Mateo 3:2 - Porciones del Nuevo Testamento

² mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Mateo 3:2 Referans Kwoze

Mateo 4:17

Maʉ̃ ewaridꞌeba Jesús miã ũrãgꞌa jʉ̃drʉbʉrʉta mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Marcos 1:15

Maʉ̃nerã mawũãsia: Ewarira arabata Daizezeta Nokꞌodꞌebema kꞌaita basia. Mawũẽ kꞌazhiruara ãmape Daizezeta pẽwãũdua, izhidꞌebemata ĩjãũdua bedꞌea biata.

Lucas 24:47

Kꞌõbebʉrʉ mʉ trʉ̃neba jaradꞌaya kꞌazhiruara ãmape Daizezeta pẽwãnamarẽã, Daizezeba bedꞌea ne ẽã duanebimarẽã kꞌazhiruata biodꞌeba, drua jõmaʉ̃ maẽ mawũã jara erujʉ̃drʉdꞌaya Jerusalénneba.

Mateo 6:10

Dai Nokꞌota nʉmadua. Bʉa krĩñata odꞌaidꞌe bꞌʉa ʉ̃tre obꞌe kĩrãkꞌa, mawũã odꞌaidꞌe bꞌʉa druadꞌebidꞌa.

Mateo 10:7

Jarakꞌa wãbʉdata mawũãũdua: Daizezeta Nokꞌodꞌebema kꞌaita basia.

Hechos 3:19

Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta,

Lucas 15:10

Mʉã marãã jaraya, aramaʉ̃ kĩrãkꞌa ángelerã Daizezedꞌera sobiadꞌaya kꞌazhirua omiã abꞌaʉba kꞌazhiruara ãmape Daizezeta pẽwãbʉrʉ kꞌarea.

Lucas 13:3

Mʉã marãã jaraya, mawũã ẽã, awuarabʉrʉ marãba kꞌazhiruata ãmape Daizezeta pẽwãna ẽbʉrʉ jõma aduadꞌaya abꞌarika.

Lucas 11:20

Daizeze zareadꞌeba mʉã jaira ãĩ jʉrekua bꞌʉa, mawũẽ wãrãne Daizezeta Nokꞌodꞌebemata marãma zea.

Hechos 17:30

Mawũãmina Daizezebara nawedꞌara idaribisia izhidꞌebema kꞌawuadꞌa ẽãba kꞌãwũã bꞌera, idꞌibai baridu maẽ zhãrã jõmaʉ̃ã jara bꞌʉa kꞌazhiruara ãmape izhita pẽwãnamarẽã.

Hechos 11:18

Maʉ̃ta ũrĩbʉdadꞌera chupeadꞌape Daizeze ibia jara mawũãsidꞌa: ¡Mawũẽ Daizezebara idaribibʉrʉa judío ẽãta bꞌebidꞌa kꞌazhiruara ãmape izhita pẽwãnamarẽã, aramaʉ̃ne jidadꞌamarẽã izhi ũme bꞌai jõ ẽãta!

Hechos 2:38

Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata.

Lucas 6:20

Jesúsbara izha jʉrʉkuadꞌata akʉ mawũãsia: Marã sobiaudua Daizezedꞌebemata kꞌawuai kꞌarea zuburia bꞌera, marã mawũãrã Daizezeta Nokꞌodꞌebema.

Mateo 13:52

Mawũãnaĩ izhara mawũãsia: Moisédꞌe ũrãgꞌa zõrãta jarabarita bꞌeba Daizezeta Nokꞌodꞌebemata ũrãgꞌa zhiwidꞌita kꞌawabʉdara de zhibari kĩrãkꞌa bꞌʉa, ne biata izhidꞌe maẽbara erbꞌaribaria ne zhiwidꞌita ne zhi zõrãta.

Mateo 13:47

Daizezeta Nokꞌoba zhãrã sãwũã okuaira atarrayadꞌebema kĩrãkꞌa bꞌʉa, doedꞌa bꞌaribuebʉdadꞌera bꞌeda nekĩrãtõnoã bꞌae bꞌʉa.

Mateo 13:33

Dewara ne jarakꞌa mawũãsia: Daizezeta Nokꞌodꞌebemane bꞌeta wari bꞌʉra ne oreguea pan ẽsãbari kĩrãkꞌa bꞌʉa, wũẽrãba wĩka jiraedape harina kꞌãbãẽã nʉmʉne poerape nʉmʉsia jõma ẽsãyeedꞌa.

Mateo 12:41

Daizezeba zhãrã kꞌawua obʉrʉdꞌera Nínive pʉwʉrʉdꞌe zhãrã bꞌeadꞌara beudꞌata piradrʉdꞌaya zhãrã idꞌi ewade bꞌe bawara, maʉ̃rãbara marã aduabimarẽã jaradꞌaya, maʉ̃ẽnabema ãzhara kꞌazhiruara ãmape Daizezeta pẽwãsidꞌa Jonásba Daizeze bedꞌeata jarabʉrʉba. Maʉ̃ne mʉ nama bꞌʉra audre zhi zroma Jonás kꞌãñabara.

Hechos 20:21

Judíorãã, judíorã ẽãta bꞌea jarasia kꞌazhiruara ãmape Daizezeta pẽwãnamarẽã, ĩjãnamarẽã dazhirã Nokꞌo Jesucristodꞌebemata.

Lucas 15:7

Mʉã marãã jaraya, aramaʉ̃ kĩrãkꞌa ʉ̃trera audre sobiadꞌaya kꞌazhirua omiã abꞌaʉba kꞌazhiruara ãmabʉrʉta Daizezeta pẽwãbʉrʉ kꞌarea. Noventa y nueve biarãta Daizeze pẽwã bꞌe kꞌãñabara.

Lucas 13:5

Mʉã marãã jaraya, mawũã ẽã, awuarabʉrʉ marãba kꞌazhiruata ãmape Daizezeta pẽwãna ẽbʉrʉ jõma aduadꞌaya abꞌarika.

Lucas 9:2

Mobebʉrʉ jaradꞌe zokꞌakuasia Daizezeta Nokꞌodꞌebemata, aramaʉ̃ne bꞌebidꞌamarẽã kꞌayarãsidꞌa.

Marcos 6:12

Jesúsba jʉrʉkuadꞌara wãnape zhãrã bꞌea jara jʉ̃drʉsidꞌa kꞌazhiruara ãmape Daizezeta pẽwãnamarẽã.

Marcos 1:4

Mawũã jaradꞌadꞌe Juanbara drua drudrua tabꞌʉ maẽ zhãrã buru kꞌoekua nʉmasia, maʉ̃nerã jarakꞌa nʉmasia buru kꞌoebʉdaba kꞌazhiruara ãmape Daizezeta pẽwãnamarẽã, bedꞌea ne ẽã duanebimarẽã kꞌazhiruata biodꞌeba.

Mateo 5:10

Sobiaudua biata obꞌe kꞌarea zuburia obʉdadꞌera, mawũã bꞌera Daizezeta Nokꞌodꞌebema.

Mateo 5:3

Sobiaudua Daizezedꞌebemata kꞌawuai kꞌarea zuburia bꞌera, mawũã bꞌera Daizezeta Nokꞌodꞌebema.

Mateo 13:31

Dewara ne jarakꞌa mawũãsia: Daizezeta Nokꞌodꞌebemane bꞌera wari bꞌʉa, mawũẽ mostaza tadꞌebema kĩrãkꞌa bꞌʉa, iabꞌaʉba usia izhi druadꞌe.

Mateo 13:11

Mawũãnaĩ izhara panaʉ̃ mawũãsia: Daizezebara marãã kꞌawuabi nʉmʉã izhita Nokꞌodꞌebema kꞌawuabi ẽã bꞌadꞌata, mawũãmina ãzhi kꞌobꞌeara kꞌawuabi ẽã.

Mateo 6:33

Maʉ̃ba naara jʉrʉdua Daizezeta Nokꞌodꞌebemata, aramaʉ̃ne izha jara bꞌʉta odua, mobedꞌeba izhara maʉ̃ jõma diaya.

Hechos 26:20

Awuarabʉrʉ naara jarasia Damascodꞌe bꞌea, Jerusalénne bꞌea, Judea drua jõmaʉ̃ne bꞌea, judíorã ẽãta bꞌea. Mawũã jarasia kꞌazhiruara ãmape Daizezeta pẽwãnamarẽã, aramaʉ̃ne biata odꞌamarẽã dajada kꞌazhiruara ãmape bꞌeba.

Mateo 22:2

Daizezeta Nokꞌota nʉmʉrã reyta bꞌadꞌa kĩrãkꞌa bꞌʉa, maʉ̃bara fiesta osia zhi warra juwua jidayidꞌera.

Mateo 25:1

Daizezeta Nokꞌodꞌebemane bꞌera ãwũẽrãrã diez kĩrãkꞌa berabꞌariya. Maʉ̃rãbara ĩbĩrã ãzhidꞌe jirakua edadꞌape ũmakĩrã juwua jidadꞌe uruta kĩrãzhu wãsidꞌa.

Mateo 23:13

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba Daizezeta Nokꞌodꞌebemanerã zhãrã idu edꞌa wãbidꞌa ẽã. Miã mazhisidꞌa edꞌa wãna ẽã, aramaʉ̃ne edꞌa wãbidꞌa ẽã zhi edꞌa wã krĩñabʉdara.

Mateo 20:1

Daizezeta Nokꞌota nʉmʉrã ũmakĩrã drua zhibarita bꞌadꞌa kĩrãkꞌa bꞌʉa, diapedꞌa zhãrã jʉrʉ wãsia trajabigaita izhi uvadꞌe.

Mateo 18:23

Mawũãneba Daizezeta Nokꞌora reyta bꞌadꞌa kĩrãkꞌa bꞌʉa, maʉ̃bara deweta widꞌisia nokꞌorã izhi edre bꞌea.

Mateo 11:20

Jesúsbara kẽãkuasia pʉwʉrʉ zroma tabꞌe maẽ bꞌeta, maʉ̃za ũdudꞌakꞌata bio okuasimina kꞌazhiruara ãmape Daizezeta pẽwãna ẽãba mawũãsia:

Lucas 21:31

Aramaʉ̃ kĩrãkꞌa mawũã berabꞌari bʉsadꞌewata ũdubʉdadꞌera kꞌawuaudua kꞌaita bata Daizezeta Nokꞌodꞌebemata.

Lucas 16:30

Mawũãĩ izhara mawũãsia: Bari maʉ̃bara ũrĩna ẽã Zeze Abraham, mawũãmina beudꞌata iabꞌa piradrʉpe ãzhima wãrã, kꞌazhiruara ãmape Daizezeta pẽwãnaña.

Mateo 25:14

Daizezeta Nokꞌodꞌebemane bꞌera ũmakĩrã wawara wãba odꞌa kĩrãkꞌa berabꞌariya. Nezokꞌarã izhidꞌeta trʉ̃kuape chãbꞌarikuasia izhi platata.

Mateo 13:24

Dewara ne jarakꞌa mawũãsia: Daizezeta Nokꞌodꞌebemane bꞌera bia ẽã bawara bꞌea, mawũẽ iabꞌaʉba trigo ta zhi biata podꞌadꞌebema kĩrãkꞌa bꞌʉa, posia izhi druadꞌe.

Mateo 4:23

Aramaʉ̃ne Galilea drua jõma Jesús pʉrrʉa wãbʉrʉta de zhi jʉrebadata nʉme maẽ miã ũrãgꞌa wãsia, bedꞌea biata jarakꞌa wãsia Daizezeta Nokꞌodꞌebemata. Kꞌaya bꞌeta, pua bꞌeta jõma bꞌebi wãsia pʉwʉrʉ tabꞌe maẽ.

Lucas 1:16

Israel bꞌedꞌebema bioa wakusa pẽwãbigaya ãzhi Zhibari Daizezeta.