Mateo 16:3 - Porciones del Nuevo Testamento

³ Waya diapedꞌara mawũãbada: Idꞌira nangu baya bãjãrã purba jãrãtouga nʉmʉã. ¡Sewakꞌau bꞌea, marãbara bãjãnebema sãwũãta kꞌawua bꞌea, mawũãmina ũdudꞌakꞌata idꞌidꞌe mʉã onʉmʉrã sãwũãta kꞌawua bꞌedꞌa ẽã!

Mateo 16:3 Referans Kwoze

Lucas 12:56

¡Sewakꞌau bꞌea! Marãbara sãwũãta kꞌawua bꞌea bãjãnebemata, druadꞌebemata, ¿maʉ̃ta kꞌãrẽneba sãwũãta kꞌawuadꞌa ẽpe ũdudꞌakꞌata mʉã onʉmʉrã idꞌidꞌe?

Lucas 13:15

Mawũãĩ Nokꞌo Jesúsba panaʉ̃ mawũãsia: Sewa bibaʉta bꞌarãrũã, ¿marãbara mazhi pakꞌa, mazhi burro kꞌorradꞌe bꞌeta ẽnape edebada ẽka baniã dobidꞌe ẽnaʉ̃bada ewade?

Mateo 11:5

Daʉbꞌerrea bꞌera ne ũdu tupudꞌea audua, wã bꞌe ẽã bꞌera wã tupudꞌea, aidꞌaba kꞌaya bꞌera nene ẽã tupudꞌea, ne ũrĩ ẽã bꞌera ne ũrĩ tupudꞌea, beudꞌapeadꞌara piradrʉ tupudꞌea, zuburia bꞌea jara bara bꞌʉa ẽdrʉdꞌaidꞌebemata bedꞌea biata.

Lucas 11:44

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Mawũẽ beuwãrã jou nʉmeta ũdudꞌa ẽkĩrãkꞌa bꞌea, mitiata ʉ̃rʉ̃ nebʉdata zhãrãba kꞌawuadꞌa ẽkĩrãkꞌa bꞌea.

Mateo 23:13

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba Daizezeta Nokꞌodꞌebemanerã zhãrã idu edꞌa wãbidꞌa ẽã. Miã mazhisidꞌa edꞌa wãna ẽã, aramaʉ̃ne edꞌa wãbidꞌa ẽã zhi edꞌa wã krĩñabʉdara.

Mateo 22:18

Jesúsbara kꞌawuasia ãzhara bĩ ẽã oita kꞌobꞌeta, mawũẽ mawũãsia: ¿Mʉrã kꞌãrẽã wãẽãbidꞌaita kꞌopanʉ marã sewa bibaʉta bꞌebara?

Mateo 15:7

Marã sewa bibaʉta bꞌea, bia marãẽnabemata Daizezedꞌeba Isaíabara mawũãsia:

Mateo 7:5

¡Sewa bibaʉta bꞌarãrũã! Bakuru bʉ dabʉdꞌe pẽũ nʉmʉta naara ãĩ bꞌʉdua, mawũãtrʉ bia ũduya bʉ mebea dabʉdꞌe ne jarra kꞌobꞌʉta aubꞌariita. (Aramaʉ̃ kĩrãkꞌa bʉa kꞌazhirua obꞌʉta naara idu bꞌʉdua, mobedꞌeba zhãrã kꞌareba bꞌeya.)

Mateo 4:23

Aramaʉ̃ne Galilea drua jõma Jesús pʉrrʉa wãbʉrʉta de zhi jʉrebadata nʉme maẽ miã ũrãgꞌa wãsia, bedꞌea biata jarakꞌa wãsia Daizezeta Nokꞌodꞌebemata. Kꞌaya bꞌeta, pua bꞌeta jõma bꞌebi wãsia pʉwʉrʉ tabꞌe maẽ.