Mateo 27:19 - Porciones del Nuevo Testamento

¹⁹ Zhãrã kꞌawua obari maẽ jewedꞌa kꞌobꞌʉdꞌe zhi kĩmaba bedꞌeata mawũã jarabuesia: Kꞌãʉ̃ biata bꞌʉra idaribirua, idꞌi mʉrã kꞌãĩmokꞌara kꞌãbãẽã sopuasia izhi kꞌarea.

Mateo 27:19 Referans Kwoze

Mateo 27:24

Mawũẽ Pilatobara kꞌãrẽ obꞌe ẽãta kꞌawuape wuaabʉrʉ kĩrũbʉkabʉdaba baniãta jiraedape juwua sʉgʉsia zhãrã kꞌobꞌe kĩrãbita, mobe mawũãsia: Mʉrã bedꞌea ne ẽbaya naʉ̃ biata bꞌʉ bebubara. Marãtrʉ naʉ̃ kꞌaudꞌa bꞌea.

Juan 19:13

Pilatobara maʉ̃ta ũrĩpe Jesús ãĩ edepe zhãrã kꞌawua obari maẽ jewedꞌasia dejã mongꞌara douga odꞌa abada maẽ, hebreo bedꞌeadꞌera Gábata abada.

Lucas 23:47

Soldaorã nokꞌoba maʉ̃ta ũdui Daizeze ibia jara mawũãsia: Wãrãne ũmakĩrã naʉ̃ bia basia.

Mateo 27:4

mawũãsia: Mʉãrã kꞌazhiruata obʉrʉa bedꞌea ne ẽãta beadꞌamarẽã chãbꞌaribʉrʉba. Mawũãĩ ãzhara mawũãsidꞌa: ¿Maʉ̃ta sãwũãĩpe daiba? Bʉtrʉ maʉ̃ kꞌaudꞌa bꞌʉa.

Mateo 2:22

Mawũãmina Arquelao Judeadꞌe reyta bꞌʉta, zhi zeze Herode bꞌadꞌabari bꞌʉta ũrĩpe maĩnu wãĩrã perasia. Maʉ̃ne Daizezeba kꞌãĩmokꞌaradꞌe jarape wãsia Galilea druaedꞌa.

Mateo 2:19

Herode beubʉrʉdꞌera ángel Daizezedꞌeta Egiptodꞌe Joséa kꞌãĩmokꞌaradꞌe zhi ũdubipe,

Mateo 1:20

Izhi mawũã krĩchabʉrʉdꞌera ángel Daizezedꞌeta kꞌãĩmokꞌaradꞌe zhi ũdubipe mawũãsia: José, bʉra rey Davidꞌeba uruta bꞌʉa, María edaira perarãrũã, izhira bꞌiogꞌoasia Jawurebiadꞌeba.

Lucas 23:41

Dazhira wãrãnebai bia zuburia barabꞌʉa, kꞌãwũã barabꞌʉa dazha bia ẽãta odꞌapeadꞌadꞌeba. Maʉ̃ne naʉ̃bara bia ẽãrã o ẽbasia.

Mateo 27:18

Pilatobara kꞌawuasia nokꞌorãbara sokꞌazhiruaba izhaa chãbꞌaribʉdata.

Hechos 12:21

Zedꞌamarẽã jaradꞌa ewarita arababʉrʉdꞌera, Herodebara izhi rey wuata jʉ̃pe izhi buguedꞌe jewedꞌape bedꞌeasia.

Hechos 18:12

Maʉ̃ne Galión Acaya druadꞌe nokꞌota bꞌʉdꞌe judíorã krĩcha abꞌarika zekuasia Pablo bĩ ẽã odꞌaita, aramaʉ̃ne nokꞌorãma ededꞌape,

Hechos 18:16

Mawũãpe jʉrekuabisia nokꞌorã maẽbara.

Hechos 18:17

Aramaʉ̃ta griegorã jõmaʉ̃ba Sóstene de zhi jʉrebada maẽ nokꞌota jirtopota jirachisidꞌa nokꞌorã kĩrãbita. Mawũãmina Galiónbara araa akʉ ẽbasia.

Hechos 25:6

Festora Jerusalénne ewari ocho o ewari diez bꞌape wãsia Cesarea pʉwʉrʉedꞌa. Nrũẽma zhãrã kꞌawua obari maẽ jewedꞌape wedꞌamarẽã jarasia Pablora.

Hechos 25:10

Mawũãĩ Pablobara mawũãsia: Zhãrã kꞌawua obadata rey Césardꞌe maẽ kꞌobꞌʉa mʉrã, mʉ kꞌawua odꞌaidꞌe bꞌʉ maẽ kꞌobꞌʉa. Judíorã mʉãrã bĩ ẽã o ẽbadꞌata bʉara bia kꞌawua kꞌobꞌʉa.

Hechos 25:17

Ãzhi ãba naĩnu zebʉdadꞌera mʉrã aramaʉ̃ta nrũẽma zhãrã kꞌawua obada maẽ jewedꞌape jarasia maʉ̃ wedꞌamarẽã.