Mateo 17:18 - Porciones del Nuevo Testamento

¹⁸ Mobebʉrʉ Jesúsbara jaira kẽãsia, mawũẽ jaira ẽdrʉsia kũrãnebara, izhira aramaʉ̃ta bꞌesia.

Mateo 17:18 Referans Kwoze

Mateo 9:22

Maʉ̃ne Jesúsbara pʉrʉwa akʉpe mawũãsia: Wũẽrã bʉra wãniguarua, bʉra soidꞌu kꞌobꞌʉba ẽdrʉbʉrʉa. Maʉ̃ wũẽrã bꞌesia aramaʉ̃ta.

Hechos 16:18

Maʉ̃ kꞌaudꞌa bꞌasia ewari bio. Mawũẽ Pablora bĩ ẽãpe pʉrʉwape jaia mawũãsia: Mʉã bʉaa jaraya, Jesucristo trʉ̃neba ãĩ wãrũã kꞌãʉ̃ wũẽrãnebara. Mawũãĩ ãĩ wãsia aramaʉ̃ta.

Lucas 9:42

Kũrãta urudꞌera jaibara bꞌaebipe abꞌaedꞌa wawabisia. Mawũãmina Jesúsbara jaira kẽãsia, aramaʉ̃ne kũrã bꞌebipe diasia zhi zezea.

Lucas 8:29

Mawũã bedꞌeasia Jesúsbara jaira ãĩ wãmarẽã jara kꞌobꞌʉba maʉ̃nebara, ewari dããrã basia jaibara zuburia erunʉmʉta. Izhira cadenaba jʉ̃ bazhidꞌa jẽrũta juwuata, mawũãmina cadena tʉdꞌʉzoabipe jaibara wãbi bꞌasia drua drudrua tabꞌeidꞌu.

Marcos 5:8

Izhi mawũã bedꞌeaira Jesúsbara mawũãsia: Kꞌãʉ̃nebara ãĩ wãrũã jai.

Marcos 1:34

Maʉ̃nerã bio bꞌebikuasia ne kĩrãtõnoãba kꞌaya bꞌeta, zhãrãnebara jaira bio ãĩ jʉrekuasia. Jaira bedꞌeabiga ẽbasia izhira kꞌaita kꞌawua bꞌe baera.

Mateo 15:28

Mawũãĩ Jesúsbara panaʉ̃ mawũãsia: Wũẽrã, bʉra kꞌãbãẽã soidꞌu kꞌobꞌʉdꞌeba aribꞌae nʉmaẽdaya bʉa krĩñane. Izhi kꞌaura bꞌesia aramaʉ̃ta.

Mateo 12:22

Jesúsma wesidꞌa jai abꞌʉta daʉbꞌerrea nemi ze ẽã bꞌʉta. Mawũẽ bꞌebibʉrʉba daʉbꞌerrea nemi ze ẽã bꞌadꞌara ne ũdu bedꞌeasia.

Lucas 4:41

Jaisidꞌa zhãrã biodꞌeba ãĩ wãbʉdata nemi jĩgua mawũãsidꞌa: ¡Bʉra Daizeze Warra! Mawũãmina izhara kẽãkuasia, aramaʉ̃ne bedꞌeabiga ẽbasia kꞌawua bꞌeba izhira zhãrã Ẽdrʉbita.

Mateo 17:17

Mawũãĩ Jesúsbara panaʉ̃ mawũãsia: ¡Marã soidꞌu duanu ẽãta bia ẽãta bꞌea! ¿Mʉrã sõmbeedꞌa marã bawara bꞌaipe? ¿Mʉãrã sõmbeedꞌa zrogꞌa nʉmaĩpe? Weudua naĩnu.

Mateo 17:19

Mawũẽ izha jʉrʉkuadꞌabara Jesús orradꞌape dobꞌaʉa widꞌi mawũãsidꞌa: ¿Daibara kꞌãrẽneba ãĩ jʉreta bꞌedꞌa ẽbasi?