Mateo 28:17 - Porciones del Nuevo Testamento

¹⁷ Aramaʉ̃ne ũdubʉdadꞌera ibia jarasidꞌa, mawũãmina ʉ̃kʉrʉma izhi ẽbasia.

Mateo 28:17 Referans Kwoze

Juan 5:23

Mawũãtrʉ jõmaʉ̃ba mʉ zhi Warrata wawiadꞌaya mʉ Zeze wawia panʉ kĩrãkꞌa. Mʉ zhi Warrata wawia ẽãbara wawia ẽã mʉ Zeze mʉ zokꞌadꞌata.

Mateo 28:9

Maʉ̃ne Jesús daucha zepe mawũãsia: ¡Kʉa! Mawũãĩ ãzhara orradꞌape izhi jẽrũta burasidꞌa, mobe ibia jarasidꞌa.

Mateo 16:28

Mʉã wãrĩnu marãã jaraya, ʉ̃kʉrʉ nama kꞌobꞌebara beudꞌai nawedꞌa ũdudꞌaya mʉ Beubari Bape bꞌadꞌara zebʉrʉta Rey baita.

Marcos 16:11

Maʉ̃rãbara Jesús zokꞌai bꞌʉta ũrĩbʉdara, maʉ̃ wũẽrãba ũdudꞌara ĩjãna ẽbasia.

Marcos 16:13

Ãzhira wãnape dewaraurãã maʉ̃ta jarasidꞌa. Mawũãmina miã maʉ̃rãba jarabʉdasidꞌa ĩjãna ẽbasia.

Marcos 16:14

Nʉmape izha jʉrʉkuadꞌata oncea Jesús zhi ũdubisia ãzhi jewedꞌa nekꞌo kꞌobꞌedꞌe. Mobe ĩjã ẽbaita sota zarea bꞌedꞌeba kẽãkuasia ĩjãna ẽãba zhi ũdudꞌapeadꞌaba jarabʉdata beudꞌata piradrʉdꞌata.

Hechos 1:3

Beudꞌa tẽã maʉ̃rããbʉrʉ zokꞌai zhi ũdubima bio basia kꞌawuadꞌamarẽã wãrĩnu zokꞌai bꞌʉta. Zhi ũdubigasia ewari cuarenta, maʉ̃nerã jarakꞌa bꞌasia Daizezeta Nokꞌodꞌebemata.