Mateo 23:15 - Porciones del Nuevo Testamento

¹⁵ ¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba pusata druata pʉrrʉa bꞌea, mazhi ũrãgꞌata iabꞌaʉa ĩjãbidꞌaita mawũã bꞌea. Aramaʉ̃ne ĩjãbibʉdadꞌera mazhi kꞌãñabara tebʉdꞌe audre zuburia bꞌaitrʉ opanʉã.

Mateo 23:15 Referans Kwoze

Hechos 13:43

Ãba nʉmanata ẽzoabʉdadꞌera, judíorãnebema bioba dewaraurã judío bape bꞌeba pẽwã jʉ̃drʉsidꞌa Pablora Bernabéra. Mawũẽ ãzhara jarasidꞌa ĩjã bꞌeamarẽã izhi biaba ãzhi kʉãgꞌata Daizezebara.

Hechos 13:10

mawũãsia: ¡Bʉra ne jõmaʉ̃ne zhãrã sewamiã, ne jõmaʉ̃ne bia ẽã omiã, bʉra ãtõmiã warra, bʉara jõma krĩña ẽã biara! ¿Bʉara idaribi ẽã nʉmaĩka wãrã bedꞌeata Daizezedꞌera?

Hechos 14:2

Mawũãmina judíorã zhi ĩjãna ẽãbara judíorã ẽãta krĩcha ãrĩsidꞌa mebẽrã ʉ̃rʉ̃.

Juan 8:44

Marã mazhi zeze ãtõmiãneã, mawũẽ mazhi zezeba krĩñata okrĩña bꞌea. Jẽde wedꞌauba izhira miã beamiãta bꞌʉa, wãrãnebemane bꞌʉ ẽãba wãrãta jarakꞌa. Sewata jara bedꞌeabʉrʉdꞌera izhi bꞌʉdꞌe bedꞌea bꞌʉa. Aramaʉ̃ne sewa nebʉrʉmiãba sewadꞌebema zezea.

Mateo 5:22

Mawũãmina mʉã marãã jaraya, iabꞌa zhi mebea ũme kĩrũbʉrʉra Daizezeba pua kꞌawua oya. Iabꞌaʉba zhi mebeata krĩcha ne ẽã bꞌaribꞌʉa abʉrʉra nokꞌorã wagꞌaurãba pua kꞌawua odꞌaya. Iabꞌaʉba zhi mebeata ikꞌazhirua jarabʉrʉra wãbidꞌaya tebʉ pureadꞌe.

Hechos 17:13

Judíorã Tesalónica pʉwʉrʉdꞌebemabara kꞌawuasidꞌa mawũã Berea pʉwʉrʉdꞌebidꞌa Daizeze bedꞌea jara nʉmʉta Pablobara, mawũẽ wãnape maĩnubidꞌa bĩ ẽãbisidꞌa kꞌabanata.

Hechos 14:19

Maʉ̃ne judíorãta ʉ̃kʉrʉ zesidꞌa Antioquíadꞌeba Iconioneba, maʉ̃rãbara kꞌabanata krĩcha ãrĩsidꞌa. Aramaʉ̃ne mongꞌaraba tabꞌari jidasidꞌa Pablora, mobe pʉwʉrʉdꞌebara ãĩ ertasidꞌa beusita krĩchadꞌape.

Hechos 2:10

Frigia druadꞌebema, Panfilia druadꞌebema, Egipto druadꞌebema, África drua Cirene audre wawaraidꞌubema, dewara Romanebemata nama bꞌea, judíorãta bꞌea, judío ẽãta judío bape bꞌea.

Hechos 6:5

Mawũã jarabʉdara biga basia kꞌabanata jõmaʉ̃ma, mawũẽ Estebanta jʉrʉsidꞌa soidꞌu bꞌʉta Jawurebiaba bira bꞌʉta. Jʉrʉsidꞌa Felipeta, Prócorota, Nicanorta, Timónta, Parmenata. Jʉrʉsidꞌa Nicoláta griegota judío bape bꞌʉta Antioquía pʉwʉrʉdꞌebemata.

Mateo 5:29

Mawũẽ bʉ dabʉ juwua araarebemaba bʉta kꞌazhiruadꞌe bꞌaebiidꞌebema orãrũã, aramaʉ̃ne bʉ dabʉra ẽũtape bʉdꞌebara bꞌaribuebʉrʉkꞌarua. Audre biga bʉdꞌebemata abꞌa aduaita bʉta kꞌakua igurua bꞌaribuedꞌai kꞌãñabara tebʉdꞌe.

Mateo 3:7

Fariseorãta saduceorãta izha bio ũdubʉrʉta izha buru kꞌoemarẽã zebʉdadꞌera ʉ̃kʉrʉa mawũãsia: Marã bia ẽãta bꞌeba dãmata neãrã bara bꞌe kĩrãkꞌa bꞌea. ¿Mawũã bꞌeta kꞌaiba ẽdrʉdꞌaya asi Daizezeba kĩrũbiba pua kꞌawua okuaita ʉ̃rʉ̃ badꞌebara?

Mateo 23:13

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba Daizezeta Nokꞌodꞌebemanerã zhãrã idu edꞌa wãbidꞌa ẽã. Miã mazhisidꞌa edꞌa wãna ẽã, aramaʉ̃ne edꞌa wãbidꞌa ẽã zhi edꞌa wã krĩñabʉdara.