Mateo 28:6 - Porciones del Nuevo Testamento

⁶ Nama ne ẽã, izha jaradꞌa kĩrãkꞌa beudꞌata piradrʉsia. Zeudua, akaudua Nokꞌo tabꞌʉdꞌapeadꞌata.

Mateo 28:6 Referans Kwoze

Marcos 16:6

Mawũẽ maʉ̃bara mawũãsia: Perarãũdua, marãbara jʉrʉ panʉã Jesús Nazaredꞌebema cruzdꞌe kꞌachidꞌapeadꞌata. Beudꞌata piradrʉsia, nama ne ẽã. Akaudua izhi tabꞌʉdꞌapeadꞌata.

Mateo 12:40

Bꞌeda zroma bꞌitaedꞌa Jonásta ewarita ũbea diamaseta ũbea bꞌadꞌa kĩrãkꞌa, mʉ Beubari Bape bꞌʉsidꞌa beudꞌata egorodꞌe edꞌa tabꞌaya ewarita ũbea diamaseta ũbea.

Mateo 16:21

Maʉ̃ ewadeba Jesúsbara izha jʉrʉkuadꞌaa jarakꞌasia izhira Jerusalén pʉwʉrʉedꞌa wãĩta barata, jarasia biodꞌe zuburia odꞌaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Lucas 24:23

Jesús kꞌakuara ũdudꞌa ẽãba zebʉdadꞌera jarasidꞌa ángelerã ũdudꞌapeadꞌata, maʉ̃rãbara jarasidꞌabidꞌa Jesús zokꞌai bꞌʉta.

Lucas 24:44

Mobe mawũãsia: Mʉ kꞌãwũã berabꞌaribʉrʉra mʉã marãã zhi jarama basia mʉ wadꞌi marã bawara bꞌʉdꞌe: Kꞌãwũã arimaẽ berabꞌariita bara basia jõma mʉnebemata zhi bꞌʉmata Moisé ũrãgꞌadꞌe tabꞌeta, Daizezeba bedꞌeata jarabibarirãba bꞌʉdꞌapeadꞌata tabꞌeta, Salmone tabꞌeta.

Mateo 27:63

mawũãsidꞌa: Nokꞌó, daibara bude basidꞌa jari sewa nebʉrʉmiãbara zokꞌai bꞌasidꞌera mawũãsia: Mʉrã ewari ũbeadꞌe beudꞌata piradrʉya.

Juan 2:19

Mawũãnaĩ Jesúsbara panaʉ̃ mawũãsia: Naʉ̃ Daizeze dera ãrĩũdua, mʉã ewari ũbeadꞌe wakusa pãrãña.

Marcos 8:31

Jesúsbara jarakꞌasia izhi Beubari Bape bꞌʉra biodꞌe zuburiai barata, seribidꞌa ẽbaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Juan 10:17

Mʉ Zezebara mʉrã kʉãgꞌa mʉrã beui baera wakusa piradrʉita.

Lucas 24:12

Mawũãmina Pedro piradrʉpe wãẽba wãsia peña zobꞌeata nʉmʉĩnu. Edꞌa akʉbʉrʉdꞌera ũdusia bari burubꞌata. Mawũã berabꞌaribʉrʉba kꞌawua ẽã krĩcha dedꞌaa wãsia.

Mateo 20:19

Aramaʉ̃ne mʉrã chãbꞌaridꞌaya judíorã ẽãta bꞌea, mʉrã ãzhima sewakꞌau bꞌʉdꞌeba udꞌaya, cruzdꞌe kꞌachidꞌaya, mawũãmina ewari ũbeadꞌe beudꞌata piradrʉya.

Mateo 17:23

Maʉ̃nerã beadꞌaya, mawũãmina ewari ũbeadꞌe beudꞌata piradrʉya. Mawũãĩ ãzhira sopuasidꞌa kꞌãbãẽã.

Mateo 17:9

Kꞌatumaneba yedꞌa ãzhi urudꞌe Jesúsbara mawũãsia: Marãba ũdubʉdara miõã jararãũdua, mʉ Beubari Bape bꞌʉta beudꞌata piradrʉyeedꞌa.

Hechos 2:24

Maʉ̃ta Daizezeba beudꞌata piradrʉbibʉrʉba bebuta puadꞌebara ẽdrʉbisia, bebuba kꞌabꞌariita bꞌasi ẽbaera.