Marcos 8:38 - Porciones del Nuevo Testamento

³⁸ Iabꞌa mʉ kꞌarea mʉ bedꞌea kꞌarea pera bꞌʉta kꞌazhirua omiãrãta wawiaba mawũã bꞌaibʉrʉ, mʉ Beubari Bape bꞌadꞌabara maʉ̃ mʉrẽ ẽã aya mʉ zebʉrʉdꞌera mʉ Zeze zareaedꞌa izhi ángelerã bawara.

Marcos 8:38 Referans Kwoze

Romanos 1:16

Mʉrã pera ẽã Jesúsdꞌebema bedꞌea biata jaraira, maʉ̃ Daizeze zareata jõma zhi ĩjãbʉdata ẽdrʉidꞌebema judíorãta judíorã ẽãta.

Lucas 9:26

Iabꞌa mʉ kꞌarea mʉ bedꞌea kꞌarea pera bꞌaibʉrʉ, maʉ̃ mʉãrã mʉrẽ ẽã aya mʉ Beubari Bape bꞌadꞌata zarea bara zebʉrʉdꞌera mʉ Zeze zareaedꞌa ángelerã zareaedꞌa.

Mateo 26:64

Mawũãĩ Jesúsbara mawũãsia: Ara bʉzha jarabʉrʉa. Mawũẽ mʉã marãã jaraya, idꞌidꞌeba marãbara ũdudꞌaya mʉ Beubari Bape bꞌʉra Daizeze zhi zroma juwua araare jewedꞌa bꞌʉta, jãrãrãne zebʉrʉta ʉ̃treba.

Mateo 16:27

Mʉ Beubari Bape bꞌadꞌara mʉ Zeze zareaedꞌa zeya izhi ángelerã bawara, maʉ̃nerã abꞌa abꞌakꞌa kꞌawua obʉrʉta biata odꞌapeadꞌara bia bꞌʉya, bia ẽãta odꞌapeadꞌara zuburia bꞌʉya.

Mateo 12:39

Mawũãnaĩ Jesúsbara panaʉ̃ mawũãsia: Marã bia ẽãba Daizezedꞌebema ĩjã ẽã bꞌeta jara bꞌea ũdubimarẽã ũdudꞌakꞌata, mawũãmina mʉãrã ũdudꞌakꞌara ũdubiga ẽã, awuarabʉrʉ ũdubigaya Daizezeba bedꞌeata jarabibarita Jonás berabꞌaridꞌa kĩrãkꞌabʉrʉ.

Juan 1:51

Mawũãpe mawũãsia: Mʉã wãrĩnu marãã jaraya, idꞌidꞌeba marãbara ũdudꞌaya bãjã ewa nʉmʉta, ũdudꞌaya ángelerã Daizezedꞌeta wãrĩze bꞌeta udꞌubꞌae bꞌeta mʉ Beubari Bape bꞌʉma.

Mateo 25:31

Mʉ Beubari Bape bꞌadꞌata zarea bara zebʉrʉta mʉ ángelerã bawara zebʉrʉdꞌera, zhãrã kꞌawua oita jewedꞌaya mʉ bugue kĩrãwãrẽãne.

Mateo 24:30

Mobebʉrʉ ũdudꞌakꞌata ũdubʉdata mʉ Beubari Bape bꞌadꞌata bãjãneba uruta ũdudꞌaya, mawũã ũdubʉdaba druadꞌe zhãrã bꞌera jõma peraba jẽgadꞌaya. Maʉ̃nerã mʉ Beubari Bape bꞌadꞌara bãjãneba jãrãrãne uruta ũdudꞌaya zarea bara kꞌãbãẽã kĩrãwãrẽã.

Lucas 19:26

Mawũãnaĩ mawũãsia: Mʉã marãã jaraya, zhi erubꞌʉaara edꞌa diaya. Mawũãmina zhi ne ẽãrã wĩka erubꞌʉsidꞌa jãrĩña.

Mateo 13:41

Mʉ Beubari Bape bꞌadꞌabara zokꞌaya ángelerã mʉrẽta, maʉ̃rãbara mʉta Reydꞌebemata jʉredꞌaya zhãrãta kꞌazhirua obi bꞌeta, bia ẽãta obꞌeta.

Hechos 5:41

Mawũẽ nokꞌorã wagꞌaurã kĩrãbitaubara ãzhira sobia wãsidꞌa Daizezeba idu zuburiabigabʉrʉba Jesús kꞌarea.

Juan 12:34

Zhãrãbara mawũãsidꞌa: Daiba ũrĩbadara ũrãgꞌadꞌera jara bꞌʉa zhãrã Ẽdrʉbira beukꞌata. ¿Maʉ̃ta bʉara sãwũã Beubari Bape bꞌʉra cruzdꞌe jirabꞌʉdꞌaya abʉrʉ? ¿Mobera kꞌaipe maʉ̃ Beubari Bape bꞌʉra?

Juan 5:27

Dewara zhãrã kꞌawua oi zareata diasia mʉrã Beubari Bape bꞌʉba.

Juan 1:14

Bedꞌeara Beubari Bape dazhirãne edꞌa bꞌasia, kʉãgꞌaba bira bꞌʉba kꞌawuabiga bꞌasia Daizezedꞌebema wãrãta. Daibara ũdusidꞌa izhira zhi zromata, zhi Warra abꞌa bꞌʉta zhi zroma basia zhi Zezedꞌeba.

Marcos 14:62

Mawũãĩ Jesúsbara mawũãsia: Mʉrã izhia. Mawũẽ mʉ Beubari Bape bꞌadꞌara ũdudꞌaya Daizeze zhi zroma juwua araare jewedꞌa bꞌʉta, jãrãrãne uruta ʉ̃treba.

Mateo 16:4

Marã bia ẽãba Daizezedꞌebema ĩjã ẽã bꞌeta jara bꞌea ũdubimarẽã ũdudꞌakꞌata, mawũãmina mʉãrã ũdudꞌakꞌara ũdubiga ẽã, awuarabʉrʉ ũdubigaya Daizezeba bedꞌeata jarabibarita Jonás berabꞌaridꞌa kĩrãkꞌabʉrʉ. Mawũãpe ãmaẽkuabʉrʉta wãsia.

Mateo 8:20

Mawũãĩ Jesúsbara mawũãsia: Usa pã de bara bꞌʉa, ibanasidꞌa de bara bꞌʉa, mawũãmina mʉ Beubari Bape bꞌʉra ne ẽã sãma kꞌãĩ bꞌaira.

Mateo 16:28

Mʉã wãrĩnu marãã jaraya, ʉ̃kʉrʉ nama kꞌobꞌebara beudꞌai nawedꞌa ũdudꞌaya mʉ Beubari Bape bꞌadꞌara zebʉrʉta Rey baita.

Marcos 8:37

¿O zhãrãbara kꞌãrẽta dia bꞌeipe izhi jawureta ẽdrʉbiira?

Marcos 13:26

Mobebʉrʉ mʉ Beubari Bape bꞌadꞌara jãrãrãne uruta ũdudꞌaya kꞌãbãẽã zarea bara kĩrãwãrẽã.

Hechos 10:22

Mawũãĩ ãzhara mawũãsidꞌa: Cornelio soldaorã nokꞌota biata bꞌʉbara Daizeze wawia bꞌʉa, izhira judíorã jõmaʉ̃ba bia jara bꞌea. Ángelba maʉ̃ã jarasia bʉta izhi dedꞌa jũẽbimarẽã bʉ bedꞌeata ũrĩĩta.