞌaipe Daizezeba tebʉdꞌe buekuaidꞌebara?

Mateo 23:15

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba pusata druata pʉrrʉa bꞌea, mazhi ũrãgꞌata iabꞌaʉa ĩjãbidꞌaita mawũã bꞌea. Aramaʉ̃ne ĩjãbibʉdadꞌera mazhi kꞌãñabara tebʉdꞌe audre zuburia bꞌaitrʉ opanʉã.

Mateo 17:5

Mawũã bedꞌea kꞌobꞌʉdꞌe ãzhira ãnabꞌarisia jãrãrã ʉ̃naba, maʉ̃ne Daizezeta jãrãrãneba bedꞌeabʉrʉta mawũãsia: Naʉ̃ mʉ warra mʉãrã kʉãgꞌa, mʉrã izhi kꞌarea sobia bꞌʉa, izhi bedꞌeara ũrĩũdua.

Mateo 12:24

Fariseorãba maʉ̃ta ũrĩnaĩ mawũãsidꞌa: Naʉ̃bara jaira ãĩ jʉrekua bꞌʉ ẽã, awuarabʉrʉ jʉrekua bꞌʉa Beelzebú jai duanu nokꞌo zareadꞌeba.

Mateo 10:17

Aramaʉ̃ne kĩrãkuita bꞌeaudua zhãrã kꞌarea, marã chãbꞌaridꞌaya nokꞌorã wagꞌaurãã, de zhi jʉrebadata nʉme maẽ marã udꞌaya.

Lucas 22:66

Ʉ̃nadrʉbʉrʉdꞌera zhi jʉresidꞌa nokꞌorã pʉwʉrʉdꞌebemata, sacerdoterã nokꞌorãta, ũrãgꞌa Moisédꞌe jarabadata, mobe nokꞌorã wagꞌaurãma ededꞌape mawũãsidꞌa:

Hechos 4:15

Mawũẽ ãĩ wãnamarẽã jarasidꞌa nokꞌorã wagꞌaurã maẽbara. Mobe ãzhirãĩnu bedꞌeabʉdata,

Hechos 5:21

Maʉ̃ta ũrĩnape diapedꞌa edꞌa wãsidꞌa Daizeze dedꞌa ewara maẽ, mobe miã ũrãgꞌasidꞌa. Maʉ̃ne zesidꞌa sacerdote wagꞌauta izhi ũme bꞌe bawara, mobe trʉ̃sidꞌa nokꞌorã wagꞌaurãta, dewara jõma trʉ̃sidꞌa Israel nokꞌorãta. Mobe cárcel nʉmʉĩnu soldaorãta zokꞌasidꞌa Pedro Juan ũme wedꞌamarẽã.

Hechos 6:12

Aramaʉ̃ne kĩrũbisidꞌa zhãrãta, nokꞌorãta, Moisé ũrãgꞌa jarabadata. Mawũẽ jidadꞌape wesidꞌa nokꞌorã wagꞌaurãma.

Hechos 6:15

Maʉ̃nerã nokꞌorã wagꞌaurã maẽ jewedꞌa kꞌobꞌebara jõmaʉ̃ba Esteban akʉbʉdadꞌera, izhi kĩrã ũdusidꞌa ángel kĩrã kĩrãkꞌa.

Hechos 22:30

Nrũẽma soldaorã nokꞌota wagꞌaubara bia kꞌawua krĩñasia judíorãbara kꞌãrẽã jirpanʉta, mawũẽ cadena ẽnabisia. Mobe zebidꞌamarẽã jarasia nokꞌorã sacerdoterãta, nokꞌorã wagꞌaurã bawara. Mobe Pablo ãĩ edape kꞌobꞌʉsia ãzhi kĩrãbita.

Hechos 23:1

Pablobara nokꞌorã wagꞌaurã akʉ mawũãsia: Mʉ ʉrerã, Daizeze kĩrãbitara mʉ krĩchara bia bꞌʉa idꞌi basiidꞌu.

Hechos 24:20

Manebʉrʉ za kꞌobꞌeba jaradꞌaidꞌe bꞌʉa mʉã bia ẽãta odꞌata kꞌawuasidꞌa kꞌawuaita mʉ kꞌobꞌasidꞌe nokꞌorã wagꞌaurã kĩrãbita.