Mateo 3:7 - Porciones del Nuevo Testamento

⁷ Fariseorãta saduceorãta izha bio ũdubʉrʉta izha buru kꞌoemarẽã zebʉdadꞌera ʉ̃kʉrʉa mawũãsia: Marã bia ẽãta bꞌeba dãmata neãrã bara bꞌe kĩrãkꞌa bꞌea. ¿Mawũã bꞌeta kꞌaiba ẽdrʉdꞌaya asi Daizezeba kĩrũbiba pua kꞌawua okuaita ʉ̃rʉ̃ badꞌebara?

Mateo 3:7 Referans Kwoze

Mateo 12:34

Marã dãma neãrã bara bꞌe kĩrãkꞌa bꞌea. ¿Sãwũã biata bedꞌeadꞌaipe bia ẽãta bꞌera? Sodꞌe nʉmʉkꞌãrĩta jara bꞌʉa ibara.

Romanos 1:18

Daizezebara izhi kĩrũbira ʉ̃treba kꞌawuabi bꞌʉta zhãrã pua kꞌawua obꞌʉa bia ẽãta obꞌeta, bia ẽãta obꞌeba idu kꞌawuabidꞌa ẽã bꞌeta bedꞌea izhidꞌe wãrãta.

Mateo 23:33

¡Marã dãma bia ẽãta bꞌe kĩrãkꞌa bꞌea! ¿Sãwũã ẽdrʉdꞌaipe Daizezeba tebʉdꞌe buekuaidꞌebara?

Romanos 5:9

Mawũẽ Cristo wadꞌeba bedꞌea ne ẽã duanukꞌãrĩba ẽdrʉdꞌaya Daizezeba zhãrãta kĩrũ pua kꞌawua oidꞌebara.

Mateo 22:23

Maʉ̃ ewade saduceorãta zesidꞌa Jesúsma, maʉ̃rãbara jara bꞌea beudꞌara piradrʉ ẽãta, mawũẽ widꞌi,

Mateo 16:6

Maʉ̃ne Jesúsbara mawũãsia: Kĩrãkuita bꞌeaudua ne oregueata fariseorãne kꞌarea saduceorãne kꞌarea.

Juan 9:40

Fariseorãnebema ʉ̃kʉrʉ izhi bawara kꞌopanʉba maʉ̃ta ũrĩbʉdadꞌera mawũãsidꞌa: ¿Mobera daisidꞌa daʉbꞌerrea duanuka?

Hechos 26:5

Ãzhara dewara kꞌawua bꞌea jara krĩñanarã jẽdeuba mʉãrã dazhirã ũrãgꞌata aribꞌae bꞌʉba mʉrã fariseota bꞌʉa.

Hechos 20:31

Maʉ̃ba kĩrãkuita bꞌeaudua, bude bꞌeaudua mʉãrã año ũbea diamase ewaridꞌe daubꞌadꞌe ũrãgꞌa tau ẽã bꞌadꞌata marã abꞌa abꞌakꞌa.

Hechos 15:5

Mawũãmina ʉ̃kʉrʉ fariseorãnebemaba Jesúsdꞌebema ĩjãnapeadꞌata piradrʉdꞌape mawũãsidꞌa: Judíorã ẽãta bꞌera zhũmakĩrã kꞌakua eta kꞌõĩbara, jaradꞌaibara aribꞌaedꞌamarẽã ũrãgꞌa Moisédꞌeta.

Hechos 5:17

Maʉ̃ kꞌarea sacerdote wagꞌauta jõma saduceorã izhi ũme kꞌobꞌe bawara kꞌãbãẽã bĩ ẽãsidꞌa.

Juan 8:44

Marã mazhi zeze ãtõmiãneã, mawũẽ mazhi zezeba krĩñata okrĩña bꞌea. Jẽde wedꞌauba izhira miã beamiãta bꞌʉa, wãrãnebemane bꞌʉ ẽãba wãrãta jarakꞌa. Sewata jara bedꞌeabʉrʉdꞌera izhi bꞌʉdꞌe bedꞌea bꞌʉa. Aramaʉ̃ne sewa nebʉrʉmiãba sewadꞌebema zezea.

Juan 1:24

Juanma zokꞌakuadꞌapeadꞌara fariseorãnebema basia.

Lucas 18:11

Fariseora ʉ̃ta nʉmepe zhiwidꞌi ari izhita jara mawũãsia: Daizeze, mʉã bʉaa zhibia jiya mʉrã zhãrã kĩrãkꞌa bꞌʉ ẽãba, zhãrã bꞌea nezrʉgamiãta, bia ẽãta, kĩma ẽãta erukꞌãĩmiãta. Mʉrã miã naʉ̃ za rey Romanebemaĩta plata widꞌibari kĩrãkꞌa bꞌʉ ẽã.

Lucas 16:14

Fariseorãba maʉ̃ jõma ũrĩbʉdadꞌera biodꞌe plata kʉãgꞌa bꞌeba sewakꞌau bꞌʉa asidꞌa Jesúra.

Lucas 7:30

Mawũãmina fariseorãbara, ũrãgꞌa Moisédꞌe jarabadabara seribidꞌa ẽbasia Daizezeba ãzhibari biata okrĩña bꞌʉra, ãzhira aramaʉ̃ne zhi buru kꞌoema ẽbasia Juanba.

Marcos 12:18

Maʉ̃ne saduceorãta zesidꞌa Jesúsma, maʉ̃rãbara jara bꞌea beudꞌara piradrʉ ẽãta, mawũẽ widꞌi mawũãsidꞌa:

Marcos 12:13

Fariseorãta ʉ̃kʉrʉ rey Herode pẽwã bꞌeta ʉ̃kʉrʉ Jesúsma zokꞌasidꞌa wãẽã bedꞌeabidꞌamarẽã.

Marcos 8:15

Maʉ̃ne Jesúsbara mawũãsia: Kĩrãkuita bꞌeaudua ne oregueata fariseorãne kꞌarea, ne oregueata rey Herode bꞌʉdꞌe kꞌarea.

Mateo 22:34

Fariseorãbara ũrĩsidꞌa mawũã chupeabigabʉrʉta saduceorãta, mawũẽ zhi jʉresidꞌa.

Mateo 22:15

Maʉ̃ tẽã fariseorã wãnape bedꞌeasidꞌa Jesús sãwũã wãẽã bedꞌeabidꞌaita.

Mateo 12:24

Fariseorãba maʉ̃ta ũrĩnaĩ mawũãsidꞌa: Naʉ̃bara jaira ãĩ jʉrekua bꞌʉ ẽã, awuarabʉrʉ jʉrekua bꞌʉa Beelzebú jai duanu nokꞌo zareadꞌeba.

Mateo 5:20

Maʉ̃neba mʉã marãã jaraya, ũrãgꞌa Moisédꞌe jarabada kꞌãñabara fariseorã kꞌãñabara Daizezeba jara bꞌʉta marãba audre kĩrãẽpa aribꞌaedꞌa ẽbʉrʉ, Daizezeta Nokꞌodꞌebemata bꞌea ẽã.

Mateo 15:12

Mawũãĩ izha jʉrʉkuadꞌabara orradꞌape mawũãsidꞌa: ¿Bʉara kꞌawuasika fariseorã bĩ ẽãbʉdara ũrĩbʉdaba maʉ̃ bedꞌeata?

Mateo 16:1

Fariseorãta saduceorã bawara zesidꞌa Jesús wãẽãbidꞌaita, mawũẽ jarasidꞌa ũdudꞌakꞌata ũdubimarẽã Daizezedꞌeba nʉmʉbʉrʉ.