Mateo 15:29 - Porciones del Nuevo Testamento

²⁹ Jesús mamaʉ̃bara doyaa wãsia Galilea dota jedꞌea õbꞌʉidꞌu. Mobe kꞌatumaĩnu wãrĩzepe mama jewedꞌasia.

Mateo 15:29 Referans Kwoze

Mateo 4:18

Galileadꞌebemata do jedꞌea õbꞌʉ doya Jesús taidꞌe, ũme mebẽrãta panʉta ũdusia, abꞌa Simónta Pedro basia, zhi mebea Andrés basia. Do jedꞌea õbꞌʉ maẽ atarrayata bꞌari panasia bꞌeda beamiãta panasi baera.

Juan 6:1

Maʉ̃ tẽã Jesús kĩrãrã wãsia Galilea dota jedꞌea õbꞌʉdꞌe, maʉ̃ dora abꞌaʉta Tiberia abada.

Mateo 5:1

Kꞌabanata ũdupe Jesús kꞌatuma zakeidꞌu wãrĩzepe jewedꞌabʉrʉdꞌe orrasidꞌa izha jʉrʉkuadꞌabara.

Juan 21:1

Maʉ̃ tẽã izha jʉrʉkuadꞌaa Jesús wakusa zhi ũdubisia do jedꞌea õbꞌʉta Tiberia abada doya. Maʉ̃nerã kꞌãwũã berabꞌarisia:

Juan 6:23

Maʉ̃ne jãba awʉrʉta Tiberia pʉwʉrʉdꞌeba zesidꞌa, Jesúsba Daizezea zhibia jipe pan kꞌodꞌapeadꞌa kꞌaita.

Lucas 5:1

Ewari abꞌa Jesús bꞌʉta Genesaret dota jedꞌea õbꞌʉ doya bꞌʉdꞌe, izhira kꞌabanaba pẽũsua erubarabꞌesia Daizeze bedꞌeata ũrĩnaĩ kꞌarea.

Marcos 1:16

Galileadꞌebemata do jedꞌea õbꞌʉ doya Jesús taidꞌe ũdusia Simónta, zhi mebea Andrésta. Do jedꞌea õbꞌʉ maẽ atarraya bꞌari panasia bꞌeda beamiãta panasi baera.

Mateo 13:2

Maʉ̃ne zhãrãbara bioba bʉredrʉsidꞌa, mawũẽ izhira jãbadꞌe edꞌa wãpe jewedꞌasia. Aramaʉ̃ne zhãrã jõma ibudꞌe nʉmesia.