Marcos 9:47 - Porciones del Nuevo Testamento

⁴⁷ Bʉ dabʉba bʉta kꞌazhiruadꞌe bꞌaebiidꞌebema orãrũã, aramaʉ̃ne bʉ dabʉra ẽũtabʉrʉkarua. Audre biga Daizezeta Nokꞌota bꞌʉ maẽ edꞌa wãĩta dabʉ abꞌa bꞌʉta, dabʉ ũme bꞌʉta bꞌaribuedꞌai kꞌãñabara tebʉdꞌe.

Marcos 9:47 Referans Kwoze

Mateo 18:9

Bʉ dabʉba bʉta kꞌazhiruadꞌe bꞌaebiidꞌebema orãrũã, aramaʉ̃ne bʉ dabʉra ẽũtape bʉdꞌebara bꞌaribuebʉrʉkꞌarua. Audre biga Daizeze ũme bꞌai jõ ẽã maẽ edꞌa wãĩta dabʉ abꞌa bꞌʉta, dabʉ ũme bꞌʉta bꞌaribuedꞌai kꞌãñabara tebʉdꞌe.

Marcos 9:43

Bʉ juwuaba bʉta kꞌazhiruadꞌe bꞌaebiidꞌebema orãrũã, aramaʉ̃ne bʉ juwuara bꞌʉatubʉrʉkarua. Audre biga Daizeze ũme bꞌai jõ ẽã maẽ edꞌa wãĩta juwua abꞌa bꞌʉta, juwua ũme bꞌʉta wãĩ kꞌãñabara tebʉ kikꞌadꞌe.

Mateo 5:22

Mawũãmina mʉã marãã jaraya, iabꞌa zhi mebea ũme kĩrũbʉrʉra Daizezeba pua kꞌawua oya. Iabꞌaʉba zhi mebeata krĩcha ne ẽã bꞌaribꞌʉa abʉrʉra nokꞌorã wagꞌaurãba pua kꞌawua odꞌaya. Iabꞌaʉba zhi mebeata ikꞌazhirua jarabʉrʉra wãbidꞌaya tebʉ pureadꞌe.

Lucas 14:26

Iabꞌa mʉma zebʉrʉbara mʉta audre kʉãgꞌaidꞌe bꞌʉa, zhi zezeta, papata, kĩmata, warrarãta, zhi mebẽrã zhũmakĩrãrãta, nawekꞌaurãta bꞌe kꞌãñabara, ari izhi kꞌãñabara mʉta audre kʉãgꞌa ẽbʉrʉ mʉ pẽwã bꞌʉta bꞌʉ ẽã.

Marcos 9:46

Mama bꞌeta zuburia onʉmʉrã kira beu ẽã, tebʉsidꞌa kikꞌata nʉmʉã.

Juan 3:3

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa wakusa tobʉrʉ ẽãrã Daizezeta Nokꞌodꞌebema ẽã.

Juan 3:5

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa baniãneba Jawurebiadꞌeba tobʉrʉ ẽãrã edꞌa wã bꞌe ẽã Daizezeta Nokꞌo maẽrã.