Mateo 18:19 - Porciones del Nuevo Testamento

¹⁹ Dewara mʉã marãã jaraya, marãnebemata ũme naʉ̃ druadꞌe krĩcha abꞌarika zedꞌape ne bariduta widꞌidꞌara, aribꞌaeya mʉ Zeze ʉ̃tre bꞌʉbara.

Mateo 18:19 Referans Kwoze

Mateo 7:7

Daizezea ne widꞌiudua, mawũãrã marãã diaya. Ne widꞌi bꞌeba jʉrʉudua, mawũãrã ũdudꞌaya. Ne widꞌi bꞌeba trʉ̃ũdua, mawũãrã jigaita puerta ewaya.

Marcos 11:24

Maʉ̃ba mʉã marãã jaraya, jõma marãba widꞌibʉdara zhiwidꞌi soidꞌu kꞌobꞌeaudua jidadꞌaita, mawũãrã marãma zeya.

Juan 16:23

Maʉ̃ ewadera marãbara mʉãã widꞌidꞌa ẽã miã kꞌãrẽta. Mʉã wãrĩnu marãã jaraya, jõma kꞌãrẽ mʉ Zezea mʉneba widꞌibʉdara izha marãã diaya.

Mateo 21:22

Jõma marãba widꞌibʉdara zhiwidꞌi soidꞌu kꞌobꞌebʉrʉ jidadꞌaya.

Juan 15:7

Mʉ ũme bꞌebʉrʉ, mʉ bedꞌeata aribꞌae bꞌebʉrʉ widꞌiudua jõma mazha krĩñata, mʉã marãã diaya.

Hechos 12:5

Aramaʉ̃ne Pedrora akʉ bara bꞌesia cárceldꞌe. Mawũãmina mebẽrã Daizezea zhiwidꞌi taudꞌa ẽbasia izhibari.

Juan 15:16

Mʉta marãba jʉrʉdꞌa ẽbasia, awuarabʉrʉ mʉã marãta jʉrʉkuasia, aramaʉ̃ne mʉã marã duanusia wãnape mʉ Zezeba krĩñata obꞌeamarẽã, jipa maʉ̃trʉ obꞌeamarẽã. Mawũãrã jõma kꞌãrẽ mʉ Zezea mʉneba widꞌibʉdara izhara marãã diaya.

Hechos 1:14

Maʉ̃rãta baridua ãba zhiwidꞌi duanasia wũẽrãrã bawara, Jesús papa María bawara, Jesús mebẽrã bawara.

Mateo 5:24

bʉa ne webʉrʉra mama altar maẽ ãmaẽdua, mobe wãpe naara bʉzhi mebeata ibiadꞌe odua, mobebʉrʉ zepe bʉa ne wedꞌara Daizezea diadua.

Hechos 6:4

Waya daira zhiwidꞌi bꞌeaya, Daizeze bedꞌeata jara bꞌeaya.

Hechos 16:10

Kꞌãĩmokꞌaradꞌe kĩrãkꞌa mawũã ũdui, aramaʉ̃ta kĩrãrã wãnaĩne basia Macedonia druaedꞌa, aramaʉ̃ne wãrãne kꞌawuasidꞌa daira Daizezeba trʉ̃bʉrʉta maʉ̃rãã jaradꞌamarẽã Jesúsdꞌebema bedꞌea biata.