Mateo 16:24 - Porciones del Nuevo Testamento

²⁴ Mobebʉrʉ Jesúsbara izha jʉrʉkuadꞌaa mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu mʉrã pẽwãdua.

Mateo 16:24 Referans Kwoze

Mateo 10:38

Iabꞌaʉba bebudꞌe basiidꞌu mʉta pẽwã ẽbʉrʉ mʉrẽta bꞌaidꞌe bꞌʉ ẽã.

Lucas 14:27

Iabꞌaʉba bebudꞌe basiidꞌu mʉta pẽwã ẽbʉrʉ mʉ pẽwã bꞌʉta bꞌʉ ẽã.

Marcos 10:21

Mawũãĩ Jesúsbara ibiadꞌe akʉpe mawũãsia: Bʉara ne abꞌa aribꞌaeita wãẽã bꞌʉa. Mawũẽ wãpe, bʉzha ne erubꞌʉta jõma nendope, platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua bebudꞌe basiidꞌu.

Marcos 8:34

Mawũãpe zhãrãta izha jʉrʉkuadꞌa bawara trʉ̃pe mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu mʉrã pẽwãdua.

Hechos 14:22

Maʉ̃zara wãnigua bꞌeamarẽã jarasidꞌa Jesúsdꞌebema ĩjã bꞌea, aramaʉ̃ne soidꞌu bꞌeamarẽã ũrãgꞌa mawũãsidꞌa: Ne biodꞌe zuburiai bara dazhi edꞌa wãĩrã Daizezeta Nokꞌota bꞌʉ maẽ.

Juan 19:17

Jesúsbara izhi cruz ataupe wãsia Buru Bꞌʉwʉrʉ abadaidꞌu, hebreo bedꞌeadꞌera Gólgota abada.

Mateo 27:32

Jerusalénneba ãĩ wãbʉdadꞌera ũdusidꞌa Cirene pʉwʉrʉdꞌebemata Simón abadata, maʉ̃ã zareadꞌe ataubisidꞌa Jesúsba cruz a wãta.

Marcos 15:21

Maʉ̃ne Cirene pʉwʉrʉdꞌebemata Simónta Alejandroba, Rufoba ãzhi zezeta meã bꞌadꞌata taidꞌe zareadꞌe ataubisidꞌa Jesúsba cruz a wãta.

Lucas 23:26

Edebʉdadꞌera Simón Cirene pʉwʉrʉdꞌebemata jidasidꞌa meã bꞌadꞌata taita, mobe cruzta ataubisidꞌa edemarẽã Jesús kꞌaidꞌu.

Juan 21:19

Maʉ̃bara Jesúsbara jara krĩñasia Pedro sãwũã beuita, aramaʉ̃ne kꞌawuabigaita Daizeze zhi zromata. Maʉ̃ jarape mawũãsia: Mʉrã pẽwã bꞌadua.

Juan 21:22

Mawũãĩ Jesúsbara mawũãsia: Naʉ̃ mʉ zeyeedꞌa bꞌaita mʉã krĩñabʉrʉ, ¿bʉa sãwũãĩpe? Bʉra mʉta pẽwã bꞌadua.