Mateo 24:42 - Porciones del Nuevo Testamento

⁴² Maʉ̃ba dauba bꞌeaudua, marãbara kꞌawuadꞌa ẽbaera kꞌãrẽ ʉ̃madaudꞌe zeita mʉta marã Nokꞌora.

Mateo 24:42 Referans Kwoze

Lucas 21:36

Mawũẽ kĩrãkuita bꞌeaudua, baridu ʉ̃madaudꞌe zhiwidꞌi bꞌeaudua, aramaʉ̃ne ẽdrʉdꞌaitrʉ bꞌeaudua ne bio mawũã menajacha bʉsadꞌewaidꞌera. Mawũãrã kꞌãrẽã peradꞌai ne ẽã kꞌobꞌeaya mʉ Beubari Bape bꞌadꞌa kĩrãbita.

Mateo 25:13

Aramaʉ̃ kĩrãkꞌa berabꞌari ẽbaita marã dauba bꞌeaudua, marãbara kꞌawuadꞌa ẽbaera mʉ Beubari Bape bꞌadꞌara kꞌãrẽ ewade kꞌãrẽ ʉ̃madaudꞌe zeira.

Mateo 24:36

Mawũãmina kꞌãrẽ ewade kꞌãrẽ ʉ̃madaudꞌe mawũã berabꞌariira miõba kꞌawua ẽã, miã ángelerã ʉ̃trebemarãbidꞌa kꞌawuadꞌa ẽã, miã mʉãbidꞌa kꞌawua ẽã, awuarabʉrʉ kꞌawua bꞌʉa mʉ Zezebʉrʉ.

Romanos 13:11

Maʉ̃ta aribꞌae bꞌeaudua, ewari sãwũã nʉmʉta kꞌawua bꞌedꞌebara dazhirã ya piradrʉdꞌaibara kꞌãĩ bꞌera. Idꞌibai dazhirã ẽdrʉira audre kꞌaita basia Jesúsdꞌebema dazhirãba ĩjãnata nʉmʉnebara.

Mateo 24:44

Marãsidꞌa aramaʉ̃ kĩrãkꞌa kĩrãkuita bꞌeaudua, mʉ Beubari Bape bꞌadꞌara zei baera marãbara zeita krĩchadꞌa ẽãne.

Mateo 24:43

Mʉã jaraita sãwũãta kꞌawuaudua, nezrʉgamiã kꞌãrẽ ʉ̃madaudꞌe zeita zhidekʉba kꞌawuara daukꞌãrã bꞌeya, aramaʉ̃ne nezrʉgabi ẽbaya izhi dedꞌara.

Mateo 25:10

Mawũãnaĩ ãzha edadꞌe wãbʉdaedꞌa juwua jidadꞌe urura zesia. Mawũẽ ãwũẽrãrã zhi aribꞌaemata kꞌobꞌera maʉ̃ juwua jidai maẽ izhi bawara edꞌa wãsidꞌa, mawũẽ serrasidꞌa puerta.

Lucas 21:34

Mazhikusa kĩrãkuita bꞌeaudua, mazhi soba krĩñane bꞌearãũdua, ituaba beu bꞌearãũdua, naʉ̃ ẽjũãnebemata krĩcha bꞌearãũdua. Mobedꞌeba mʉrã aritiaudꞌe marã ʉ̃rʉ̃ ze ẽbaya jari ewadera.