Mateo 26:67 - Porciones del Nuevo Testamento

⁶⁷ Aramaʉ̃ne dau idꞌo jirpanesia kĩrãma, jirachi jirpanesia, dabʉ pãrĩnape ʉ̃kʉrʉbara kĩrãma tachi jirpanʉta,

Mateo 26:67 Referans Kwoze

Juan 18:22

Jesúsba mawũãĩ Daizeze de akʉbadadꞌebemata abꞌa mama kꞌobꞌʉba kĩrãma tachipe mawũãsia: ¿Bʉara mawũã panaʉ̃bʉrʉka sacerdote wagꞌau bedꞌeara?

Mateo 27:30

Mobe dau idꞌo jirpanesia, abꞌaʉ bakuruba tawe jirpanesia buruma.

Marcos 14:65

Aramaʉ̃ne ʉ̃kʉrʉbara dau idꞌo jirpanesia, kĩrã pãrĩnape jirachi jirpanʉta mawũãsidꞌa: Ari maẽ jaradua kꞌaiba jirachita. Daizeze de akʉbadabidꞌa tachi jirpanesia kĩrãma.

Mateo 5:39

Waya mʉã marãã jaraya, abꞌarika orãrũã iabꞌaʉba bʉta bĩ ẽã obʉrʉdꞌera. Baribʉrʉ bariduba bʉta kĩrã juwua araarebemata tachira wuadua dewarabemasidꞌa.

Juan 19:3

Mobe mawũãsidꞌa: ¡Kʉa, judíorã Rey! Mobe tachi jirpanesia kĩrãma.

Marcos 15:19

Bakuruba tawe jirpanesia buruma, dau idꞌo jirpanesia, sãkꞌokꞌodꞌe kꞌobꞌe jirpanesia wawiabʉda kĩrãkꞌa.

Marcos 10:34

Mʉrã ãzhima sewakꞌau bꞌʉdꞌeba udꞌaya, dau idꞌodꞌaya, aramaʉ̃ne beadꞌaya, mawũãmina ewari ũbeadꞌe beudꞌata piradrʉya.

Mateo 26:68

mawũãsidꞌa: Bʉma bʉra zhãrã Ẽdrʉbia, mawũẽ arimaẽ jaradua bʉ kꞌaiba tachita.