Mateo 15:36 - Porciones del Nuevo Testamento

³⁶ Mobebʉrʉ jiraedasia pan sieteta, bꞌeda zakerãta, mobe Daizezea zhibia jipe bꞌʉekuape diasia izha jʉrʉkuadꞌaa, mawũẽ izha jʉrʉkuadꞌabara jedꞌekasidꞌa kꞌabanata kꞌobꞌea.

Mateo 15:36 Referans Kwoze

Romanos 14:6

Ewarita zhi wuagꞌa bꞌʉbara Daizezeita obꞌʉa. Ewarita zhi wuagꞌa ẽãbara Daizezeita o ẽã. Ne jõma kꞌo bꞌʉbara Daizezeita kꞌo bꞌʉa zhibia ji bꞌʉba Daizezea. Ne jõma kꞌo ẽãbara Daizezeita kꞌo ẽãta abꞌarika zhibia ji bꞌʉa Daizezea.

Lucas 22:19

Mobebʉrʉ pan jiraedape maʉ̃bari Daizezea zhibia jipe bꞌʉape dedꞌekabʉrʉta mawũãsia: Naʉ̃ mʉ kꞌakuata marãbari chãbꞌariya, naʉ̃ta kꞌãwũã o bꞌeaudua mʉta krĩchabʉdata.

Hechos 27:35

Mawũãpe pan jiraedape jõmaʉ̃ kĩrãbita Daizezea zhibia jipe bꞌʉape kꞌosia.

Juan 6:11

Mobebʉrʉ Jesúsbara maʉ̃ pan jiraedape Daizezea zhibia jipe bꞌʉekuape diasia izha jʉrʉkuadꞌaa, mawũẽ izha jʉrʉkuadꞌabara jedꞌekasidꞌa jewedꞌa kꞌobꞌea, bꞌedasidꞌa abꞌarika osia ãzha kꞌobʉdadꞌe kꞌodꞌamarẽã.

Juan 6:23

Maʉ̃ne jãba awʉrʉta Tiberia pʉwʉrʉdꞌeba zesidꞌa, Jesúsba Daizezea zhibia jipe pan kꞌodꞌapeadꞌa kꞌaita.

Lucas 24:30

Ãzhi bawara nekꞌoita jewedꞌabʉrʉdꞌera pan jiraedape maʉ̃bari Daizezea zhibia jipe bꞌʉape dedꞌekasia.

Lucas 22:17

Mobebʉrʉ vino copadꞌe jiraedape maʉ̃bari Daizezea zhibia jipe mawũãsia: Naʉ̃ta doudua, mazhirãĩnu jedꞌeka doudua.

Mateo 14:19

Mobebʉrʉ poajãrã ʉ̃rʉ̃ zhãrã jewedꞌabigape pan juesomata bꞌeda ũmeta jiraedape ʉ̃taa akʉ zhiwidꞌipe pan bꞌʉekuape diasia izha jʉrʉkuadꞌaa, mawũẽ izha jʉrʉkuadꞌabara jedꞌekasidꞌa kꞌabanata kꞌobꞌea.

Mateo 15:35

Mawũãnaĩ kꞌabanata kꞌobꞌea jarasia jewedꞌa duanemarẽã egorodꞌe.