Mateo 26:70 - Porciones del Nuevo Testamento

⁷⁰ Mawũãĩ izhara jõmaʉ̃ daidꞌu merãbʉrʉta mawũãsia: Mʉãrã kꞌawua ẽã bʉa kꞌãrẽ jarabʉrʉra.

Mateo 26:70 Referans Kwoze

Romanos 11:20

Wãrĩnuã, Cristodꞌebemata ãzha ĩjãna ẽãba bꞌʉatukuasia, mawũãmina marãbara ĩjãbʉdaba mama kꞌarakuasia. Maʉ̃ba marã biarãta krĩcharãũdua ãzhi kꞌãñabara, awuarabʉrʉ Daizezeta wawiaudua.

Mateo 26:58

Pedrora arajĩga kꞌaidꞌu wãsia sacerdote wagꞌau drogꞌoaidꞌu. Aramaʉ̃ne edꞌa wãpe Daizeze deta akʉbada bawara jewedꞌasia sãwũã odꞌaita akʉita.

Mateo 26:56

Mawũãmina naʉ̃ jõma kꞌãwũã berabꞌariya, aranaʉ̃ne arimaẽ berabꞌariya naʉ̃ẽnabemata zhi bꞌʉmata Daizezeba bedꞌeata jarabibarirãba jaradꞌapeadꞌata. Izha jʉrʉkuadꞌabara jõmaʉ̃ba Jesús ãmaẽbʉdata merũ wãẽbasidꞌa.

Mateo 26:51

Maʉ̃ne Jesús bawara kꞌopanʉba abꞌaʉba kuchota ẽpe tusia sacerdote wagꞌau nezokꞌata, mawũẽ ʉrawesia kʉwʉrʉta.

Mateo 26:69

Pedro ãĩ drogꞌoadꞌe jewedꞌa bꞌʉdꞌe wũẽrã nezokꞌaba orrape mawũãsia: Bʉsidꞌa bꞌasia Jesús Galileadꞌebema bawara.

Mateo 26:71

Puertaidꞌu izhi wãbʉrʉdꞌera wũẽrã awʉrʉba ũdupe mama kꞌobꞌea mawũãsia: Naʉ̃sidꞌa bꞌasia Jesús Nazaredꞌebema bawara.

Lucas 22:57

Mawũãmina izhara merãbʉrʉta mawũãsia: Wũẽrã, mʉã maʉ̃ ũdukꞌa.