Marcos 7:5 - Porciones del Nuevo Testamento

⁵ Mawũẽ fariseorãbara ũrãgꞌa Moisédꞌe jarabada bawarauba widꞌi mawũãsidꞌa: ¿Kꞌãrẽã bʉa jʉrʉkuadꞌabara aribꞌaedꞌa ẽpe zõrãrãba okꞌawa bꞌeadꞌara? Awuarabʉrʉ nekꞌo kꞌopanʉã juwua mitia.

Marcos 7:5 Referans Kwoze

Hechos 21:21

Ãzhaara sewata jarasidꞌa bʉdꞌebemata, judíorãta judíorã ẽã maẽ bꞌeta jõma ũrãgꞌa bꞌʉbidꞌa aribꞌaedꞌa ẽbamarẽã ũrãgꞌa Moisédꞌeta, jara bꞌʉbidꞌa ãzhi warrarãne kꞌakua era kꞌõna ẽbamarẽã, miã odꞌa ẽbamarẽã kꞌãrẽ okꞌawa bꞌera.

Hechos 21:24

Maʉ̃rãta Daizeze deidꞌu bʉzhi bawara ededua, mobe Daizeze kĩrãbita nene ẽã bꞌeaidꞌebemata ãzhi bawarauba odua. Ãzha Daizezea diaira bʉa diadua, aramaʉ̃ne budꞌa wẽnamarẽã. Mawũãrã jõmaʉ̃ba kꞌawuadꞌaya bʉdꞌebemata jaradꞌapeadꞌara sewata, awuarabʉrʉ kꞌawuadꞌaya bʉabidꞌa kĩrãẽpa aribꞌae bꞌʉta Moisé ũrãgꞌara.

Mateo 15:2

¿Kꞌãrẽã bʉa jʉrʉkuadꞌabara aribꞌaedꞌa ẽpe zõrãrãba okꞌawa bꞌeadꞌara? Mitia ne ẽã obʉdata juwuara surrua odꞌa ẽã nekꞌobʉdadꞌera.

Romanos 4:12

Kꞌakua eta kꞌõpe bꞌe zezeta bari kꞌakua eta kꞌõpe bꞌeitabema ẽã, awuarabʉrʉ abꞌarika ĩjã bꞌeitabema dazhirã zeze Abrahamba ĩjãna kĩrãkꞌa kꞌakua eta kꞌõ ẽwedꞌa.

Marcos 7:8

Aramaʉ̃ne Daizezeba aribꞌaemarẽã jara bꞌʉra kenabꞌaridꞌape aribꞌae bꞌea beubari bꞌeba okꞌawa bꞌeta, mawũẽ mazhima mitia ne ẽã obʉdata surrua obꞌea jiwadota, vaso baniã dota. Aramaʉ̃ne ne awʉrʉsidꞌa bio obꞌea abꞌarikata.

Marcos 7:9

Dewara mawũãsia: Daizezeba aribꞌaemarẽã jara bꞌʉra sãwũã seribidꞌa ẽbaita bia kꞌawua bꞌea, mazhidꞌeta aribꞌaedꞌai kꞌarea.

Marcos 7:13

Aramaʉ̃ne Daizeze bedꞌeara seribidꞌa ẽã mazhidꞌeta awʉrʉa kꞌawabi nʉmeba. Ne awʉrʉsidꞌa bio obꞌea aramaʉ̃ kĩrãkꞌa bꞌʉta.