Mateo 4:24 - Porciones del Nuevo Testamento

²⁴ Aramaʉ̃ne izhira Siria drua jõma trʉ̃poabʉrʉba jõma wesidꞌa pua bꞌeta, nekĩrãtõnoãba kꞌaya zuburia bꞌeta, kĩrãnema bꞌeta, jai abꞌeta, kꞌakua pira ẽã kꞌaya bꞌeta webʉdata bꞌebikuasia.

Mateo 4:24 Referans Kwoze

Mateo 17:15

Nokꞌó, sozuburiarua mʉ warrata, wawa bꞌʉa, mawũẽ biodꞌe zuburia bꞌʉa, bꞌaema bio bꞌae bꞌʉa tebʉdꞌe, bꞌaema bio bꞌae bꞌʉa doedꞌa.

Mateo 8:6

mawũãsia: Nokꞌó, mʉ nezokꞌata dedꞌa tabꞌʉa, kꞌakua pira ẽã kꞌaya tabꞌʉa, zuburia tabꞌʉa.

Lucas 5:15

Aramaʉ̃ne Jesús wuaabʉrʉ trʉ̃poa wãsia. Zhãrã bio bʉredrʉ toto nʉmasia izhi bedꞌeata ũrĩnaĩta, aramaʉ̃ne bꞌebikuamarẽã ãzhi kꞌaya bꞌeta.

Lucas 2:2

Mawũã juachadꞌakꞌata juachasidꞌadꞌera, Cirenio nokꞌota bꞌasia Siria druadꞌe.

Mateo 17:18

Mobebʉrʉ Jesúsbara jaira kẽãsia, mawũẽ jaira ẽdrʉsia kũrãnebara, izhira aramaʉ̃ta bꞌesia.

Mateo 15:22

Maʉ̃ne wũẽrã Canaán druadꞌebemaba nemi jĩgua mawũãsia: ¡Nokꞌó, bʉra rey Davidꞌeba uruta bꞌʉba mʉta sozuburiarua! Mʉ kꞌauta kꞌãbãẽã zuburia bꞌʉa jaiba.

Mateo 12:22

Jesúsma wesidꞌa jai abꞌʉta daʉbꞌerrea nemi ze ẽã bꞌʉta. Mawũẽ bꞌebibʉrʉba daʉbꞌerrea nemi ze ẽã bꞌadꞌara ne ũdu bedꞌeasia.

Hechos 10:38

Kꞌawua bꞌea sãwũã Daizezebara Jawurebiata diabʉrʉba zarea bꞌʉdꞌata Jesús Nazaredꞌebema, aramaʉ̃ne maʉ̃bara biata o nimiba ãtõmiã edre zuburia bꞌeta jõma bꞌebi bꞌasia Daizezeta bꞌʉdꞌeba izhi ũme.

Hechos 15:23

Bedꞌeata maʉ̃rãba ededꞌamarẽã mawũã bꞌʉsidꞌa: Dai Jesúsba zokꞌakuadꞌaba, Nokꞌorã mebẽrãneba, mebẽrãba, marã dai mebẽrã judíorã ẽãta Antioquía pʉwʉrʉdꞌe, Siria druadꞌe, Cilicia druadꞌe bꞌea: Diabuebʉda saludota.

Marcos 2:3

Maʉ̃ne ʉ̃kʉrʉba izhima wesidꞌa kꞌakua pira ẽã kꞌaya bꞌʉta, akꞌopanasia miõ kĩmarẽba.

Marcos 1:32

Keubʉrʉta ʉ̃madau bꞌaebʉrʉdꞌera Jesúsma wesidꞌa jõma kꞌayarãta, jai abꞌeta.

Mateo 4:23

Aramaʉ̃ne Galilea drua jõma Jesús pʉrrʉa wãbʉrʉta de zhi jʉrebadata nʉme maẽ miã ũrãgꞌa wãsia, bedꞌea biata jarakꞌa wãsia Daizezeta Nokꞌodꞌebemata. Kꞌaya bꞌeta, pua bꞌeta jõma bꞌebi wãsia pʉwʉrʉ tabꞌe maẽ.

Hechos 15:41

Aramaʉ̃ne Siria druadꞌe, Cilicia druadꞌe berabꞌarisia soidꞌu bꞌeamarẽã ũrãgꞌa mebẽrãta.

Lucas 4:14

Jesús jẽrũya Jawurebiaba zarea wãsia Galilea druaedꞌa. Mawũẽ izhira trʉ̃poasia maʉ̃ drua jõma.

Marcos 1:28

Maʉ̃neba Jesús ĩñabasia trʉ̃poasia Galilea drua jõma.

Mateo 14:1

Maʉ̃ ewadera Herode Galileadꞌe reyta bꞌʉdꞌe ũrĩsia Jesús trʉ̃poa nʉmʉta.

Juan 10:21

Waya awʉrʉrãbara mawũãsidꞌa: Mawũãrã bedꞌea ẽã jaiba erunʉmʉrã. ¿Jaibara ne ũdubiga bꞌeika daʉbꞌerrea bꞌera?

Mateo 9:35

Jesús pʉrrʉasia pʉwʉrʉ zroma jõma, pʉwʉrʉ zake jõma. Miã ũrãgꞌasia de zhi jʉrebadata nʉme maẽ, bedꞌea biata jarakꞌasia Daizezeta Nokꞌodꞌebemata, maʉ̃nerã jõma bꞌebisia ne bariduba kꞌaya bꞌeta, ne bariduba pua bꞌeta pʉwʉrʉza.

Mateo 9:26

Maʉ̃ta trʉ̃poasia maʉ̃ drua jõma.

Mateo 8:28

Jesús kĩrãrẽ jũẽbʉrʉta Gadara bidꞌarã druaidꞌu jũẽbʉrʉdꞌera, izhima zesidꞌa ũme kĩrãnema panʉta, beuwãrã wuagꞌaita peña zobꞌeata nʉme maẽba zesidꞌa, kꞌãbãẽã menajachata panʉba miõta berabꞌari bꞌe ẽbasia maʉ̃ odꞌera.

Mateo 8:33

Mawũẽ chĩna akʉ bꞌera wãẽbasidꞌa, aramaʉ̃ne pʉwʉrʉedꞌa zebʉdadꞌera maʉ̃ta jõma nebʉrʉ jarasidꞌa kĩrãnema panʉ sãwũã berabꞌaribʉdata.

Marcos 2:4

Kꞌabana nʉmʉba izhira orra bꞌedꞌa ẽbaera de ʉ̃rʉ̃bemata izhi kꞌobꞌʉ maẽ ewadꞌape izhi tabꞌʉ jirabꞌadꞌe maʉ̃ uriadꞌe ʉra bꞌaebisidꞌa kꞌakua pira ẽã kꞌaya bꞌʉra.

Marcos 2:9

¿Kꞌãrẽta audre borekea jaraidꞌe bꞌʉ kꞌakua pira ẽã kꞌaya bꞌʉaara: Kꞌazhiruata biodꞌebara bedꞌea ne ẽã bꞌidꞌapʉa aita, o piradrʉpe bʉzhi jirabꞌa jiraedape nimibarua aita?

Lucas 4:38

Mobebʉrʉ Jesús piradrʉpe de zhi jʉrebada maẽbara ãĩ wãpe wãsia Simón dedꞌa. Simón pakꞌõrẽ kꞌãbãẽã kʉwa nʉmʉba zuburia bedꞌeasidꞌa izhibari.

Lucas 5:24

Kꞌawuaudua, mʉ Beubari Bape bꞌʉbara naʉ̃ druadꞌera zareata erubꞌʉa kꞌazhiruata biodꞌebara zhãrã bedꞌea ne ẽã bꞌʉita. Mobebʉrʉ kꞌakua pira ẽã kꞌaya bꞌʉa mawũãsia: Mʉã bʉaa jaraya: Piradrʉrua, bʉzhi jirabꞌa jiraedarua, mobe dedꞌaa wãrũã.

Hechos 8:7

Bioba jai abꞌedꞌebara jaira bꞌia ãĩ wã nʉmasia. Kꞌakua pira ẽã kꞌaya bꞌera, wã bꞌe ẽã bꞌera bꞌe tupudꞌeasia.

Lucas 7:17

Jesúsba mawũã obʉrʉta trʉ̃poasia Judea drua jõma, drua kꞌaita tabꞌe jõma.

Hechos 28:9

Maʉ̃ta ũdudꞌape awʉrʉrã dodꞌudꞌe kꞌaya bꞌera zebʉdaba bꞌesidꞌa.