Mateo 10:19 - Porciones del Nuevo Testamento

¹⁹ Mawũãmina marãta nokꞌorãã chãbꞌaribʉdadꞌera sopuarãũdua sãwũã bedꞌeadꞌai kꞌareara, maʉ̃nerã Daizezeba marãã diaya sãwũã bedꞌeadꞌaita.

Mateo 10:19 Referans Kwoze

Lucas 12:11

De zhi jʉrebada nʉmeza marã webʉdata nokꞌorã bedꞌea araa obada kĩrãbita webʉdadꞌera, perarãũdua sãwũã panaʉ̃naĩ kꞌareara, o kꞌãrẽ jaradꞌai kꞌareara.

Mateo 6:31

Mawũẽ sopua mawũãrãũdua: ¿Kꞌãrẽta kꞌodꞌaipe, kꞌãrẽta dodꞌaipe, kꞌãrẽta jʉ̃naĩpe?

Mateo 6:25

Maʉ̃neba mʉã marãã jaraya: Sopuarãũdua mazhi bꞌaidꞌebema kꞌarea, kꞌãrẽta kꞌoidꞌe o kꞌãrẽta doidꞌe, miã mazhi kꞌakuaita kꞌãrẽta jʉ̃ĩne sopuarãũdua. ¿Dazhi bꞌʉra audre vale bꞌʉ ẽka zhiko kꞌãñabara, kꞌakuara audre vale bꞌʉ ẽka wua kꞌãñabara?

Hechos 6:10

Mawũãmina krĩchata poea bꞌedꞌa ẽbasia Jawurebiadꞌeba bedꞌea bꞌʉba.

Mateo 6:34

Mawũẽ ewari nubema kꞌarea sopuarãũdua, ewari nubemabara sopua nʉmaĩrã we bꞌʉa. Ewariza nʉmʉã bĩ ẽã sopua nʉmaĩrã.

Mateo 10:18

Nokꞌorã kĩrãbita, reyrã kĩrãbita marã ededꞌaya mʉ kꞌarea, aramaʉ̃ne marãbara mʉnebemata maʉ̃rãã jaradꞌaya, judíorã ẽãta bꞌeabidꞌa jaradꞌaya.

Lucas 12:12

Maʉ̃nerã Jawurebiaba marãã jaraya marãba kꞌãrẽ jaraira.