Mateo 25:31 - Porciones del Nuevo Testamento

³¹ Mʉ Beubari Bape bꞌadꞌata zarea bara zebʉrʉta mʉ ángelerã bawara zebʉrʉdꞌera, zhãrã kꞌawua oita jewedꞌaya mʉ bugue kĩrãwãrẽãne.

Mateo 25:31 Referans Kwoze

Mateo 19:28

Mawũãĩ Jesúsbara mawũãsia: Mʉã wãrĩnu marãã jaraya, ne jõma zhiwidꞌita nʉmebʉrʉdꞌera, mʉ Beubari Bape bꞌadꞌara Reyta jewedꞌaya mʉzhi bugueta kĩrãwãrẽãne, marã mʉ pẽwã bꞌesidꞌa nokꞌorãta jewedꞌa duaneña bugue docedꞌe. Aramaʉ̃ne kꞌawua oduaneña Israel warrarã docedꞌebemata.

Mateo 16:27

Mʉ Beubari Bape bꞌadꞌara mʉ Zeze zareaedꞌa zeya izhi ángelerã bawara, maʉ̃nerã abꞌa abꞌakꞌa kꞌawua obʉrʉta biata odꞌapeadꞌara bia bꞌʉya, bia ẽãta odꞌapeadꞌara zuburia bꞌʉya.

Marcos 8:38

Iabꞌa mʉ kꞌarea mʉ bedꞌea kꞌarea pera bꞌʉta kꞌazhirua omiãrãta wawiaba mawũã bꞌaibʉrʉ, mʉ Beubari Bape bꞌadꞌabara maʉ̃ mʉrẽ ẽã aya mʉ zebʉrʉdꞌera mʉ Zeze zareaedꞌa izhi ángelerã bawara.

Juan 1:51

Mawũãpe mawũãsia: Mʉã wãrĩnu marãã jaraya, idꞌidꞌeba marãbara ũdudꞌaya bãjã ewa nʉmʉta, ũdudꞌaya ángelerã Daizezedꞌeta wãrĩze bꞌeta udꞌubꞌae bꞌeta mʉ Beubari Bape bꞌʉma.

Lucas 9:26

Iabꞌa mʉ kꞌarea mʉ bedꞌea kꞌarea pera bꞌaibʉrʉ, maʉ̃ mʉãrã mʉrẽ ẽã aya mʉ Beubari Bape bꞌadꞌata zarea bara zebʉrʉdꞌera mʉ Zeze zareaedꞌa ángelerã zareaedꞌa.

Marcos 14:62

Mawũãĩ Jesúsbara mawũãsia: Mʉrã izhia. Mawũẽ mʉ Beubari Bape bꞌadꞌara ũdudꞌaya Daizeze zhi zroma juwua araare jewedꞌa bꞌʉta, jãrãrãne uruta ʉ̃treba.

Mateo 26:64

Mawũãĩ Jesúsbara mawũãsia: Ara bʉzha jarabʉrʉa. Mawũẽ mʉã marãã jaraya, idꞌidꞌeba marãbara ũdudꞌaya mʉ Beubari Bape bꞌʉra Daizeze zhi zroma juwua araare jewedꞌa bꞌʉta, jãrãrãne zebʉrʉta ʉ̃treba.

Hechos 1:11

Maʉ̃rãbara mawũãsidꞌa: Galilea bidꞌarã, marãbara, ¿kꞌãrẽã ʉ̃taa akʉ kꞌobꞌe? Kꞌãʉ̃ Jesús Daizezeba marã maẽba ʉ̃taa edebʉrʉra, kꞌãʉ̃ abꞌaʉta kꞌãwũã zeya mazha ũdubʉda kĩrãkꞌa ʉ̃taa wãbʉrʉta.

Lucas 22:69

Mawũãmina idꞌidꞌeba mʉ Beubari Bape bꞌʉra jewedꞌaya Daizeze zhi zroma juwua araare.

Mateo 25:6

Maʉ̃ne ewari ẽsadra nemita jĩgua ũrĩbʉdata mawũãsia: ¡Juwua jidaira za ibꞌaria orraudua!