Marcos 8:31 - Porciones del Nuevo Testamento

³¹ Jesúsbara jarakꞌasia izhi Beubari Bape bꞌʉra biodꞌe zuburiai barata, seribidꞌa ẽbaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Marcos 8:31 Referans Kwoze

Hechos 7:35

Maʉ̃ne maʉ̃ Moiséra Israelitarãbara seribidꞌa ẽãba mawũã bazhidꞌa: ¿Bʉra kꞌaiba nokꞌota bꞌʉsi bedꞌeata araa oira? Mawũã jaradꞌapeadꞌatrʉ Daizezebara nokꞌota zokꞌasia ángel zareadꞌeba ãzhi ẽdrʉbigamarẽã, maʉ̃ ángel zhi ũdubisia bakuru zake nʉmʉne.

Juan 2:19

Mawũãnaĩ Jesúsbara panaʉ̃ mawũãsia: Naʉ̃ Daizeze dera ãrĩũdua, mʉã ewari ũbeadꞌe wakusa pãrãña.

Lucas 24:26

¿Zhãrã Ẽdrʉbira mawũã zuburiaita bara basi ẽka ʉ̃tre Nokꞌota bꞌeira?

Lucas 17:25

Mawũãmina naara biodꞌe zuburiaya, seribidꞌa ẽbaya zhãrã idꞌi ewade bꞌebara.

Marcos 12:10

¿Aramaʉ̃ kĩrãkꞌa mʉ seribidꞌa ẽãnebemata zhi bꞌʉmarã marãbara ledꞌakꞌa kĩrãkꞌa duanu ẽka?: ¿Jara bꞌʉ ẽka de obadaba mongꞌara seri ẽãne bꞌʉdꞌapeadꞌara wagꞌauta bꞌesita.

Mateo 21:42

Mawũãnaĩ Jesúsbara mawũãsia: ¿Marãbara ledꞌakꞌa kĩrãkꞌa duanu ẽka aramaʉ̃ kĩrãkꞌa mʉ seribidꞌa ẽãnebemata zhi bꞌʉmarã?: ¿Jara bꞌʉ ẽka de obadaba mongꞌara seri ẽãne bꞌʉdꞌapeadꞌara wagꞌauta bꞌesita. Daizezeba mawũã osi baera dazhirãma ne bia abꞌʉ ẽka? (Salmos 118:22-23)

Mateo 12:40

Bꞌeda zroma bꞌitaedꞌa Jonásta ewarita ũbea diamaseta ũbea bꞌadꞌa kĩrãkꞌa, mʉ Beubari Bape bꞌʉsidꞌa beudꞌata egorodꞌe edꞌa tabꞌaya ewarita ũbea diamaseta ũbea.

Lucas 24:44

Mobe mawũãsia: Mʉ kꞌãwũã berabꞌaribʉrʉra mʉã marãã zhi jarama basia mʉ wadꞌi marã bawara bꞌʉdꞌe: Kꞌãwũã arimaẽ berabꞌariita bara basia jõma mʉnebemata zhi bꞌʉmata Moisé ũrãgꞌadꞌe tabꞌeta, Daizezeba bedꞌeata jarabibarirãba bꞌʉdꞌapeadꞌata tabꞌeta, Salmone tabꞌeta.

Juan 12:48

Mʉta seribi ẽãba mʉ bedꞌeata ĩjã ẽãbara erubꞌʉa kꞌaiba pua kꞌawua oira, bedꞌeata mʉã jara nʉmʉba maʉ̃neba Daizezeba kꞌawua oya ewari jõbʉrʉdꞌe.

Mateo 27:63

mawũãsidꞌa: Nokꞌó, daibara bude basidꞌa jari sewa nebʉrʉmiãbara zokꞌai bꞌasidꞌera mawũãsia: Mʉrã ewari ũbeadꞌe beudꞌata piradrʉya.