Mateo 26:3 - Porciones del Nuevo Testamento

³ Maʉ̃nerã sacerdoterã nokꞌorãta, ũrãgꞌa Moisédꞌe jarabadata, nokꞌorã pʉwʉrʉdꞌebemata zhi jʉresidꞌa sacerdote wagꞌauta Caifás abada drogꞌoadꞌe.

Mateo 26:3 Referans Kwoze

Juan 18:24

Mobebʉrʉ Anás sacerdote wagꞌauta bꞌadꞌabara jʉ̃ diabuesia Caifás sacerdote wagꞌauma.

Marcos 14:54

Pedrora arajĩga kꞌaidꞌu wãsia sacerdote wagꞌau drogꞌoaidꞌu edꞌa. Mobe Daizeze de akʉbada bawara jewedꞌasia tebʉ kꞌã.

Juan 18:28

Caifás de maẽbara Jesús edesidꞌa nokꞌo dedꞌa soldaorã tabꞌʉidꞌu. Maʉ̃nerã diapedꞌa nʉmasia. Judíorã Jesús ededꞌapeadꞌara maʉ̃ dedꞌara edꞌa wãna ẽbasia. Ãzhima aramaʉ̃nerã Daizeze kĩrãbita mitia ẽãba kꞌo bꞌeidꞌe bꞌasia Egiptodꞌeba ẽzoadꞌata krĩcha kꞌobadara.

Juan 11:57

Sacerdoterã nokꞌorãbara, fariseorãbara jarasidꞌa iabꞌaʉba sãma bꞌʉta kꞌawuara jaramarẽã jidadꞌaita.

Lucas 3:2

Anás dewara Caifás sacerdoterã wagꞌaurãta panʉne, Juan Zacaría warraa Daizezeta bedꞌeasia drua drudrua tabꞌʉ maẽ.

Mateo 26:69

Pedro ãĩ drogꞌoadꞌe jewedꞌa bꞌʉdꞌe wũẽrã nezokꞌaba orrape mawũãsia: Bʉsidꞌa bꞌasia Jesús Galileadꞌebema bawara.

Mateo 27:27

Mawũẽ soldaorã Pilatodꞌebara Jesús edesidꞌa Pilato dedꞌa soldaorã tabꞌʉidꞌu, mawũẽ Jesús bʉredrʉsidꞌa soldaorã jõmaʉ̃ba.

Marcos 14:66

Pedro udꞌa drogꞌoadꞌe bꞌʉdꞌe, wũẽrãrã nezokꞌarãta abꞌa zesia sacerdote wagꞌaudꞌeta.

Marcos 15:16

Mawũẽ soldaorãbara Jesús edꞌa edesidꞌa nokꞌo dedꞌa soldaorã tabꞌʉidꞌu, mawũẽ bʉredrʉsidꞌa soldaorã jõmaʉ̃ba.

Lucas 22:55

Maʉ̃nerã ʉ̃kʉrʉra drogꞌoa ẽsadra tebʉ puadꞌape arakꞌawa jewedꞌasidꞌa. Pedrosidꞌa jewedꞌasia ãzhi bawara.