Mateo 21:31 - Porciones del Nuevo Testamento

³¹ ¿Ũmebara sãʉ̃ba osi zhi zezeba krĩñarã? Mawũãĩ ãzhara mawũãsidꞌa: Osia nabemaba. Mawũãnaĩ Jesúsbara mawũãsia: Mʉã wãrĩnu marãã jaraya, rey Romanebemaĩta plata widꞌibadata, wũẽrãrã jõmaʉ̃ne bꞌeta marã kꞌãñabara wãnaña Daizezeta Nokꞌota bꞌʉma.

Mateo 21:31 Referans Kwoze

Lucas 7:29

Maʉ̃ jarabʉrʉta zhãrã jõmaʉ̃ba ũrĩbʉdadꞌera, rey Romanebemaĩta plata widꞌibadabidꞌa ũrĩbʉdadꞌera jarasidꞌa Daizezeba Juanneba ũrãgꞌa nʉmʉrã bigata, ãzhira aramaʉ̃ne zhi buru kꞌoema basia Juanba.

Mateo 7:21

Mʉta Nokꞌó abꞌera jõmarã edꞌa wãna ẽã ʉ̃tre Daizezeta Nokꞌo maẽrã, awuarabʉrʉ edꞌa wãnaña mʉ Zeze ʉ̃tre bꞌʉba krĩñata obꞌeta.

Romanos 5:20

Moisé ũrãgꞌara nʉmʉsia kꞌawuabigaita kꞌazhiruata kꞌãbãẽã obadata. Kꞌazhiruata mawũã kꞌãbãẽã obadadꞌebara Daizezebara kꞌawuabisia izhi biaba kꞌãbãẽã sozuburia bꞌʉta.

Romanos 3:19

Kꞌawua bꞌea jõma Daizeze ũrãgꞌaba jara bꞌʉra jara bꞌʉa judíorã maʉ̃ ũrãgꞌa edre bꞌea, aramaʉ̃ne jõma chupea kꞌobꞌedꞌe zhãrã jõma kꞌawua okuaya Daizezebara.

Mateo 20:16

Aramaʉ̃ kĩrãkꞌa zhi zromata bꞌeta zhi zroma ẽãta duaneña, waya zhi zroma ẽãta bꞌeta zhi zromata duaneña, maʉ̃ẽnabema Daizezebara bio trʉ̃kua nʉmʉkꞌãrĩã, mawũãmina bio ẽã zhi jʉrʉmarã.

Hechos 17:30

Mawũãmina Daizezebara nawedꞌara idaribisia izhidꞌebema kꞌawuadꞌa ẽãba kꞌãwũã bꞌera, idꞌibai baridu maẽ zhãrã jõmaʉ̃ã jara bꞌʉa kꞌazhiruara ãmape izhita pẽwãnamarẽã.

Lucas 19:22

Mawũãĩ reybara mawũãsia: Bʉra nezokꞌa biata bꞌʉ ẽã, ari bʉzhi bedꞌeadꞌeba mʉã jaraya bʉra wãẽãbʉrʉa. Mobera bʉara kꞌawua bꞌasia mʉrã zhãrã zarea zokꞌabarita, aramaʉ̃ne zhãrã trajadꞌadꞌeba plata jida wãta.

Lucas 15:10

Mʉã marãã jaraya, aramaʉ̃ kĩrãkꞌa ángelerã Daizezedꞌera sobiadꞌaya kꞌazhirua omiã abꞌaʉba kꞌazhiruara ãmape Daizezeta pẽwãbʉrʉ kꞌarea.

Mateo 18:3

mawũãsia: Mʉã wãrĩnu marãã jaraya, bia ẽãrã idu bꞌʉdꞌape marãta wũãwũãrã kĩrãkꞌa zhi zroma ẽãne duanu ẽbʉrʉ, edꞌa wãna ẽã ʉ̃tre Daizezeta Nokꞌo maẽrã.

Mateo 12:50

Mʉ Zeze ʉ̃tre bꞌʉba krĩñata obꞌeta maʉ̃ta mʉ mebea, mʉ nawekꞌaua, mʉ papaa.

Mateo 9:9

Jesús mamaʉ̃ba wãbʉrʉdꞌera ũdusia Mateo abadata, impuesto widꞌi jewedꞌa bꞌʉta rey Romanebemaĩta impuesto diabada maẽ bꞌasia, maʉ̃ne mawũãsia: Mʉ kꞌaidꞌu bꞌadua. Mawũãĩ izhira piradrʉpe kꞌaidꞌu bꞌesia.

Mateo 6:5

Bʉ zhiwidꞌibʉrʉdꞌera sewa bibaʉta bꞌe kĩrãkꞌa bꞌarãrũã. Ãzhira ʉ̃ta zhiwidꞌi krĩñadea, de zhi jʉrebadata nʉme maẽ, pʉwʉrʉdꞌe odꞌe zhãrã berabꞌari nʉme maẽ maʉ̃ kꞌaudꞌa bꞌea bari zhãrãba ũdudꞌamarẽã. Mʉã wãrĩnu marãã jaraya, maʉ̃ kꞌareara Daizezebara kꞌãrẽ dia ẽã.

Mateo 5:18

Mʉã wãrĩnu marãã jaraya, bãjãta egorota neba ẽã nʉmʉnerã Daizezedꞌe ũrãgꞌara miã wĩkabidꞌa neba ẽã sãwũã berabꞌarii bꞌʉta jõma arimaẽ berabꞌariyeedꞌa.

Mateo 5:46

Marã kʉãgꞌa bꞌetrʉ kʉãgꞌadꞌara, ¿maʉ̃barira kꞌãrẽ biata jidadꞌaipe? ¿Abꞌarika obada ẽka rey Romanebemaĩta plata widꞌibadabidꞌa?

Mateo 21:30

Zhi zezebara dewarabemata orrape abꞌarika jarasia. Mawũẽ maʉ̃bara mawũãsia: Ãjã nokꞌó, mʉrã wãña. Mawũãpe wã ẽbasia.

Juan 3:3

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa wakusa tobʉrʉ ẽãrã Daizezeta Nokꞌodꞌebema ẽã.

Juan 3:5

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa baniãneba Jawurebiadꞌeba tobʉrʉ ẽãrã edꞌa wã bꞌe ẽã Daizezeta Nokꞌo maẽrã.