Mateo 13:22 - Porciones del Nuevo Testamento

²² Ne ta pobʉrʉdꞌe ʉrʉdꞌe bꞌaedꞌara Daizeze bedꞌeata ũrĩbarita maʉ̃ã. Mawũãmina naʉ̃ ẽjũãnebemata krĩcha nʉme bꞌʉa, aramaʉ̃ne sãwũã ne bio erubꞌaita krĩcha nʉmʉbara sewa bꞌʉba Daizeze bedꞌeata kenabꞌaribi bꞌʉa, aramaʉ̃ne zau eaba ẽã.

Mateo 13:22 Referans Kwoze

Lucas 8:14

Ne ta pobʉrʉdꞌe ʉrʉdꞌe bꞌaedꞌara Daizeze bedꞌeata ũrĩbadata maʉ̃ã. Mawũãmina sãwũã ne bio erubꞌeaita sãwũã bꞌʉsridꞌa bꞌeaita krĩcha nʉmeba kenabꞌari panʉã, mawũẽ zau eabadꞌa ẽã.

Lucas 12:15

Mawũãpe mawũãsia: Kĩrãkuita bꞌeaudua, ne wuaabʉrʉ krĩña bꞌearãũdua, beubarira bꞌʉ ẽã ne bio erubꞌʉba.

Mateo 13:7

Ʉ̃kʉrʉ bꞌaesia ʉrʉdꞌe, mawũẽ ʉrʉ waribʉrʉba ãnatʉ beasia.

Lucas 12:21

Aramaʉ̃ kĩrãkꞌa bꞌʉa izhikusaita ne bio eababi bꞌʉta, aramaʉ̃nerã bara bꞌʉ ẽã Daizezeitara.

Lucas 21:34

Mazhikusa kĩrãkuita bꞌeaudua, mazhi soba krĩñane bꞌearãũdua, ituaba beu bꞌearãũdua, naʉ̃ ẽjũãnebemata krĩcha bꞌearãũdua. Mobedꞌeba mʉrã aritiaudꞌe marã ʉ̃rʉ̃ ze ẽbaya jari ewadera.

Hechos 8:18

Maʉ̃ta Simónba ũdui, mawũã Jesúsba zokꞌakuadꞌaba juwua ʉ̃rʉ̃ bꞌʉkua Jawurebia diabʉdaba edaita plata dedꞌeka,

Mateo 12:32

Bariduta mʉ Beubari Bape bꞌʉta bĩ ẽã jaradꞌata zuburia bedꞌeara Daizezebara bedꞌea ne ẽã bꞌʉya. Mawũãmina Jawurebiama mitia bedꞌeabʉrʉra bedꞌea ne ẽã bꞌʉ ẽã, miã naʉ̃ ewade miã ewari tẽãbidꞌa.

Mateo 13:39

Zhi juraba chirua kꞌazhiruata podꞌara ãtõmiãta maʉ̃ã. Ne bꞌʉaira ewari nʉmʉ jõĩta maʉ̃ã, zhi ne bꞌʉadꞌaira ángelerãta maʉ̃ã.

Mateo 13:40

Chirua kꞌazhiruata ẽũkuadꞌape tebʉdꞌe babuebada kĩrãkꞌa berabꞌariya ewari nʉmʉta jõbʉrʉdꞌera.

Romanos 12:2

Naʉ̃ ẽjũãne bꞌedꞌe bꞌearãũdua, awuarabʉrʉ krĩcha zhiwidꞌidꞌe nʉmeba kĩrãẽpa bꞌeaudua, mawũãrã kꞌawuadꞌaya Daizezeba kꞌãrẽ krĩñata, jipa biata krĩñata.