Mateo 2:4 - Porciones del Nuevo Testamento

⁴ Mawũẽ Herodebara jõma trʉ̃bigasia sacerdoterã nokꞌorãta, ũrãgꞌa Moisédꞌe jarabada bawara, mobe widꞌisia sãma toi basita Daizezeba Rey zokꞌaita jaradꞌara.

Mateo 2:4 Referans Kwoze

Hechos 23:9

Aramaʉ̃ne kĩrũ bꞌʉgadrʉsidꞌa. Maʉ̃ne ũrãgꞌa Moisédꞌe jarabadata fariseorãnebemata piradrʉdꞌape mawũãsidꞌa: Ũmakĩrã naʉ̃bara miã kꞌãrẽta bĩ ẽã o ẽã. Jawurebiata izhaa bedꞌeasi ẽbʉrʉ ángelta bedꞌeasia, idaribi ẽã jirpana ẽã Daizezea.

Hechos 6:12

Aramaʉ̃ne kĩrũbisidꞌa zhãrãta, nokꞌorãta, Moisé ũrãgꞌa jarabadata. Mawũẽ jidadꞌape wesidꞌa nokꞌorã wagꞌaurãma.

Mateo 21:23

Daizeze dedꞌa ewara maẽ Jesús zebʉrʉdꞌera, sacerdoterã nokꞌorãbara, pʉwʉrʉ nokꞌorãbara izhira orrasidꞌa miã ũrãgꞌa nʉmʉne, mobe mawũãsidꞌa: ¿Kꞌaiba obi bꞌʉ bʉa obꞌʉra? ¿Kꞌaiba diasi kꞌãwũã zarea nʉmaĩrã?

Mateo 7:29

Aramaʉ̃ne ãzhira ũrãgꞌa nʉmasia miã ũrãgꞌaita zarea bꞌʉba, mawũẽ miã ũrãgꞌa ẽbasia ũrãgꞌa Moisédꞌe jarabada kĩrãkꞌara.

Hechos 4:5

Nrũẽma Jerusalénne zhi jʉresidꞌa nokꞌorãta ũrãgꞌa Moisédꞌe jarabada bawara.

Juan 18:3

Mawũẽ Judabara jʉre edesia soldaorãta, Daizeze de akʉbadata, maʉ̃rã zokꞌasidꞌa sacerdoterã nokꞌorãba, fariseorãba, aramaʉ̃ne mama erbuesia ĩbĩrãẽna, kuchoedꞌa.

Juan 8:3

Maʉ̃ne ũrãgꞌa Moisédꞌe jarabadaba fariseorã bawarauba wũẽrãta izhima wesidꞌa kĩma ẽãta erukꞌãĩ nʉmʉta burudꞌape, mobe miõ ẽsadra kꞌobꞌʉdꞌape,

Juan 7:32

Fariseorãbara ũrĩsidꞌa zhãrã Jesú ʉ̃rʉ̃ mawũã bedꞌea jirpanʉta, mawũẽ sacerdoterã nokꞌorãbara, fariseorã bawarauba Daizeze de akʉbadata zokꞌasidꞌa jidadꞌamarẽã.

Juan 3:10

Mawũãĩ Jesúsbara panaʉ̃ mawũãsia: ¿Bʉra Israel bꞌeta ũrãgꞌabarita maʉ̃ sãwũãta kꞌawua ẽka?

Lucas 23:10

Maʉ̃nerã sacerdoterã nokꞌorãta, ũrãgꞌa Moisédꞌe jarabadata kꞌopanasia biodꞌe ji kꞌobꞌeta.

Lucas 20:19

Sacerdoterã nokꞌorãbara ũrãgꞌa Moisédꞌe jarabadabara aramaʉ̃ta jida krĩñasidꞌa mawũã ne jarabʉrʉbara ãzhita jarabʉrʉta kꞌawuabʉdaba. Mawũãmina wawiasidꞌa zhãrãta.

Marcos 8:31

Jesúsbara jarakꞌasia izhi Beubari Bape bꞌʉra biodꞌe zuburiai barata, seribidꞌa ẽbaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Mateo 27:1

Ʉ̃nadrʉbʉrʉdꞌera jõma sacerdoterã nokꞌorãta nokꞌorã pʉwʉrʉdꞌebemata Jesú ʉ̃rʉ̃ bedꞌeasidꞌa chãbꞌaridꞌaita beadꞌamarẽã.

Mateo 26:47

Jesús wadꞌi bedꞌea kꞌobꞌʉdꞌe izha doce jʉrʉkuadꞌadꞌebemata Judata zesia, izhi bawara zhãrã bio zesidꞌa kuchoedꞌa bakuruedꞌa, maʉ̃rã zokꞌasidꞌa sacerdoterã nokꞌorãba, nokꞌorã pʉwʉrʉdꞌebemaba.

Mateo 26:3

Maʉ̃nerã sacerdoterã nokꞌorãta, ũrãgꞌa Moisédꞌe jarabadata, nokꞌorã pʉwʉrʉdꞌebemata zhi jʉresidꞌa sacerdote wagꞌauta Caifás abada drogꞌoadꞌe.

Mateo 21:15

Sacerdoterã nokꞌorãba, ũrãgꞌa Moisédꞌe jarabadaba mawũã biata obꞌʉta ũdubʉdadꞌera warrarãbara Daizeze dedꞌa ewara maẽ nemi jĩgua mawũãsidꞌa: ¡Ibia jaradꞌaya rey Davidꞌeba urura! Mawũãnaĩ kĩrũbʉdaba,

Mateo 13:52

Mawũãnaĩ izhara mawũãsia: Moisédꞌe ũrãgꞌa zõrãta jarabarita bꞌeba Daizezeta Nokꞌodꞌebemata ũrãgꞌa zhiwidꞌita kꞌawabʉdara de zhibari kĩrãkꞌa bꞌʉa, ne biata izhidꞌe maẽbara erbꞌaribaria ne zhiwidꞌita ne zhi zõrãta.

Mateo 2:3

Maʉ̃ta ũrĩpe rey Herodera bĩ ẽãsia Jerusalénne bꞌe bawara.

Mateo 2:5

Mawũẽ ãzhara mawũãsidꞌa: Belén pʉwʉrʉdꞌe toya Judea druadꞌe. Maʉ̃ẽnabemata zhi bꞌʉmata Daizezeba bedꞌeata jarabibariba mawũãsia: