Biblia Todo Logo
Bib sou entènèt

- Piblisite -




Mateo 10:1 - Porciones del Nuevo Testamento

1 Mobebʉrʉ Jesúsbara izha jʉrʉkuadꞌa doceta trʉ̃pe zareata dedꞌekasia jaita ãĩ jʉrekuadꞌamarẽã, bꞌebidꞌamarẽã ne bariduba kꞌaya bꞌeta, ne bariduba pua bꞌeta.

Gade chapit la Kopi




Mateo 10:1
26 Referans Kwoze  

Mʉã marãã zareata diasia dãmata, drusũrẽta nebʉdara eubꞌari ẽbamarẽã, ãtõmiã zarea jõmaʉ̃ ʉ̃rʉ̃ diasia, mawũẽ marã miã kꞌãrẽba sãwũã ẽã.


Wãrĩnu mʉã marãma zokꞌaya Jawurebia mʉ Zezeba diaya adꞌata. Mawũãmina Jerusalén pʉwʉrʉdꞌe duanedua zareata jidadꞌayeedꞌa ʉ̃treba zebʉrʉta.


Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.


Mawũãnaĩ Juanbara panaʉ̃ mawũãsia: Miõba mawũã jʉre nʉma bꞌe ẽã Daizezeba dia ẽbʉrʉ.


Ãsabai izhi pẽwã bꞌeta trʉ̃kuape ãzhidꞌebemata doce jʉrʉkuasia, maʉ̃rã trʉ̃gasia zokꞌakuadꞌa.


Mʉãbʉrʉ marãã diaya bedꞌeata, krĩchata, maʉ̃nebema ãña panaʉ̃na ẽbaya miã mawũã ẽãta jaradꞌa ẽbaya marã jura kꞌobꞌebara.


Ewari abꞌa jai kꞌazhiruabara mawũãsia: Jesúra mʉã ũdukꞌawua bꞌʉa, Pablora kꞌaita mʉã kꞌawua bꞌʉa. Mawũãmina marã ¿kꞌãrẽ ẽãta duanu ẽka?


Zhãrã jõmaʉ̃ ʉ̃rʉ̃ bʉara mʉãã zareata diasia, aramaʉ̃ne bʉ ũme bꞌai jõ ẽãta diamarẽã bʉa mʉãã diadꞌata jõmaʉ̃ã.


Mawũãĩ Jesúsbara mawũãsia: Mʉã marã doce jʉrʉkuasia, mawũãmina marãnebema abꞌa ãtõmiãba erunʉmʉã.


Zhi Zezebara zhi Warra kʉãgꞌa, mawũẽ ne jõma chãbꞌarisia izhi juwuadꞌe.


Jesús wadꞌi bedꞌea kꞌobꞌʉdꞌe izha doce jʉrʉkuadꞌadꞌebemata Judata zesia, izhi bawara zhãrã bio zesidꞌa kuchoedꞌa bakuruedꞌa, maʉ̃rã zokꞌasidꞌa sacerdoterã nokꞌorãba, nokꞌorã pʉwʉrʉdꞌebemaba.


Keubʉrʉdꞌera nekꞌo jewedꞌasia izha jʉrʉkuadꞌata doce bawara.


Mawũãĩ Jesúsbara mawũãsia: Mʉã wãrĩnu marãã jaraya, ne jõma zhiwidꞌita nʉmebʉrʉdꞌera, mʉ Beubari Bape bꞌadꞌara Reyta jewedꞌaya mʉzhi bugueta kĩrãwãrẽãne, marã mʉ pẽwã bꞌesidꞌa nokꞌorãta jewedꞌa duaneña bugue docedꞌe. Aramaʉ̃ne kꞌawua oduaneña Israel warrarã docedꞌebemata.


Daita idu wãẽãbirãrũã, awuarabʉrʉ daira kꞌarebarua ãtõmiã bia ẽãnebara. Reyta nʉmaĩrã bʉrea, zareara bʉrea, zhi zromata nʉmaĩrã bʉrea ewari nʉmʉ jõma. Amén.


Aramaʉ̃ne Galilea drua jõma Jesús pʉrrʉa wãbʉrʉta de zhi jʉrebadata nʉme maẽ miã ũrãgꞌa wãsia, bedꞌea biata jarakꞌa wãsia Daizezeta Nokꞌodꞌebemata. Kꞌaya bꞌeta, pua bꞌeta jõma bꞌebi wãsia pʉwʉrʉ tabꞌe maẽ.


Jesús pʉrrʉasia pʉwʉrʉ zroma jõma, pʉwʉrʉ zake jõma. Miã ũrãgꞌasia de zhi jʉrebadata nʉme maẽ, bedꞌea biata jarakꞌasia Daizezeta Nokꞌodꞌebemata, maʉ̃nerã jõma bꞌebisia ne bariduba kꞌaya bꞌeta, ne bariduba pua bꞌeta pʉwʉrʉza.


Maʉ̃ba widꞌiudua Daizeze zhãrã Zhibaria, miã ũrãgꞌabadata zokꞌamarẽã izhidꞌebema ĩjãĩta bꞌema.


Swiv nou:

Piblisite


Piblisite