Mateo 26:2 - Porciones del Nuevo Testamento

² Marãbara kꞌawua bꞌea Egiptodꞌeba ẽzoadꞌata krĩcha fiesta obadata ewari ũmene odꞌaya. Mʉ Beubari Bape bꞌʉra maʉ̃ne chãbꞌaridꞌaya cruzdꞌe kꞌachi beadꞌamarẽã.

Mateo 26:2 Referans Kwoze

Juan 18:2

Juda Jesús chãbꞌariita bꞌʉbara kꞌawua bꞌasia mawũã ne uta bꞌʉ maẽrã, Jesús mama ãba zema bio basi baera izha jʉrʉkuadꞌa bawara.

Juan 11:55

Kꞌaita bata nʉmasia Egiptodꞌeba ẽzoadꞌata krĩcha fiesta obadata judíorãba, mawũẽ fiesta nawedꞌa bio wãrĩzesidꞌa Jerusalén pʉwʉrʉedꞌa, Daizeze kĩrãbita nene ẽã kꞌobꞌaidꞌebemata odꞌai kꞌarea.

Mateo 17:22

Izha jʉrʉkuadꞌa bawara Galileadꞌe bꞌedꞌe Jesúsbara mawũãsia: Mʉ Beubari Bape bꞌʉra zhãrã juwuadꞌe chãbꞌaridꞌaya.

Juan 12:1

Egiptodꞌeba ẽzoadꞌata krĩcha fiesta obadata ewari seis wãẽã nʉmʉne, Jesús Betania pʉwʉrʉedꞌa zesia Lázaro bꞌʉ maẽ, maʉ̃ beudꞌata izha piradrʉbidꞌa basia.

Juan 2:13

Ewari araa zebodꞌo basia Egiptodꞌeba ẽzoadꞌata krĩcha judíorãba fiesta obadata, mawũẽ Jesús wãrĩzesia Jerusalén pʉwʉrʉedꞌa.

Lucas 22:15

Maʉ̃nerã mawũãsia: ¡Naʉ̃ kꞌãwũã Egiptodꞌeba ẽzoadꞌata krĩcha kꞌobadata mʉãrã marã bawarauba kꞌo krĩña bꞌasia mʉ zuburiai nawedꞌa!

Mateo 27:4

mawũãsia: Mʉãrã kꞌazhiruata obʉrʉa bedꞌea ne ẽãta beadꞌamarẽã chãbꞌaribʉrʉba. Mawũãĩ ãzhara mawũãsidꞌa: ¿Maʉ̃ta sãwũãĩpe daiba? Bʉtrʉ maʉ̃ kꞌaudꞌa bꞌʉa.

Mateo 10:4

Simón Canaán bidꞌata, Juda Iscariote Jesús chupea jidabidꞌata.

Juan 18:32

Aramaʉ̃ne arimaẽ berabꞌarisia Jesúsba jaradꞌata izhi sãwũã beuita.