Mateo 14:2 - Porciones del Nuevo Testamento

² Mawũẽ izha zokꞌa jʉre bꞌʉa mawũãsia: Maʉ̃ mʉma Juan Burukꞌoemiãta beudꞌata piradrʉbʉrʉa, maʉ̃neba mawũã ũdudꞌakꞌata okuaita zarea nʉmʉã.

Mateo 14:2 Referans Kwoze

Mateo 16:14

Mawũãĩ ãzhara mawũãsidꞌa: Ʉ̃kʉrʉbara jarabada bʉra Juan Burukꞌoemiãta, ʉ̃kʉrʉbara jarabada bʉra Elíata, ʉ̃kʉrʉbara jarabada bʉra Jeremiata, o jarabada bʉra Daizezeba bedꞌeata jarabibarirãta iabꞌaʉdꞌebemata.

Juan 10:41

Maʉ̃nerã bio izhima ze nʉmʉbara mawũã duanasia: Ũdudꞌakꞌara Juanbara o ẽbasia, mawũãmina naʉ̃ Jesúsdꞌebemata Juanba jaradꞌara jõma wãrĩnu basia.

Marcos 8:28

Mawũãĩ ãzhara panaʉ̃ mawũãsidꞌa: Ʉ̃kʉrʉbara jarabada bʉra Juan Burukꞌoemiãta, ʉ̃kʉrʉbara jarabada bʉra Elíata, ʉ̃kʉrʉbara jarabada bʉra Daizezeba bedꞌeata jarabibari bꞌeadꞌata iabꞌaʉta.

Mateo 11:11

Mʉã wãrĩnu marãã jaraya, wũẽrãba tobʉdara awʉrʉrã audre zhi zroma ẽã Juan Burukꞌoemiã kꞌãñabara. Mawũãmina Daizezeta Nokꞌodꞌebemata zhi zroma ẽãta bꞌʉra zhi zroma izhi kꞌãñabara.

Mateo 3:1

Jari ewadera Juan Burukꞌoemiã zepe Judea druadꞌe drua drudrua tabꞌʉ maẽ miã ũrãgꞌabʉrʉta,

Marcos 6:14

Rey Herodebara Jesús jarabʉdata ũrĩsia baridu maẽ trʉ̃poa nʉmʉba. Ʉ̃kʉrʉbara mawũãsidꞌa: Juan Burukꞌoemiã beudꞌata piradrʉbʉrʉa, maʉ̃neba ũdudꞌakꞌata okuaita zarea nʉmʉã.

Lucas 9:7

Rey Herodebara jõma ũrĩsia Jesúsba onʉmʉta, mawũẽ kꞌawua ẽã krĩcha bꞌasia. Ʉ̃kʉrʉbara mawũãsidꞌa: Juan beudꞌata piradrʉsia.