Mateo 14:27 - Porciones del Nuevo Testamento

²⁷ Aramaʉ̃ta Jesúsbara mawũãsia: ¡Wãniguaudua, mʉta taia, perarãũdua!

Mateo 14:27 Referans Kwoze

Juan 16:33

Mʉã maʉ̃ta marãã jarabʉrʉa mʉneba adu-a bꞌeamarẽã. Naʉ̃ ẽjũãnerã marã zuburiaya, mawũãmina wãnigua bꞌeaudua, mʉã edre bꞌaebisia ãtõmiã zareata ẽjũãne nʉmʉrã.

Hechos 23:11

Maʉ̃ diamase Nokꞌo Jesús zhi ũdubipe mawũãsia: Pablo, wãniguarua, Jerusalénne bʉa mʉnebemata jarabʉrʉ kĩrãkꞌa kꞌãwũã jaraibara Romanebidꞌa.

Juan 6:20

Maʉ̃ne izhara mawũãsia: Mʉta taia, perarãũdua.

Mateo 17:7

Mawũẽ Jesúsbara orrape ãzhi tõbꞌaripe mawũãsia: Pirabꞌariudua, perarãũdua.

Mateo 9:2

Maʉ̃ne kꞌakua pira ẽã kꞌaya bꞌʉta izhima wesidꞌa jirabꞌadꞌe. Ãzhi soidꞌu kꞌobꞌeta Jesúsba ũdui kꞌakua pira ẽã kꞌaya bꞌʉa mawũãsia: Wãniguarua, bʉra kꞌazhiruata biodꞌebara mʉãrã bedꞌea ne ẽã bꞌidꞌapʉa.

Lucas 1:30

Mawũẽ ángelbara mawũãsia: María perarãrũã, bʉra Daizezeba bia edabʉrʉa.

Lucas 1:13

Mawũãmina ángelbara mawũãsia: Zacaría perarãrũã, bʉ zhiwidꞌi bꞌʉra Daizezebara ũrĩsia. Mawũẽ bʉ kĩma Elisawebara wũãwũã zhũmakĩrãta toya, maʉ̃ bʉara trʉ̃ga bꞌʉdua Juanta.

Mateo 28:10

Maʉ̃ne Jesúsbara mawũãsia: Perarãũdua, wãnape mʉ mebẽrãã jaraudua Galileaedꞌa wãnamarẽã, mʉrã maĩnu ũdudꞌaya.

Lucas 2:10

Mawũãmina ángelbara mawũãsia: Perarãũdua, kꞌãbãẽã sobiaidꞌebemata mʉã marãã bedꞌea biata jaraya zhãrã jõmaʉ̃ĩtabemata.

Mateo 14:28

Mawũãĩ Pedroba panaʉ̃ mawũãsia: Nokꞌó, bʉta taibʉrʉ mʉta bʉma wãbirua do ʉ̃rʉ̃.

Mateo 28:5

Maʉ̃ne ángelbara wũẽrãrãã mawũãsia: Marã perarãũdua, mʉãrã kꞌawua bꞌʉa marãbara jʉrʉ panʉta Jesús cruzdꞌe kꞌachidꞌapeadꞌata.

Marcos 6:50

Jõmaʉ̃ba ũdubʉdaba perasidꞌa. Mawũẽ aramaʉ̃ta ãzhi ũme bedꞌeabʉrʉta mawũãsia: ¡Wãniguaudua, mʉta taia, perarãũdua!

Lucas 5:10

Abꞌarika Jacobo Juan ũme perasidꞌa Zebedeo warrarãta, bꞌeda kꞌaudꞌa panʉta Simón bawarabemata panasia. Jesúsbara Simoũã mawũãsia: Perarãrũã, mʉnebemata ĩjãnamarẽã idꞌidꞌeuba bʉra zhãrã ũrãgꞌabarita bꞌaya.

Lucas 12:32

Marã kꞌabana ẽmina perarãũdua, Daizezebara krĩñasia marãã diaita izhita Nokꞌodꞌebemata.