Mateo 12:26 - Porciones del Nuevo Testamento

²⁶ Aramaʉ̃ kĩrãkꞌa ãtõmiãba jai izha jʉre nʉmʉta ãĩ jʉrekuara, ari izhidꞌebema bawara zhõ nʉmeña. ¿Mawũãrã sãwũã ari nokꞌota nʉmaĩpe?

Mateo 12:26 Referans Kwoze

Juan 16:11

Kꞌawuabigaya zhãrã Daizezebara kꞌawua oita, izhara ãtõmiã naʉ̃ ẽjũãne nokꞌora ya kꞌawua osi baera.

Juan 14:30

Ya mʉrã marã bawara bio bedꞌea ẽã ãtõmiãta uru baera naʉ̃ ẽjũãne nokꞌota, izhira zarea ne ẽã mʉ ʉ̃rʉ̃rã.

Juan 12:31

Arababʉrʉa Daizezebara kꞌawua okuaita naʉ̃ ẽjũãne bꞌera, arababʉrʉa ãtõmiã naʉ̃ ẽjũãne nokꞌota bꞌʉra Daizezebara ãĩ jʉretaita.

Mateo 4:10

Mawũãĩ Jesúsbara mawũãsia: Ãtõmiã wãrũã, maʉ̃ẽnabemata zhi bꞌʉmata mawũã bꞌʉa: Bʉ Nokꞌo Daizezetrʉ ibia jaradua, izhi bedꞌeatrʉ aribꞌaedua. (Deuteronomio 6:13)

Mateo 9:34

Waya fariseorãbara mawũãsidꞌa: Jai nokꞌo zareadꞌeba ãĩ jʉrekua bꞌʉa jaira.

Mateo 13:19

Daizezeta Nokꞌodꞌebemata iabꞌaʉba ũrĩbʉrʉdꞌe sãwũãta kꞌawua ẽbʉrʉ, ãtõmiã bia ẽãta zepe bedꞌeata izha ũrĩnata ãĩ eda bꞌʉa izhi sodꞌeba. Maʉ̃ã ne ta pobʉrʉdꞌe odꞌe bꞌaedꞌata.