Marcos 6:12 - Porciones del Nuevo Testamento

¹² Jesúsba jʉrʉkuadꞌara wãnape zhãrã bꞌea jara jʉ̃drʉsidꞌa kꞌazhiruara ãmape Daizezeta pẽwãnamarẽã.

Marcos 6:12 Referans Kwoze

Mateo 4:17

Maʉ̃ ewaridꞌeba Jesús miã ũrãgꞌa jʉ̃drʉbʉrʉta mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Hechos 20:21

Judíorãã, judíorã ẽãta bꞌea jarasia kꞌazhiruara ãmape Daizezeta pẽwãnamarẽã, ĩjãnamarẽã dazhirã Nokꞌo Jesucristodꞌebemata.

Hechos 11:18

Maʉ̃ta ũrĩbʉdadꞌera chupeadꞌape Daizeze ibia jara mawũãsidꞌa: ¡Mawũẽ Daizezebara idaribibʉrʉa judío ẽãta bꞌebidꞌa kꞌazhiruara ãmape izhita pẽwãnamarẽã, aramaʉ̃ne jidadꞌamarẽã izhi ũme bꞌai jõ ẽãta!

Hechos 2:38

Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata.

Lucas 13:3

Mʉã marãã jaraya, mawũã ẽã, awuarabʉrʉ marãba kꞌazhiruata ãmape Daizezeta pẽwãna ẽbʉrʉ jõma aduadꞌaya abꞌarika.

Lucas 11:32

Daizezeba zhãrã kꞌawua obʉrʉdꞌera Nínive pʉwʉrʉdꞌe zhãrã bꞌeadꞌara beudꞌata piradrʉdꞌaya zhãrã idꞌi ewade bꞌe bawara, maʉ̃rãbara marã aduabimarẽã jaradꞌaya, maʉ̃ẽnabema Jonásba Daizeze bedꞌeata jarabʉrʉba ãzhara kꞌazhiruara ãmape Daizezeta pẽwãsidꞌa. Maʉ̃ne mʉ nama bꞌʉra audre zhi zroma Jonás kꞌãñabara.

Mateo 3:8

Mawũẽ dajada kꞌazhiruara ãmape bꞌeta Daizezeta pẽwã bꞌeaudua.

Mateo 3:2

mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Hechos 26:20

Awuarabʉrʉ naara jarasia Damascodꞌe bꞌea, Jerusalénne bꞌea, Judea drua jõmaʉ̃ne bꞌea, judíorã ẽãta bꞌea. Mawũã jarasia kꞌazhiruara ãmape Daizezeta pẽwãnamarẽã, aramaʉ̃ne biata odꞌamarẽã dajada kꞌazhiruara ãmape bꞌeba.

Hechos 3:19

Maʉ̃ba kꞌazhiruara ãmape Daizezeta pẽwãũdua, bedꞌea ne ẽã duanebimarẽã kꞌazhiruata biodꞌeba. Mawũãrã Nokꞌo Daizezebara sobiadꞌai ewarita zebibʉrʉta,

Lucas 24:47

Kꞌõbebʉrʉ mʉ trʉ̃neba jaradꞌaya kꞌazhiruara ãmape Daizezeta pẽwãnamarẽã, Daizezeba bedꞌea ne ẽã duanebimarẽã kꞌazhiruata biodꞌeba, drua jõmaʉ̃ maẽ mawũã jara erujʉ̃drʉdꞌaya Jerusalénneba.

Lucas 15:10

Mʉã marãã jaraya, aramaʉ̃ kĩrãkꞌa ángelerã Daizezedꞌera sobiadꞌaya kꞌazhirua omiã abꞌaʉba kꞌazhiruara ãmape Daizezeta pẽwãbʉrʉ kꞌarea.

Lucas 15:7

Mʉã marãã jaraya, aramaʉ̃ kĩrãkꞌa ʉ̃trera audre sobiadꞌaya kꞌazhirua omiã abꞌaʉba kꞌazhiruara ãmabʉrʉta Daizezeta pẽwãbʉrʉ kꞌarea. Noventa y nueve biarãta Daizeze pẽwã bꞌe kꞌãñabara.

Lucas 13:5

Mʉã marãã jaraya, mawũã ẽã, awuarabʉrʉ marãba kꞌazhiruata ãmape Daizezeta pẽwãna ẽbʉrʉ jõma aduadꞌaya abꞌarika.

Marcos 1:15

Maʉ̃nerã mawũãsia: Ewarira arabata Daizezeta Nokꞌodꞌebema kꞌaita basia. Mawũẽ kꞌazhiruara ãmape Daizezeta pẽwãũdua, izhidꞌebemata ĩjãũdua bedꞌea biata.

Mateo 11:20

Jesúsbara kẽãkuasia pʉwʉrʉ zroma tabꞌe maẽ bꞌeta, maʉ̃za ũdudꞌakꞌata bio okuasimina kꞌazhiruara ãmape Daizezeta pẽwãna ẽãba mawũãsia:

Mateo 9:13

Mawũẽ wãũdua, mobe sãwũãta kꞌawaudua Daizezeba mawũãnata: Mʉãrã krĩña bꞌʉa zhãrã sozuburia bꞌeaita mʉĩta nendʉwʉrʉta babue bꞌeai kꞌãñabara. Daizezeba mawũãnaneba mʉãrã jʉrʉdꞌe ze ẽbasia ãzhikusa biata bꞌeta, awuarabʉrʉ ẽdrʉbigaita jʉrʉdꞌe zesia kꞌazhirua omiãrãta, kꞌazhiruara ãmape Daizezeta pẽwãnamarẽã.

Lucas 9:6

Ãzhi wãbʉrʉdꞌera pʉwʉrʉ zake tabꞌeza berabꞌari wãnata bedꞌea biata jarakꞌa kꞌayarãta bꞌebikua wãsidꞌa baridu maẽ.

Marcos 1:3

Maʉ̃ nemi jĩgua bedꞌeabʉrʉta drua drudrua tabꞌʉ maẽ mawũãña: Bia ẽãrã ãmabʉdaba araa obʉdakꞌaudua Nokꞌo zei ota, jipa obʉdakꞌaudua izhi zei ota. (Malaquías 3:1; Isaías 40:3)

Mateo 11:1

Izha jʉrʉkuadꞌata doce bꞌea Jesúsbara maʉ̃ta ma jarape mamaʉ̃bara wãsia pʉwʉrʉza miã ũrãgꞌadꞌe.