Marcos 8:17 - Porciones del Nuevo Testamento

¹⁷ Jesúsbara maʉ̃ta kꞌawuape mawũãsia: ¿Kꞌãrẽã jara kꞌobꞌe pan ne ẽãta? ¿Sãwũãta kꞌawuadꞌa ẽka? ¿Sãwũãta kꞌawuaira zareka marã sora?

Marcos 8:17 Referans Kwoze

Marcos 6:52

Aramaʉ̃nerã zhi zromata wadꞌi kꞌawuadꞌa ẽbasia pan wĩkaba kꞌabanata nekꞌobigadꞌamina, maʉ̃ne krĩchadꞌaira zare basia ãzhi sora.

Marcos 2:8

Jesúsbara kꞌawuasia ãzhi bitabai mawũã krĩcha kꞌobꞌeta, mawũẽ mawũãsia: ¿Kꞌãrẽã kꞌãwũã krĩcha kꞌobꞌe marã sodꞌera?

Marcos 3:5

Mawũẽ kĩrũ akʉkuasia, sozuburia ne ẽã so zarea bꞌeba sopuape juwua bagu bꞌʉa mawũãsia: Bʉzhi juwua jirabꞌaridua. Mawũãĩ izhara jirabꞌarisia, aramaʉ̃ne izhi juwuara bika bꞌesia.

Juan 21:17

Jarama ũbeata mawũãsia: Simón Jonás warra, ¿bʉa mʉrã kʉãgꞌakꞌa? Pedrora sopuasia mawũã jarama ũbea, ¿bʉa mʉrã kʉãgꞌakꞌa abʉrʉba? Mawũẽ mawũãsia: Nokꞌó bʉara jõma kꞌawua bꞌʉa. Bʉa kꞌawua bꞌʉa mʉã bʉra kʉãgꞌata. Mawũãĩ Jesúsbara mawũãsia: Jʉredua mʉ pẽwã bꞌeta.

Juan 16:30

Idꞌibʉrʉ daibara kꞌawuabʉda bʉara ne jõma kꞌawua bꞌʉta, mawũẽ miõba kꞌãrẽ widꞌidꞌaira nesidꞌa ẽã, kꞌãʉ̃ba daibara ĩjã bꞌea bʉra zesita Daizeze maẽba.

Lucas 24:25

Mawũãnaĩ Jesúsbara mawũãsia: ¡Marã krĩcha ne ẽã bꞌea, marãbara sodꞌebara ĩñabasia jõma ĩjãĩta duanu ẽã Daizezeba bedꞌeata jarabibarirãba jaradꞌapeadꞌara!

Marcos 16:14

Nʉmape izha jʉrʉkuadꞌata oncea Jesús zhi ũdubisia ãzhi jewedꞌa nekꞌo kꞌobꞌedꞌe. Mobe ĩjã ẽbaita sota zarea bꞌedꞌeba kẽãkuasia ĩjãna ẽãba zhi ũdudꞌapeadꞌaba jarabʉdata beudꞌata piradrʉdꞌata.

Mateo 15:17

¿Kꞌawuadꞌa ẽka jõma kꞌãrẽ yedꞌa wãbʉrʉra bꞌitaedꞌa wãpe ãĩ wã bꞌʉra?

Mateo 12:15

Jesúsbara maʉ̃ta kꞌawuape wãsia mamaʉ̃bara, zhãrã bio kꞌaidꞌu wãbʉdata kꞌaya bꞌera bꞌebisia jõma.

Mateo 16:7

Mawũãĩ ãzhirãĩnu bedꞌeabʉdata mawũãsidꞌa: Maʉ̃ta jarabʉrʉa pan wedꞌa ẽbasi baera.

Marcos 8:16

Mawũãĩ ãzhirãĩnu bedꞌeabʉdata mawũãsidꞌa: Maʉ̃ta jarabʉrʉa pan wedꞌa ẽbasi baera.