Mateo 22:18 - Porciones del Nuevo Testamento

¹⁸ Jesúsbara kꞌawuasia ãzhara bĩ ẽã oita kꞌobꞌeta, mawũẽ mawũãsia: ¿Mʉrã kꞌãrẽã wãẽãbidꞌaita kꞌopanʉ marã sewa bibaʉta bꞌebara?

Mateo 22:18 Referans Kwoze

Juan 8:6

Maʉ̃ta jarasidꞌa wãẽãbidꞌape nokꞌoa jidꞌai kꞌarea. Mawũãmina Jesús ju kꞌobꞌepe egorodꞌe ne bꞌʉsia juwua jĩwĩniba.

Juan 2:25

Aramaʉ̃ne zhãrãnebema jaradꞌaira nesidꞌa ẽbasia, aramaʉ̃ne izhara kꞌau basia sodꞌera zhãrã sãwũã bꞌeta.

Lucas 5:22

Jesúsbara ãzhi mawũã krĩcha kꞌobꞌeta kꞌawuape mawũãsia: ¿Kꞌãrẽta krĩcha kꞌobꞌe marã sodꞌera?

Hechos 5:9

Mawũãĩ Pedrobara mawũãsia: ¿Kꞌãrẽã kꞌãwũã oita krĩchasidꞌa kꞌawua ẽbipe Jawurebia Nokꞌodꞌeba? Jari ibꞌada bʉ kĩma joubʉdara, bʉsidꞌa ededꞌaya.

Lucas 20:23

Jesúsbara kꞌawuasia ãzhara bĩ ẽã oita kꞌobꞌeta, mawũẽ mawũãsia: ¿Mʉrã kꞌãrẽã wãẽãbidꞌaita kꞌopanʉ?

Lucas 10:25

Ũrãgꞌa Moisédꞌe jarabarita piradrʉpe wãẽãbiita Jesúa mawũãsia: Miã Ũrãgꞌabari, ¿mʉã kꞌãrẽ obʉrʉba jidaipe Daizeze ũme bꞌai jõ ẽãrã?

Lucas 9:47

Jesúsbara sodꞌeba sãwũã krĩcha kꞌobꞌeta kꞌawuape wũãwũãta jidape izhi kꞌaita kꞌobꞌʉpe,

Marcos 12:5

Wakusa awʉrʉta zokꞌabʉrʉra beasidꞌa. Dewara bio zokꞌabʉrʉra ʉ̃kʉrʉ jirachisidꞌa, ʉ̃kʉrʉ beasidꞌa.

Marcos 2:8

Jesúsbara kꞌawuasia ãzhi bitabai mawũã krĩcha kꞌobꞌeta, mawũẽ mawũãsia: ¿Kꞌãrẽã kꞌãwũã krĩcha kꞌobꞌe marã sodꞌera?

Mateo 19:3

Maʉ̃ne izhima fariseorãta zedꞌape wãẽãbidꞌai kꞌarea mawũãsidꞌa: ¿Idaribi panʉka zhũmakĩrãba izhi wũẽrã ãmaĩrã newẽã kꞌarea?

Mateo 12:15

Jesúsbara maʉ̃ta kꞌawuape wãsia mamaʉ̃bara, zhãrã bio kꞌaidꞌu wãbʉdata kꞌaya bꞌera bꞌebisia jõma.

Mateo 22:17

Bʉma sãwũãta daia jaradua: ¿Diasia bꞌʉka rey César plata diabadara, o dia bꞌe ẽ?

Mateo 22:19

Mʉãã ũdubiudua monedata rey Romanebemaa diabadata. Mawũãĩ ãzhara ũdubisidꞌa denario abꞌa.