Mateo 12:32 - Porciones del Nuevo Testamento

³² Bariduta mʉ Beubari Bape bꞌʉta bĩ ẽã jaradꞌata zuburia bedꞌeara Daizezebara bedꞌea ne ẽã bꞌʉya. Mawũãmina Jawurebiama mitia bedꞌeabʉrʉra bedꞌea ne ẽã bꞌʉ ẽã, miã naʉ̃ ewade miã ewari tẽãbidꞌa.

Mateo 12:32 Referans Kwoze

Marcos 3:29

Mawũãmina Jawurebiaba otabeta ãtõmiãba osia abʉrʉdꞌeba Jawurebiama mitia bedꞌeabʉrʉra Daizezebara bedꞌea ne ẽã bꞌʉ ẽã, awuarabʉrʉ jipa bedꞌeata bara bꞌʉya.

Juan 7:39

Mawũã dota jarabʉrʉra jarasia izhidꞌebemata ĩjãbʉdabara Jawurebiata jidadꞌaita, maʉ̃nerã wadꞌi ze ẽbasia Jawurebiara, wadꞌi Jesús ʉ̃taa wã ẽãba.

Hechos 3:19

Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta,

Lucas 12:10

Mʉ Beubari Bape bꞌʉta bĩ ẽã jaradꞌata zuburia bedꞌeara Daizezebara bedꞌea ne ẽã bꞌʉya. Mawũãmina Jawurebiama mitia bedꞌeabʉrʉra bedꞌea ne ẽã bꞌʉ ẽã.

Mateo 12:31

Maʉ̃ba mʉã marãã jaraya: Kꞌazhirua bio odꞌata mitia bedꞌeadꞌata zuburia bedꞌeara Daizezebara bedꞌea ne ẽã bꞌʉya zhãrã bꞌera. Mawũãmina Jawurebiama mitia bedꞌeabʉrʉra bedꞌea ne ẽã bꞌʉ ẽã.

Juan 7:12

Kꞌabanane edꞌara izhi ʉ̃rʉ̃rã biodꞌe bedꞌea jirpanʉta ʉ̃kʉrʉbara biata bꞌʉa aduanasia. Waya ʉ̃kʉrʉbara mawũã duanasia: Mawũã ẽã, awuarabʉrʉ zhãrãta sewa bꞌʉa.

Lucas 23:34

Maʉ̃nerã Jesúsbara mawũãsia: Zeze, bedꞌea ne ẽã bꞌʉkuadua ãzhara kꞌawuadꞌa ẽbaera kꞌãrẽ obꞌeta. Maʉ̃nerã soldaorãbara izhi wuara ãzhirãĩnu drasidꞌa sãwũã dradꞌaidꞌebemata odꞌape.

Marcos 10:30

idꞌi ewade ãmaña jidama cien jidaya deta, mebẽrã zhũmakĩrãrãta, nawekꞌaurãta, paparãta, warrarãta, druata. Baridua zuburia odꞌaimina mawũã jidaya, aramaʉ̃ne ewari tẽã nʉmaĩta zeidꞌera jidaya Daizeze ũme bꞌai jõ ẽãta.

Juan 7:52

Mawũãĩ panaʉ̃ mawũãsidꞌa: ¿Bʉsidꞌa Galileadꞌebemakꞌa? Daizeze bedꞌeata bia estudiadua, mawũãrã kꞌawuaya Galileadꞌebara piradrʉkꞌata Daizezeba bedꞌeata jarabibarira.

Lucas 7:34

Waya mʉ Beubari Bape bꞌʉta zedꞌara nekꞌo, vino do bꞌʉ baera nekꞌomiã, vino domiã abꞌea. Aramaʉ̃ne jara bꞌea zhibiata bꞌʉta rey Romanebemaĩta plata widꞌibada bawara dewaraurã kꞌazhirua omiãrã bawara.

Mateo 11:19

Waya mʉ Beubari Bape bꞌʉta zedꞌara nekꞌo vino do bꞌʉ baera ũmakĩrã naʉ̃ nekꞌomiã vino domiã abꞌea. Rey Romanebemaĩta plata widꞌibada bawara, dewaraurã kꞌazhirua omiãrã bawara zhibiata bꞌʉa abꞌea. Mawũãmina Daizeze krĩchara bigata kꞌawua nʉmeã izhidꞌebema ĩjã bꞌeta bia nʉmeba.

Mateo 13:55

¿Naʉ̃ ẽka de obari warrara? ¿Zhi papara María ẽka, zhi mebẽrã Jacobota, Joséta, Simónta, Judata duanu ẽka?

Mateo 8:20

Mawũãĩ Jesúsbara mawũãsia: Usa pã de bara bꞌʉa, ibanasidꞌa de bara bꞌʉa, mawũãmina mʉ Beubari Bape bꞌʉra ne ẽã sãma kꞌãĩ bꞌaira.

Mateo 12:8

Maʉ̃ẽnabema mʉ Beubari Bape bꞌʉra ewari ẽnaʉ̃bada Nokꞌoa.

Mateo 13:22

Ne ta pobʉrʉdꞌe ʉrʉdꞌe bꞌaedꞌara Daizeze bedꞌeata ũrĩbarita maʉ̃ã. Mawũãmina naʉ̃ ẽjũãnebemata krĩcha nʉme bꞌʉa, aramaʉ̃ne sãwũã ne bio erubꞌaita krĩcha nʉmʉbara sewa bꞌʉba Daizeze bedꞌeata kenabꞌaribi bꞌʉa, aramaʉ̃ne zau eaba ẽã.

Mateo 13:39

Zhi juraba chirua kꞌazhiruata podꞌara ãtõmiãta maʉ̃ã. Ne bꞌʉaira ewari nʉmʉ jõĩta maʉ̃ã, zhi ne bꞌʉadꞌaira ángelerãta maʉ̃ã.

Mateo 13:40

Chirua kꞌazhiruata ẽũkuadꞌape tebʉdꞌe babuebada kĩrãkꞌa berabꞌariya ewari nʉmʉta jõbʉrʉdꞌera.

Marcos 3:28

Mʉã wãrĩnu marãã jaraya, kꞌazhirua bio odꞌata ne baridudꞌe mitia bedꞌeadꞌata zuburia bedꞌeara Daizezebara bedꞌea ne ẽã bꞌʉya zhãrã bꞌera.

Lucas 16:8

Ne akʉbarita bia ẽãrã izhi nokꞌobara ibia jarasia mawũã kꞌãrẽ sãwũã oira bigaudꞌeba. Aramaʉ̃ne naʉ̃ ẽjũãne bꞌera zhãrã sãwũã edaira audre bigauta bꞌea Daizeze warrarã kꞌãñabara.

Lucas 18:30

idꞌi ewade audre jidaya, ewari tẽã nʉmaĩta zeidꞌera jidaya Daizeze ũme bꞌai jõ ẽãta.