Mateo 20:20 - Porciones del Nuevo Testamento

²⁰ Zebedeo warrarã papaba zhi waurã bawarauba Jesús orrape izhi kĩrãbita sãkꞌokꞌodꞌe kꞌobꞌesia kꞌãrẽ widꞌiita.

Mateo 20:20 Referans Kwoze

Mateo 8:2

Maʉ̃ne aidꞌaba kꞌaya bꞌʉba orrape izhi kĩrãbita sãkꞌokꞌodꞌe kꞌobꞌepe mawũãsia: Nokꞌó, bʉa krĩñabʉrʉ mʉrã nene ẽã bꞌebirua.

Mateo 4:21

Mamaʉ̃ba Jesús wãbʉrʉdꞌera dewara awʉrʉrãta ũme mebẽrãta panʉta ũdusia, Jacobota zhi mebea Juanta ũdusia, Zebedeo warrarãta ãzhi zeze Zebedeo bawara jãbadꞌe bꞌeta, ãzhi atarrayata tʉdꞌʉzoadꞌata araa jʉ̃kua duanasia, Jesúsbara maʉ̃ne jʉrʉkuasia.

Mateo 27:56

Maʉ̃rãnebema duanasia María Magdalenata, María dewarabema Jacoboba Joséba ãzhi papata bꞌasia, Zebedeo warrarã papasidꞌa bꞌasia.

Marcos 15:40

Wũẽrãrãsidꞌa ʉ̃kʉrʉ duanasia wawarauba akʉ bꞌeta. Maʉ̃rãnebema duanasia María Magdalenata, dewarabema María zhi wau tẽãbema Jacoboba, Joséba ãzhi papata bꞌasia, dewara bꞌasia Salométa.

Mateo 2:11

Deidꞌu wãbʉdadꞌera wũãwũã zhi papa María ũme ũdusidꞌa, mawũẽ sãkꞌokꞌodꞌe bꞌadape ibia jarasidꞌa. Mobe ne biata ewadꞌape wũãwũãã diasidꞌa orota, incienso kerata, mirra kerata.

Mateo 28:17

Aramaʉ̃ne ũdubʉdadꞌera ibia jarasidꞌa, mawũãmina ʉ̃kʉrʉma izhi ẽbasia.

Mateo 15:25

Aramaʉ̃ne wũẽrã zepe izhi kĩrãbita sãkꞌokꞌodꞌe kꞌobꞌepe mawũãsia: ¡Nokꞌó, mʉrã kꞌarebarua!

Mateo 14:33

Mawũẽ jãbadꞌe kꞌopanʉbara orradꞌape ibia jara mawũãsidꞌa: Bʉra wãrãne Daizeze Warra.

Mateo 10:2

Doce zokꞌakuadꞌa trʉ̃rã naʉ̃rãã: Simón, Pedro abadata, Andrés zhi mebeata, Jacobo Zebedeo warrata, Juan zhi mebeata.