Mateo 18:8 - Porciones del Nuevo Testamento

⁸ Maʉ̃ba bʉ juwuaba o bʉ jẽrũba bʉta kꞌazhiruadꞌe bꞌaebiidꞌebema orãrũã, aramaʉ̃ne bꞌʉatukuape bʉdꞌebara pepekuabʉrʉkꞌarua. Audre biga Daizeze ũme bꞌai jõ ẽã maẽ edꞌa wãĩta juwua abꞌa o jẽrũ abꞌa bꞌʉta, juwua ũme jẽrũ ũme bꞌʉta bꞌaribuedꞌai kꞌãñabara tebʉ kikꞌadꞌe.

Mateo 18:8 Referans Kwoze

Romanos 13:12

Diamase nʉmʉta ʉ̃nadrʉ bodꞌo kĩrãkꞌa ẽdrʉi ewarira kꞌaita basia. Maʉ̃ba bia ẽãta pãrĩguadꞌebemata obadara idu bꞌʉdꞌaya, bia ẽã ũme zhõĩta soldaorã kĩrãkꞌa ne jʉ̃bʉdara biata oita jʉ̃naña ʉ̃nanebemata.

Lucas 14:33

Aramaʉ̃ kĩrãkꞌa baridu marãnebemata bia krĩchape ne jõma kenabꞌari ẽbʉrʉ mʉ pẽwã bꞌʉta bꞌʉ ẽã.

Mateo 25:46

Maʉ̃rã wãña zuburiata jõ ẽãma, waya biata bꞌera wãña Daizeze ũme bꞌai jõ ẽãma.

Mateo 25:41

Mobebʉrʉ mʉãrã juwua ãkꞌaare kꞌobꞌea mawũãña: Marã ãĩ wãũdua mʉ maẽbara, marã Daizezeba bia edabʉrʉ ẽãrã wãũdua tebʉ kikꞌama, tebʉra zhi aribꞌaemata nʉmʉã ãtõmiãĩta izhi ángelerãĩta.

Lucas 16:24

Mawũẽ izhara nemi jĩgua mawũãsia: Zeze Abraham, mʉrã sozuburiarua, Lázarota zokꞌadua juwua jĩwĩni baniãne ũ edape mʉ kĩrãme kũrãdrʉdꞌe zemarẽã. Mʉrã zuburia nʉmʉã naʉ̃ tebʉdꞌe.

Mateo 17:27

Mawũãmina bĩ ẽã duana ẽbamarẽã wãrũã do jedꞌea õbꞌʉidꞌu, mobe bꞌeda gadua, bʉa bꞌeda naara jiraedabʉrʉta itoebꞌaribʉrʉdꞌe yedꞌa ũduya platata, maʉ̃ta jiraedape maʉ̃ba pagꞌadua impuesto mʉrẽta bʉreta.