Mateo 11:26 - Porciones del Nuevo Testamento

²⁶ Zeze, bʉma mawũã biga basia.

Mateo 11:26 Referans Kwoze

Romanos 9:18

Aramaʉ̃ne Daizezebara izha sozuburia krĩñata sozuburia bꞌʉa, bedꞌea ũrĩ ẽã zarea nʉmabi krĩñata zarea nʉmabi bꞌʉa.

Lucas 10:21

Maʉ̃ ewadera Jesús Jawurebiadꞌeba sobia mawũãsia: Zeze, mʉã bʉra ibia jaraya, bʉra ʉ̃trebema Nokꞌoa, drua Nokꞌoa, bʉ mawũã Nokꞌodꞌebema bʉara kꞌawuabi ẽbasia ãzhikusa krĩcha banata bꞌeara, awuarabʉrʉ kꞌawuabisia krĩcha bana ẽãta bꞌea. Zeze, bʉma mawũã biga basia.

Lucas 22:42

mawũãsia: Zeze, bʉma bigabʉrʉ mʉrã zuburiabirãrũã, mawũãmina aribꞌaerãrũã mʉã krĩñata, awuarabʉrʉ aribꞌaedua bʉzha krĩñata.

Lucas 23:34

Maʉ̃nerã Jesúsbara mawũãsia: Zeze, bedꞌea ne ẽã bꞌʉkuadua ãzhara kꞌawuadꞌa ẽbaera kꞌãrẽ obꞌeta. Maʉ̃nerã soldaorãbara izhi wuara ãzhirãĩnu drasidꞌa sãwũã dradꞌaidꞌebemata odꞌape.

Juan 11:41

Mobebʉrʉ beudꞌata bꞌʉdꞌapeadꞌa maẽbara mongꞌara ãĩ edasidꞌa. Mawũẽ Jesúsbara ʉ̃taa akʉ mawũãsia: Zeze, mʉã bʉaa zhibia jiya mʉã widꞌidꞌara bʉa ũrĩbʉrʉba.

Juan 12:27

Mʉrã sopua kꞌobꞌʉa. ¿Mʉãrã kꞌasia aipe? ¿Zeze mʉrã kꞌarebarua, mʉrã zuburiabirãrũã aika? Mawũãmina mʉrã zesia maʉ̃ kꞌarea.

Juan 12:28

Mawũẽ mʉãrã mawũãña: Zeze, bʉra zhi zromata ũdukꞌawabigarua. Maʉ̃ne Daizeze ʉ̃treba bedꞌeabʉrʉta mawũãsia: Mʉrã zhi zromata ũdukꞌawabiga bꞌʉta mʉãrã wakusa ũdukꞌawabigaya.