Mateo 20:15 - Porciones del Nuevo Testamento

¹⁵ ¿Mʉã krĩñanerã o ẽbaidꞌe bꞌʉka ne mʉrẽrã? ¿O bʉra bĩ ẽã kꞌobꞌʉka mʉta bia baera?

Mateo 20:15 Referans Kwoze

Marcos 7:22

nezrʉgaita, ne wuaabʉrʉ krĩñaĩta, bia ẽãta oita, zhãrã sewaita, dazha krĩñata oita, zhãrãba ne erubꞌʉ kꞌarea bĩ ẽã nʉmaĩta, zhãrãnebema sewata jaraita, dazhitrʉ bigaudꞌe nʉmaĩta, krĩcha ne ẽkĩrãkꞌa nʉmaĩta.

Mateo 6:23

Mawũãmina bʉ dabʉta biga ẽbʉrʉ bʉ kꞌakuara jõma pãrĩguadꞌe bꞌaya. Aramaʉ̃ kĩrãkꞌa bʉa obꞌʉta bʉma bigata bia ẽbʉrʉ, ¿bʉra jipadꞌe pãrĩguadꞌe nʉmʉ ẽka?

Juan 17:2

Zhãrã jõmaʉ̃ ʉ̃rʉ̃ bʉara mʉãã zareata diasia, aramaʉ̃ne bʉ ũme bꞌai jõ ẽãta diamarẽã bʉa mʉãã diadꞌata jõmaʉ̃ã.

Hechos 13:45

Mawũãmina judíorã nokꞌorãba kꞌabanata ũdudꞌai kꞌãbãẽã bĩ ẽãbʉdaba jarasidꞌa Pabloba jarabʉrʉra mawũã ẽãta, aramaʉ̃ne bĩ ẽã jarasidꞌa.

Mateo 11:25

Maʉ̃ ewadera Jesúsbara mawũãsia: Zeze, mʉã bʉra ibia jaraya, bʉra ʉ̃trebema Nokꞌoa, drua Nokꞌoa, bʉ mawũã Nokꞌodꞌebema bʉara kꞌawuabi ẽbasia ãzhikusa krĩcha banata bꞌeara, awuarabʉrʉ kꞌawuabisia krĩcha bana ẽãta bꞌea.

Mateo 20:14

Bʉrera jidape wãrũã, mawũãmina naʉ̃ tẽã zedꞌaara mʉãrã dia krĩñabʉrʉa bʉaa diabʉrʉ kĩrãkꞌa.