Mateo 13:19 - Porciones del Nuevo Testamento

¹⁹ Daizezeta Nokꞌodꞌebemata iabꞌaʉba ũrĩbʉrʉdꞌe sãwũãta kꞌawua ẽbʉrʉ, ãtõmiã bia ẽãta zepe bedꞌeata izha ũrĩnata ãĩ eda bꞌʉa izhi sodꞌeba. Maʉ̃ã ne ta pobʉrʉdꞌe odꞌe bꞌaedꞌata.

Mateo 13:19 Referans Kwoze

Mateo 13:38

Druara ẽjũãne zhãrã bꞌeta maʉ̃ã, trigo ta zhi biara Daizezeta Nokꞌodꞌebemata bꞌeta maʉ̃ã, chirua kꞌazhiruara ãtõmiã bia ẽãneta bꞌeta maʉ̃ã.

Mateo 4:23

Aramaʉ̃ne Galilea drua jõma Jesús pʉrrʉa wãbʉrʉta de zhi jʉrebadata nʉme maẽ miã ũrãgꞌa wãsia, bedꞌea biata jarakꞌa wãsia Daizezeta Nokꞌodꞌebemata. Kꞌaya bꞌeta, pua bꞌeta jõma bꞌebi wãsia pʉwʉrʉ tabꞌe maẽ.

Romanos 1:28

Mawũã bꞌebara Daizezedꞌebema kꞌawua krĩñana ẽãba Daizezebara chãbꞌarikuasia ãzhi krĩchara bia ẽãta nʉmeã, ãzhi kꞌawua odꞌamarẽã kꞌãrẽ o ẽbai bꞌʉta.

Romanos 14:17

Daizezeta Nokꞌodꞌebemata nʉmaĩrã zhikodꞌeba kꞌãrẽ dobadadꞌeba nʉma ẽã, awuarabʉrʉ maʉ̃ne nʉmaña kĩrãẽpa bꞌʉdꞌeba, adu-a bꞌʉdꞌeba, sobia bꞌʉdꞌeba Jawurebiadꞌeba.

Romanos 2:8

Mawũãmina kĩrũ pua kꞌawua oya ãzha krĩñata obꞌeba aribꞌaedꞌa ẽãrã bedꞌea izhidꞌe wãrãta, awuarabʉrʉ obꞌera bia ẽãta.

Hechos 28:23

Sõmbedꞌe zedꞌaita ewarita bꞌʉdꞌape zhãrã bio Pabloma zesidꞌa izhi bꞌʉ maẽ. Daizezeta Nokꞌodꞌebemata maʉ̃rãã bia jarasia diapedꞌauba kewaraedꞌa. Aramaʉ̃ne Jesúsdꞌebemata ĩjãbigayidꞌe bꞌasia Moisé ũrãgꞌadꞌe jara bꞌʉdꞌeba, Daizezeba bedꞌeata jarabibarirãba jaradꞌapeadꞌadꞌeba.

Hechos 20:25

Mʉãrã kꞌawua bꞌʉa kꞌãwũãnaba mʉã Daizezeta Nokꞌodꞌebemata jara berabꞌari bꞌʉ maẽ marã jõmaʉ̃ba miõba wueta ũdudꞌa ẽbaya mʉ kĩrã.

Hechos 18:15

Mawũãmina bari bedꞌea baera, trʉ̃ baera, mazhi ũrãgꞌa baera, mazhabʉrʉ araa oudua. Mʉrã bedꞌea araa obarita kꞌobꞌa krĩña ẽã maʉ̃nebemanerã.

Hechos 17:32

Mawũã beudꞌata piradrʉdꞌata ũrĩbʉdadꞌera ʉ̃kʉrʉbara sewakꞌau bꞌʉa asidꞌa, waya dewaraurãbara mawũãsidꞌa: Daibara bʉ bedꞌeara tẽãne ũrĩnaña maʉ̃nebemata wakusa.

Juan 18:38

Mawũãĩ Pilatobara mawũãsia: ¿Kꞌãrẽpe wãrã? Mawũãpe wakusa wãsia judíorãma, mobe mawũãsia: Mʉma naʉ̃ bedꞌea ne ẽã.

Juan 8:43

¿Marãbara kꞌãrẽneba sãwũãta kꞌawuadꞌa ẽpe mʉã jara bꞌʉra? Kꞌawua ẽã bꞌea mʉ bedꞌeara ũrĩ krĩña ẽã bꞌeba.

Lucas 10:9

Kꞌayata mama bꞌera bꞌebiudua, mobe mawũãũdua: Marã kꞌaita basia Daizezeta Nokꞌodꞌebemata.

Lucas 9:2

Mobebʉrʉ jaradꞌe zokꞌakuasia Daizezeta Nokꞌodꞌebemata, aramaʉ̃ne bꞌebidꞌamarẽã kꞌayarãsidꞌa.

Marcos 4:15

Ne ta pobʉrʉdꞌe odꞌe bꞌaedꞌara Daizeze bedꞌeata ũrĩbadata maʉ̃ã. Mawũãmina ũrĩpe duanebʉdadꞌera ãtõmiãta zepe bedꞌeata ãzha ũrĩnata ãĩ eda bꞌʉa ãzhi sodꞌeba.

Mateo 5:37

Kꞌãrẽta marãba odꞌaibʉrʉ ãjãne audua, odꞌa ẽbʉrʉ ãjãne arãũdua. Ne ãmaña jarabʉrʉra bia ẽãneba ze bꞌʉta ãtõmiãneba ze bꞌʉa.

Mateo 12:26

Aramaʉ̃ kĩrãkꞌa ãtõmiãba jai izha jʉre nʉmʉta ãĩ jʉrekuara, ari izhidꞌebema bawara zhõ nʉmeña. ¿Mawũãrã sãwũã ari nokꞌota nʉmaĩpe?

Mateo 13:20

Ne ta pobʉrʉdꞌe mongꞌaradꞌe bꞌaedꞌara iabꞌaʉba Daizeze bedꞌeata ũrĩbarita maʉ̃ã, aramaʉ̃tara sobia ũrĩbaria.